الخـريــــــــــــــــطه...للكاتب الساخر عمر طاهر..

زي ماوضحت قبل كده ان عندي قصيدين من الشعر العمودي برضه لعمر طاهر وهنزلهم ...دي القصيده الاولي والافضل من وجهه نظري
انا بحبها جدا وبحس انها بتعبر عني كشخص وعن مصر كوطن في كل مجموعه شطرات مرتبطه ببعضها

هسيبكو مع القصيده ومستني اشوف تعليقاتكو المره دي ويا رب يكون الامطباع افضل من اول واحده نزلت

1-
3 سنين والرابعه
اكيد الرايعه كبيسه
جنب الشغل عماره
ورا العماره منيسه
وانا قاعد مش مرتاح
انا باب ديته مفتاح
كان نفسي اكون سفاح
بس مجبتش مجموع
وانا كل ما بمشي بلاقي
يافطه الوقوف ممنوع

2-
تحت البيت كوافير
قصاده محل هدوم
صاحبه دايما ملخوم
قلبه صاله بلياردو
وغرس نخله قدامه
النخل بيحضن ارضه
كل ما تطول قدامه

3-
ازاي الخوف وصلني
لدرجه اني مخفش
ياللي فرقتوا الحب
انا قلبي بجد مخدش
ولا يمكن اكون شحات
اصل كرامتي بتوجعني
وانا كل ما اقول التوبه
ملقاش راجل يمنعني

4-
الجامع فاضي ولكن
دايما حاسه مليان
فوقي ساكن دكتور
شكله علي طول عيان
وجراج الاوبرا اتهد
انا ليه خايف ع السد
وازاي بضحك من قلبي
وانا واخدها بجد

5-
انا كوبــري قصر النيل
وعشــــره عمــري اسود
انا كوكــب ماشــي لوحــده
ومـافـيـــش للوحــده حـدود
وهـــاسيب تليفوني يرن
انا اصــلا مش موجــود

واضح فعلا ان عمر طلع دمه تقيل ومش بيتفهم منه حاجه...مع اني شايف انه والله جميل جدا....
بس زي ما هنيدي قال...دي آآآآراااااء=))

انا نفسي الاقي حاجه بتربط كل بيت بالي قبله
هفترض انها اعلي من مستوي تفكيري علشان ما اظلمش الراجل

مش عارف يا يسرا والله...انا شايف انها مرتبطه جدا ببعضها...بس هو اكيد انتي اول مره تقري شعر عمودي حديث لكاتب شاب يعني...
اانا عندي كتاب اسمه انا راعي بقر وحيد لكاتب اسمه خالد كساب برضه نفس الاستايل كده..
وفقا لكلامك يعني مفيش اي حاجه ممكن تربطيها ببعض...
بس انا حاسه وفاهمه...يمكن عشان اتعودت عليه

مش لازم يكون الكلام واضح...الكلام ممكن يكون وراه معني مش باين مباشر...
وممكن يكون باين جدا لدرجه احنا منتخيلهاش