حصريا:متابعة مستمرة لأخبار النتايج للعام الجامعى2008+ مفاجآت

أنا رايح الكلية النهارده ويارب أعرف أجيب النتيجة

مفيش اى نتيجة اتعلقت لغاية الساعة 2 ونص يوم الخميس 31/7
انا كنت موجود في الكلية لغاية الساعة 2 ونص ومفيش حاجة ظهرت ، وكان فيه شغل متواصل في نتيجة الفرقة الرابعة وعدد كبير جدا من الطلبة جابوا نتيجتهم بكل سهووولة
وسمعت اخبار ان نتيجة الفرقة الرابعة احتمال كبير جدا تكون موجودة على النت انهاردة بالليل او السبت إن شاء الله
وبخصوص نتيجة اعدادى ،، اعتقد انها مش حتظهر قبل يوم الثلاثاء القادم ان شاء الله .. ولو فيه أخبار جديدة حبلغكم بيها في اسرع وقت
ودى أخبار جديدة جدا لنتيجة الفرقة التانية مدنى :::
الكنترول انهاردة اشتغل في النتيجة من الساعة 9 ونص صباحا وانا مشيت من الكلية وهما لسه شغالين .. والنتيجة دلوقتى مؤجلة بسبب مادة المساحة ..
وفيه اخبار سمعتها من داخل الكنترول - ومش متأكد منها بنسبة 100% - ان فيه اتجاه لمنح كل طالب 3 درجات في مادة المساحة لتحسين النتيجة ..
وان شاء الله يوم الاحد نتأكد من الخبر دة بشكل مؤكد @
والكنترول دلوقتى شغال في إضافة درجات الرأفة ومواد التخلفات تمهيدا لظهور النتيجة رسميا في الغالب في منتصف الأسبوع القادم إن شاء الله

مفيش حد جاوبني النتيجة ها تتعلق في الكلية ولا ها تظهر علي النت الاول

لغاية دلوقتى مفيش تأكيد يا باشمهندس بخصوص الموضوع دة
بس في الغالب النتيجة حتظهر على النت وبعديها بيوم أو اتنين بالكتير حتنزل في الكلية
وفيه احتمال ان بعض الفرق بس اللى حتنزل على النت ..
ان شاء الله اول ما توصلنا اخبار مؤكدة بخصوص النقطة دى حنبلغكم بيها فورا @

متشكرين يا Admin علي متابعتك المستمرة للنتيجة وربنا معاك

زي ما أكدنا ان نتيجة الفرقة الرابعة اليوم او السبت باقصى تقدير
النتيجة فعلا نزلت على موقع الجامعة منذ لحظااات ( الخميس 31/7 - 7 مساء )
النتيجة من هنا .. وبدون كروت ..
http://sdu.tanta.edu.eg/Sas/Visitor/Result/
وبالتوفيق للجميع

مبروووووووك لكل النــــاجحين
وشكرا يا ادمن ع المجهود الرائع ده
والحمد لله صدقت توقعاتنا
وعقبال باقي الفرق

شكرا ليكم على مجهودكم
وبالتوفيق ان شاء الله

بخصوص نتيجة اعدادي امبارح حوالي الساعة 1 الظهر وصل الدكتور خورشيد وكان شغال في حاجة في النتيجة بس مش عارف ايه بس أنا متوقع ان النتيجة خلاص آخرها الاسبوع اللي جاي

هي نتيجة اعدادي خلاص اتسلمت لدكتور خورشيد
وكانت خلصانة والكل بيعرفها بسهولة
واعتقد انها في اقرب وقت هتنزل

New Eng عدد الرسائل : 1 تاريخ التسجيل : 06/07/2008

يارب ياساتر أولى كهرباء مش هتظهرر ولا إيه Mad

أكتر حاجة بكرها طوووووووول الانتظار Mad

انا عرفت النتيجه بتعتي من الدكتور خورشيد واللي عاوز يعرفها يروحله وهوه هيدهالك

اه يا جماعه هما مش نويين ينزلو نتيجه اعدادي خالص ولا ايه؟؟؟

يا سمــا متهيألي ان مفيش حد لسه مجابش نتيجه اعدادي
بالنسبة لنتيجة تانية الكنترول كان شغال لحد 5 وشكلهم هيستمروا بليل
لان نتيجة تانيه ميكانيكا بيرفعوا ماده فيها ..وفيه احتمال كبير ان نتيجة ميكانيكا ومدني تروح الجامعه النهرده علشان تتراجع .. وادينا مستنيين

حراااااام بجد تالتة مدني ليه مفيش أخبار عنها كده

ليه مش بتجيبوا أخبار عنها خالص و لا عشان مفيش غيري هنا تالتة Sad

حرررااااااااام أنا بجد إتخنقت

Sad

ايه يا جما عة مش النهارده 3\8هي الايام بتعدي بسرعة كده مش المفروض ان النتايج كلها تظهرقبل 10\8ولاايه ادينا مستنيين

يا جماعه عايزين نعرف نتيجه اعدادي اكيد هتظهر يوم التلات اللي جاي ده ولا ؟؟؟؟؟؟؟؟؟؟؟

والله يا ميرو احنا بنحاول نهتم بأخبار كل الفرق .. بس نتيجة الفرقة التالتة لسه شوية عليها .. ومفيش اخبار عنها في الوقت الحالي لأن الكنترول بتاعها مش شغال بإستمرار .. بس غالبا النتيجة خلال بداية الأسبوع اللى جاى بإذن الله ، وأول ما نقدر نجيب أخبار مؤكدة من الكنترول حنبلغكم بيها على طول

وإن شاء الله النتايج كلها حتظهر قبل 10/8 بتأكيدات من الكلية ..

وبخصوص نتيجة إعدادى مش حتظهر قبل يوم الثلاثاء إن شاء الله ..

ايه ياجماعة مفيش أخبار عن الفرقة التانية وبالخصوص كهرباء

كلها اسبوع بالكتير اوي و تنزل يا جماعه
مانتسوش ان النهارده 4/8 و هما قالوا انها ح تنزل كل الدفعات يوم 10/8

اهلا بيكم معانا
الاخبار الجديدة عندي
ان شاء الله نتيجة اعدادي يوم الاربعاء متاخر او يوم الخميس بمشيئة الله وهي انتهت نهائيا
بخصوص ثالثة مدني الكنترول النهاردة يوم الاثنين كان فاتح من الساعة 9 حتي 6 مساء
وجميع المواد اتسلمو بس جاري عملية المراجعة والرصد
نتمني التوفيق للجميع

Amateur Eng عدد الرسائل : 5 تاريخ التسجيل : 30/07/2008

تالتة خلصت يا جماعة والناس بتجيبها كونترول..
انا بكلم عن 3 حاسبات وربنا مع الجميع

و تالتة مدني كمان خلصت و الناس بتجيبها كنترووووول

و أنا جبتها و نجحت أنا نجحتتتتتتتتتتتتتتت أخيرا هروح رابعة مش مصدقة

نجححححححححححت أناااااااااااااااااااا نجححححححححححححححححت

Very Happy

مبروووووووووووووووك يا ميرووووووووو
وعقبـــــــــــال التخرج كده انشــــــــاء الله

وده موضوع تهنئه خاصه

https://tantaeng.yoo7.com/montada-f26/topic-t2847.htm

اي خـــــــدمة

وشكر خاااااص ليكم كلكم ع المجهود الرائع ده وبالتوفيق للكل

جارى حاليا مراجعة نتيجة الفرقة التانية والفرقة الإعدادى مراجعة أخيرة تمهيدا لإعلان النتيجة على موقع الجامعة وفي الكلية مع بداية الأسبوع القادم إن شاء الله ..
مع إحتمال ظهور النتيجة مساء الخميس 6/8 على موقع الجامعة
وإنتظروا تأكيد الخبر غدا إن شاء الله