لحظات ابداع

موضوع: لحظات ابداع الأربعاء يونيو 24, 2009 6:03 pm

ده رسمي يا جماعه
والله كنت برسم احلي من كده زمان
بس قلت حرام احرمكم من الابداع ده

حلو والله يا يسرا بشوية تمرين هتبقي تماام جداااا .......

و عموما انا عندي شوية رسومات ممكن ابقي احطها برضه بس من غير تريقة طبعا ........

والله يا يسرا هي بتركيبتها دي بتفكرني بفيلم ايظن..البنت الكلبوظه دي مش فاكر اسمها !!

والله انت كده احسن من اللي مبيعرفش يرسم حتي ورده!

كان نفسي اطلع بعرف ارسم بس للاسف احبطت من الصغر

وبحاول انمي الموهبه دي في اخويا ..وبقي يرسم احسن مني

بس لحظه مش بطاله!! ...

ويلا يا بنا بقه اتشجع كده وبأذن الله هخليك تبطل تمسك ورقه وقلم وترسم تاني

والله انا اللي شجعني يحيي لما حط الصوره بتاعته بدون مقارنه طبعا
بس والله كنت بعرف ارسم زمان بس من زمان ايام ثانوبه عامه ما رسمتش حاجه
ويا ريت تنزل صورك اجرب ارسمها انا كمان وديني بتدرب
اكسب فيا ثواب

احنا ممكن نخلي التوبيك ده للكل
اي حد في لحظه ابداع رسم او عمل حاجه ببالورق او اي حاجه يصورها ويجبها هنا
يا ريت يا جماعه نشجع بعض دا احنا هندسه
وبعدين يا مودي جرب تنقل رسمه بتبقي اسهل كتير انقل الخطوط بس علس ما تتعود

واحد بقاله 15 سنه بيحاول يرسم وبيفشل ما شاء الله..هل التوبيك ده هيقدر يغير الواقع!!
هي موهبه يا يسرا ..وانا اكيد معنديش الموهبه دي ..
واكيد عندي موهبه تانيه بس دي معتقدش اني ممكن انزلها ع المنتدي للحفاظ علي ارواح الاخرين!!

كفاية دول دلوقي لغاية ما نشوف الانطباعات الاول ........

يا لهوي يا بنــــــــــــــــا...
انت جامد اوي ياد بجد..
صور جميله توي واكيد في الحقيقه هتبقي اجمل من كده كمان..
ربنا يبارك فيك يا ابني والله ..

انا بقول اروح اولع في نفسي
انا هقولك حاجه حلوه اوي
انا هقعد اقلدهم بجد واصور اللي رسمته وانت اللي تقولي انطباعك
بجد تحفه ما شاء الله

حلوة اوى والله يا يسرا وعاوزين إبداعات اكتررر
وطبعا يا بنا حاجة فوق الوصف .. وعلى فكرة يا مودى انا شفت الحاجات دى على الطبيعة
ومتنساش يابنا تشجيعي الدائم ليك في تنمية الموهبة دى
ايوة كدة عاوزين نتعلم الرسم منكم انا ومودى

ومنتظرين المزيد من لحظات الإبداع

الله يايانج بنا
ايه ده؟؟؟؟؟؟؟ بجد ماشاء الله
ده انت طلعت ثروة
لو عندك تانى نزلهم لو سمحت

بصراحه الرسمتين مبدعين فعلا
و خاصتا رسمة الحصان بتظهر الحصان فى احدى اجمل نقاط قوته
الوقوف على قدمين
انا حاسس انه هيطير

ههههههههههههههههه.........

بتحرجوني والله يا جدعان بكلامكم ده .....
و بعدين يا موودي ممكن تبقي تجيلي اديك دروس وببلاش متخافشي ....
و طبعا يا يسرا مش هقولك غير ان بجد رسمك كويس جداو مش محتاج غير انك تدربي نفسك و لوكل اسبوع هتلاقي العملية سهلة خااااااااااالص و طبعا انا تحت امرك في اي حاجة......
و الف شكر يا مانا علي كلامك وعايزين نشوف رسمك انت كمان......
و مرسي يا كات علي كلاامك وبعدين الحكاية موصلتش لدرجة ثروة ولا حاجة .....انتو هتحسسوني اني بيكاسو ولا ايه ...
و طبعا مش ممكن اقدر انسي تشجيعك يا نجم .......ده كفاية ان رسمة الحصان كنا جنب بعض ساعتها في المحاضرة وكنت مصدر الالهام ليا .......
الف شكر للجميع ومستنيين نشوف ابداعاتكم كلللللللكم...

انا قررت اني اعمل زياره مفاجأه لبيتكوا يا بنا واخد الكتب اللي وعدتني بيها واتفرج ع الصور دي في اقرب وقت ممكن...

شوفو بقه عندكوا غدي ايه يوم الجمعه!!

اقتباس :: انا قررت اني اعمل زياره مفاجأه لبيتكوا يا بنا واخد الكتب اللي وعدتني بيها واتفرج ع الصور دي في اقرب وقت ممكن...

شوفو بقه عندكوا غدي ايه يوم الجمعه!!

هههههههههههههه.........

تنور والله يا موودي في اي وقت مجرد مكالمة تليفون و انا استناااك...... وتيجي تشوف وتاخد كل اللي انت عايزه...بس متخلعش انت في الاخر...
هو احنا هندنا كام موودي!!!!

موضوع: رد: لحظات ابداع الخميس يونيو 25, 2009 1:18 am

احطلكم كمان صورتين وبرضه اللي عنده كلمة وحشة بلاش يقولها .......و ان شاء الله احطلكم الباقي واحدة واحدة...بس للاسف الكاميرا مش حلوة ...
لحظات ابداع Image022k

موضوع: رد: لحظات ابداع الخميس يونيو 25, 2009 1:24 am

تحفـة طبعا يا بنا .. بجد انا من زمان وانا بقول عليك فنان في الرســم
والرسمة دى بجد مشكلة ::

engbana كتب:

ومنتظرين المزيــد , عاوز اشوف رسومات مشفتهاش قبل كدة
ومنتظرين إبداعاتك يا يســرا .. وبجد فكرة التوبيك روعة .. عاوزين نشوف الفنانين اللى معانا في المنتدى
عاوزين نعمل معرض منتدى طلبة هندسة طنطا

وطبعا تم التثبيت

موضوع: رد: لحظات ابداع الخميس يونيو 25, 2009 1:28 am

هههههههههههههههههههههههههههههههههههه........

الف شكر يا نجم علي كلامك الجميل ده والله....و ربنا يخليك ليا وتشجعني دايما كده ...
و طبعا انت فاكر صورة هتلر دي رسمتها علي ظهر محاضرات ال foundation اللي كنت مصورها منك ليلة الميدترم بدل ما اذاكر قلبتها رسم علي ظهرالورق حتي باين ان الورقة غريبة ....

موضوع: رد: لحظات ابداع الخميس يونيو 25, 2009 1:32 am

انا عايزه اعيط
هو ده بالفحم يا بنا ؟؟؟
والله انت فنان ما شاء الله اهي موهبه ذياده اكتشفناها اهو فيك
ربنا يباركلك علشان ما تقولش بحسد

موضوع: رد: لحظات ابداع الخميس يونيو 25, 2009 1:45 am

بصي هما كلهم بالفحم ما عدا تاني صورة........

و عموما لو عايزة تشتري اقلام فحم فافضل حاجة تجيبي قلم فحم علي الاقل 3B.......و احسن حاجة الانواع التشيكي....
و بعدين والله انا لا فنان ولا حاجة ........و بجد لو اتدربتي هتبقي احسن مني مليوون مرة لان كله بالتدريب...
و اكيد طبعا مش بتحسدي ولا حاجة ...و طبعا لو عندك اي استفسارات ان تحت امرك...
و عايز نعرف هنشوف بقي رسوماتك انتي كمااان امتي؟؟؟........

موضوع: رد: لحظات ابداع الخميس يونيو 25, 2009 1:49 am

ما اظنش اني انفع ارسم بالفحم دلوقتي
المشكله ان زمان وانا صغيره كنت برسم حلو اوي بس علشان ما فضلتش ارسم ضاعت الموهبه
انا والله هحاول في اوقات فراغي اقعد ارسم اي حاجه كده لغاية ما ان شاء الله احصلك وارسم احسن منك كمان بس انت ساعدني اهم حاجه
سؤال يس
هو الفحم اصلا ينفع يتمسح ؟؟؟؟

موضوع: رد: لحظات ابداع الخميس يونيو 25, 2009 1:57 am

ربنا معاكي طبعا وان شاء الله ترسمي احسن مني بكتييييييير .....

و بالنسبة للفحم فهو بيتمسح عاادي جداااااااا.....
بس ارخم حاجة ان القلم بيبقي غريب وكبير في معظم الاحيان و بيبقي مش زي القلم الرصاص لكن بيبقي القلك كله عبارة عن سن.......مش عارف انتي فاهماني ولا لأ ..
يعني القلم مش خشب وجواه سن....لا هو كله سن....و الافضل فعلا ابداي بسنون عادي
و ربنا معاكي ان شاء الله...و طبعا لو محتاجة اي مساعدة انا معاكي..

موضوع: رد: لحظات ابداع الخميس يونيو 25, 2009 2:01 am

فهمت زي الالوان الشمع كده صح ؟؟
علي العموم ميرسي يا بنا علي الصور اللي اكتر من رائعه
وربنا يوفقك ان شاء الله

موضوع: رد: لحظات ابداع الخميس يونيو 25, 2009 2:05 am

اقتباس :: فهمت زي الالوان الشمع كده صح ؟؟

تمام كده بالظبط زي الشمع بالظبط بس بيبقي صلب عنه بكتير.....

والله يا جماعه انا شايف ان الموضوع ده مكانه قسم ابداعات البشمهندسين!!
ايـــــــــه رأيكوا!!
ما شاء الله عليك يا بنا ...خمسه وخميسه
انا هموت واتفرج علي صوره هتلر دي بجد..
استني مني بجد مكالمه بكره..بس انت متزوغش