تابع أخبار النتائج - الترم الأول 2007/2008 -

الآن : تابع أخبار النتائج @
هنا سيتم إضافة أخر الأخبار بخصوص نتائج الترم الأول لجميع الفرق ان شاء الله
انتظروا الجديد باستمرار
أخبار جديدة : التفاصيل هـــــنـــــا

1/ الفرقة الرابعة : النتيجة في خلال الأسبوع بعد القادم إن شاء الله . بالتوفيق للجميع
الخبر بتاريخ 17/2

Amateur Eng عدد الرسائل : 6 تاريخ التسجيل : 25/02/2008

اتمنى التوفيق للجميع ان شاء الله ويا ريت لو اى خبر عن نتيجة اعدادى

أعتقد أن لسه كتير على نتيجة إعدادى @
ميقلش عن 4 أسابيع
الخبر بتاريخ 2/3

انا وصلتلي اخبار لطلبة تانيه ميكانيكا
ان نسبة النجاح في الثيري 50% لطلبة بور
و30% لطلبة انتــــــاج
الكلام ده كلام الدكتور يعني قبل لما تخش الكنترول وتترفع
وبالنسبة للكنترول فمــادة صب المعادن هي بس اللي دخلت الكنترول بالنسبة لطلبه انتاج
ومفيش مواد دخلت الكنترول لبور
وبالنسبة لمادة الفلود لبور فالدكتور قال ان فيه 11 واحد ساقط في الورق بينهم واحد لايحة قديمة
وطبعا كل ده قبل لما تخش الكنترول
ولو فيه اي جديد هبلغكم بيـــــــه

هام جدا لطلبة الفرقة الأولى :::
النتيجة الآن في الكنترول لأقسام : كهرباء + ميكانيكا + عمارة
وبعض الطلبة جابوا النتيجة من داخل الكنترول ابتداءا من يوم الأحد
وفيه احتمال كبير نتيجة (أولى كهرباء ) تتعلق في خلال الأسبوع الحالي @

هام جدا لطلبة الفرقة الثانية ::: ((( قسم كهرباء )))
النتيجة الآن في الكنترول ( ثانية كهرباء )
وبعض الطلبة جابوا النتيجة من داخل الكنترول ابتداءا من يوم الأحد @

انتظروا أحدث الأخبار إن شاء الله ...

النتيجة للفرق الاولى اقسام كهرباء و عمارة اتعلقت انهاردا
و حظ اوفر للجميع Very Happy

Amateur Eng عدد الرسائل : 6 تاريخ التسجيل : 04/03/2008

ايه اخبار مدنى يا جماعه

بالنسبة للفرقة اولي مدني بيقولو في 4 مواد اتسلمو بس النتيجة لو ظهرت الاسبوع ده
فعلي يوم الثلاثاء او بعده يعني بكره صعبة جداا
والكنترول بتاع اولي مدني هيبقي فاتح يوم الثلاثاء اللي عاوز يجيب النتيجة من الكنترول
والتوفيق للجميع

بالنسبة لاولي فكهربا وعمارة اتعلقوا زي ما منجي قال
ومدني اربع مواد ظهرت زي ما فتحي قال وميكانيكا اعرف ناس جابوها
وبالنسبة لاعدادي فتقريبا هي خلصت وحاليا بالكنترول
وربنا معانا

تمام يا كريم ويا احمد ويا رامي
وزي ما توقعنا نتيجة أولى كهرباء هى أول نتيجة اتعلقت
واعتقد نتيجة أولى مدني حتتعلق بردة خلال الأسبوع الحالي
وبالنسبة لنتيجة أولى كهرباء .. المادتين اللى لسه ما نزلوش حيتعلقوا قبل نهاية الأسبوع إن شاء الله @
وباحتمال 90 % نتيجة الفرقة التانية بجميع أقسامها مش حتتعلق قبل الأسبوع اللى جاى @

ربنا يوفق الجميع يا رب
بالنسبة لنتيجة تالتة مدني بيقولوا الأربعاء أو الخميس تقريبا ربنا يستر
و يا ريت أي حد يعرف حاجة عنها يبقى يقول
إن شاء الله خير للجميع

اخبار تانية مدنى ايه يا جماعه

بالنسبة لنتيجة تانية مدني :: فيه مواد خلصت ومواد لسه .. @
ولغاية اللحظة دى مفيش اى معاد محدد لظهورها @
بالتوفيق للجميع

بالنسبة لتانية لسه بدري عليها والاخبار دي من رئيس الكنترول

الاخبار الجديدة ان اولي مدني اتعلقت خلااااااااااص النهرده الساعه 5

ومبروك لكل النـــاجحين

بالنسبة لسنة رابعة جميع الفرق تقريبا خلصت باستثناء مادة في مدني ومادة في ميكانيكا
والمصدر بتاع الكنترول قال انها هتتعلق يوم الخميس لاما اوائل الاسبوع اللي بعده
والتوفيق ان شاء الله للجميع

أقرب النتايج للظهور إن شاء الله : الفرقة الثالثة + أولى ميكانيكا .. @
تم التعديل .. لوجود خطأ

أخبار مؤكدة من داخل الكنترول :
نتيجة الفرقة الثانية ( مدني + كهربا ) خلال النصف الأول من الأسبوع الحالي و بحد أقصى الثلاثاء إن شاء الله ..

جديد للفرقة الثانية مدني :: أنتهى الكنترول من مراجعة ورصد 4 مواد ،، وباقى مادتين بس ..
ولسه مش مؤكد ظهور الأربعة مواد بس ولا النتيجة كاملة

نتيجــة تانية ميكانيكا قوي كل المواد خلصت ما عدا ماده واحده واحتمال تبــان خلال يوم
والمصدر اكيد لاني جبت نتيجتي فعلا ما عدا مادة الديسين

كلامك سليم يا رامي .. تم إعلان نتيجة الفرقة التانية ميكانيكا ( بور ) انهاردة الساعة 5 عصرا @

وتم إعلان نتيجة أولى ميكانيكا اليوم كما توقعنا .. @

وأخيرا تم إعلان نتيجة الفرقة الرابعة أقسام مدني + كهرباء ( إتصالات ) + عمارة -- اليوم أيضا من الساعة الرابعة إلى الخامسة عصرا .. @

وأخبار مؤكدة من داخل الكنترول بالنسبة لنتيجة تانية مدني تؤكد أن بنسبة 90 % النتيجة حتظهر بكرة (الإثنين ) ان شاء الله .. وبحد أقصى بعد بكره ( الثلاثاء زي ما قولنا قبل كدة ) .. وحيتم اعلان 5 مواد فقط .. بدون مادة ميكانيكا الموائع .. اللى حتظهر لوحدها بعد فترة غير معروفة .. @

وبالنسبة لتانية كهربا ( إتصالات ) تم الانتهاء من مادتين وعدد كبير جدا من الطلبة جابوا المادتين دول انهاردة بكل سهولة من داخل الكنترول .. ولكن يبدو انها مش حتنزل مع تانية مدني .. الله أعلم .. @

وتانية كهربا ( بور ) خلال يومين او 3 إن شاء الله .. @

شكــــرا يا باشا

والنبى مفيش أخبار عن تانية حاسبات

New Eng عدد الرسائل : 1 تاريخ التسجيل : 13/03/2008

طاب مفيش اخبار عن رابعه حاسبات

مفيش أخبار مؤكدة بالنسبة لحاسبات (تانية أو رابعة )
بس غالبا نهاية الأسبوع الحالي بالكتيرر إن شاء الله .. @

رابعة ميكانيكا فين