لازم نشوف حل في نظام الإمتحانات دة

موضوع مهم جدااا ، ولازم كلنا نتناقش فيه ونشوف كل الأراء ، وانا متفق معاك يا رامــى
لأن فعلا موضوع يوم واحد قبل كل مادة دة صعب شوية ، انا متفق مع الناس اللى حتقول اللى ذاكر ذاكر وان مهما طالت المدة قبل كل امتحان مش حيفيد اللى مذاكرش طول السنة ..
ودة كلام صح فعلا بس احنا مش بنقصد اننا نطول المدة عشان اللى مذاكرش يذاكر .. احنا بس بنطالب بالمدة الطبيعية بين كل مادة ومادة مثلا مادتين في الاسبوع واعتقد دة اللى ماشي في كل كليات طنطا وكل كليات الهندسة في كل جامعات الجمهورية .. لان النظام دة بيكون اريح ومناسب جدا لينا ، وبيساعد الواحد انه يلم كل المحاضرات اللى خدها طول السنة وفي نفس الوقت بيكون قدامه وقت كافى يحل ويستعد للامتحان
وانا اعرف طلبة من اوائل الدفعات معانا في الكلية كانوا معترضين جدا على جدول الامتحانات السنة اللى فاتت ..
على العموم ربنا يقدم اللى فيه الخير ، وياريت نشوف أراء الأعضاء

وشكرا يا رامي على التوبيك

وانا طبعا متفق معاكم جدا لان النظام الى هما ماشيين بية دة بيربك الطلبة ويخليهم ميخدوش الوقت الكافى لمراجعه المنهج ومن كتر الضغط ممكن يقل تركيزهم لان الطالب المفروض يريح بين كل مادة ومادة علشان يقى ذهنة ويقدر يخش على المادة الجديدة
احنا ان شاء الله لازم نشوف حل السنادى فى الموضوع دة

وبردة شكرا يا رامى على التوبيك

بجد الموضوع دة مهم جدا بشكرك على اثارته
فعلا العام الماضى كانت صعبة جدا علينا وزى ما انت قلت تلاقى اداب وخدين اسبوع قبل المادة من صعوبة اداب قوى واحنا يوم وهو اليوم مفكرنا طول السنة قعدين على الكتاب
اما بخصوص السبب الى بيخليهم يعملوا كدة انه مفيش سبب يعنى فعلا لو بحثنا عن سبب عمرك مهتلاقيه الا انها اقتراحات لم تناقش ولو وضعوا انفسهم واضعى المواعيد مكنا لكانوا خلوا شهر قبل كل مادة
عموما لازم فعلا نشوف الموضوع دة ونتكلم مع حد عشان ميحصلش نفس الى حصل السنة الماضية

انا
عارف ان فيه ناس كتير هتختلف معايا فى اللى هقوله بس انا بتكلم عن نفسى و اظن ان
الاختلاف فى الراى لا يفسد للود قضية انا عن نفسى مرتاح للنظام الحالى .... بس
كويس اوى اننا نتناقش و كل واحد يقول رايه و شكرا على الموضوع يا رامى

moooooooosh far2a ya gama3a
y3ny ely kano zakro mn awel el sana w 7allo kwis awii fe el exam a5ado eeh ?
wallahy da 3n tagroba ... ! :s

صعب اوي على فكره حكايه 3 مواد في الاسبوع دي

بجد ده كده هيبقي صعب ان الواحد يلم اي ماده بجد مش هينفع كده

طب يا جماعه ما نحاول نعمل حاجه نوصل بيها لدكتور طارق فوزي ان ده صعب علينا اوي و المواد كبيره فعلا و ميكفيهاش ابدا يوم واحد مذاكره

طبعا طبعا موضوع غايه فالاهميه ............

وانا راى ان الفكره مش فكره ان الواحد ميذاكرشى طول السنه ويذاكر ليله الامتحان

لان النظام ده مينفعشى مع كليتنا خالص خالص

بس الواحد حتى على الاقل يلحق يمر عالماده كامله مرور الكرام على الاقل حتى .........

بجد احنا بنتعامل معامله غير ادميه وانا اسفه انى بقول كده بس فعلا حرااااااااااام

يعنى فيها ايه لما الواحد يرجع من الامتحان يهدى كده وبعدين يبدا فالماده اللى بعدها وهوا مستريح ويذاكر بتركيز عشان يفتكر اللى بيذاكره ........

لكن فى حالتنا احنا الواحد مش بيلحق حتى يفر المنهج ........ويبقى حالتنا طول الاسبوعين تصعب على الكافر .............


ولو اننا لا نغفل مزايا الامتحانات المتواصله ..........وهى اننا بنخلص بدرى بدرى
واننا لما بننضغط بننجز ..........بس برضوا الرحمه حلوه


الف شكر لطرح الموضوع ونتمنى ان حد ياخد المبادره من الشباب ويكتب الشكوى ويمشى فالكليه يمشى الطلبه عليها ..........

واهو نفع الترم اللي فات لكن للاسف رجعوا تااااني عملوه اسبوعين الترم ده
عايزين بجد نعمل اي حاجه المواد الترم ده تقييييييييله جدا و صعب اوي اننا نلمها كلها في يوم واحد