خش وقولنا مشاكلك

يلا يا جماعة اى حد عندة مشكلة ممكن يتفضل هنا واحنا ممكن نحلهالة
او اى شكوة من اى عضو او اى شكوة من اى مشرف
ونوعدكم اننا هنبص فى الشكوة وهنحلها ان شاء الله

مودي بيقول
وقد تم ايضا تحذير العضو خاليليو وذلك بسبب ردة اللا اخلاقى فى احدى المواضيع
وردة باسلوب التريقة
واذا تكرر هذا مرة اخرة سوف يتم ايقاف

عندي اعتراض بسيط بس على كلمه لا اخلاقي دي
علشان انا ما ردتش باسلوب غير اخلاقي

بس رديت باسلوب تريقه وما فيش مشاكل من التحذير متقبله و اعتزر اني اتريقت

بس انا ردي مش غير اخلاقي

ماشى يا خاليلو بس دة مش موضوع يترد علية بتريقة
على العموم بعد كدة لو مش عاجبك موضوع متردش علية وخلاص لكن متردش وتتريق اوك

لأ طبعا من حقي ارد مادام بيخصني

و لما اتريق انت من حقك تحزرني

و انا اتريقت على الجزء اللي يخصني

بس مش من حقك تقول لا اخلاقي

لا يا خاليلو اقلك لا اخلاقى وبكررها تانى يا مان
ردك كان لا اخلاقى ومكنش لية لزمة ولو اتكرر تانى هيتم ايقافك
زى ما انت اضايقت من الموضوع دة مع انة بيحصل
بردة احنا كمان اضيقنا من رد ساعتك على الموضوع

انا ردي كان على اللي يخصني
المعلومات اللي فيه على عيني وراسي ياعمنا
وانا قلت الكلام ده لرامي
و بما انك مصمم على انه لا اخلاقي
يبقى من غير ماتوقفني

انا بنسحب من المنتدى

يا عم انت كمان محدش قلك انسحب من المنتدى
بس يا ريت الى حصل دة ميتكررش تانى
واحنا هنا مش قاعدين اكياس جوافة هنا يعنى لو فى حاجة ضايقتك فى المنتدى ممكن تكلم اى حد مننا واحنا ناخدلك حقك مش تقعد تتريق وتكبر الموضوع
على العموم كدة الموضوع خلص ويا ريت منتكلمش فية تانى

Silver Eng عدد الرسائل : 67 تاريخ التسجيل : 14/03/2008

يا جماعة اهدو شوية
وياريت المشرفين اللى هنا يسيبو كل الاعضاء ترد زى ما هى عاوزة وكلة بالادب بردة
وبلاش نكبر المواضيع
وكلنا هنا اخوات
تقبلو مرورى
اخوكم سمارت
واحلى سلامووووووووووووووووز

[quote=smart@boy]
وياريت المشرفين اللى هنا يسيبو كل الاعضاء ترد زى ما هى عاوزة وكلة بالادب بردة

[/quote]

بص يا سمارت دة حوار خلص خلاص
بس احنا كا مشرفين او مراقب عام مينفعش اسيب كل عضو يرد زى ما هوة عاوز
بس لو كان بالادب انا موافق واكيد مش هعترض على رد يكون بالادب
على العموم شكرا على رأيك يا مان

Silver Eng عدد الرسائل : 67 تاريخ التسجيل : 14/03/2008

ماشى يا مودى واى خدمة يا مان
وياريت كون فهمتنى يا معلم
واحنا لكنا اخوات هنا
اوك
احلى سلامووووووووووووووووووز

تجاهل شديد لقسم الرياضه

و برضه فيه تجاهل شديد جدا لقسم البرامج

لو سمحت حضرتك (الادمين ) قسمت قسم الرياضه الى قسمين اهلى وزمالك ممكن حضرتك تنقل مواضيعى لقسم الزمالك وبس

تجــــــــاهل لكل حاجه في المنتدي
ما عدا حاجه واحدة بس
خش عد من واحد لحد مش عارف كام واعمل مش عارف ايه
والكل ما شاء الله شغال عد
ربنا يزيدكم كمان وكمان

يعني الناس بالمعنى الأصح بيشاركوا ف الهيافه(ماحدش يزعل مني لكن دي الحقيقة)
و مافيش ناس كتير بيشاركوا بمواضيع كويسه
و انا ملاحظ ان فيه تجاهل بشكل عام
و بالاخص قسم الاغاني و البرامج و الافلام

Idont think so...

متعمموش يا جماعة لان مش كله كده....
زى ما بنشارك فى العد يا رامى بنشارك فى باقى المواضيع وانا بالنسبة لى بشوف كل الاقسام وقسم الاعلاب ده بيبقى اخر حاجة ومش انا بس كتير كده...

صح يا جماعة والله انا بردة ملاحظ كدة
يا ريت الكل يشارك بجميع الاقسام او على الاقل يعمل مشاركة واحدة فى اليوم فى اى قسم غير قسمى الترفية والالعاب

يا جماعه انا عايزه اقول حاجه هي مش شكوه بس بصراحه انا شايفه ان كل الاعضاء هنا مرتبطين ببعض اوي و خصوصا الاعضاء الاوائل في المنتدي ودي حاجه جميله جدا بس الاعضاء الجدد في رايي ان الاهتمام بيهم مش كبير
اسفه لو كان كلامي غلط وارجو ان حد يفهمني وجهة نظره

سورى طولت عليكم

اية بس يا يسرا
لية الكلام الطخين دة اصدى الكبير دة
احنا كلنا مهندسين مع بعض واكيد كلنا اسرة واحدة وبنحب بعض وبنخاف على بعض
انتى لو قربتى مننا اكتر احنا كمان بالتالى هنقرب منك
وهتحسى اننا جنبك

انا فعلا مش عايزه اي حد يزعل من كلامي

بس انا دخلت منتدي تاني(بغض النظر هو منتدي ايه) و مش ليه اي علاقه بهندسه و بصراحه لما شفت الترحيب بيا كان عامل ازاي وانا مش منهم اتضايقت جدا اذا كان كلامي ممكن يفيد المنتدي دي حاجه تسعدني اما لو هيكون سبب زعل فارجوا اعتبار انى ما قولتش اي حاجه

ايه الكلام ده يا يسرا...
والله ده انتى نورتى المنتدى كله....
وبعدين ازاى محدش اهتم بيكى...هو انا مش كفاية ولا ايه؟؟ خش وقولنا مشاكلك Icon_sad

تحبى الترحيب يبقى ازاى يعنى يا يسرا
أأمرى واحنا هنرحب بيكى زى ما تحبى
يا يسرا انتى فى منتدى للمهندسين
يعنى ناس دحيحة
مش فاضية للترحيب والكلام دة Very Happy

بهزر طبعا
طبعا انتى منورة يا يسرا ونورك غطى على نور كات اساسا

يـــــا يســـــرا المنتدي لسه صغير
مش كبير اوي وعدد الاعضاء الاكتف اللي شغالين فيه قللين مش كتير
يـا جدعان واحدة واحدة ع المنتــــــدي وعلي فكرة اه احنا معظمنا قريبين من بعض
بس فيه لعضاء معانا من فترة وبقينا قريبين من بعض مع الوقت
جايز هزارنا انا واصحابي مع بعض زيادة بس اي حد تاني ممكن يزعل من اي هزار
لكن مع الوقت بنتعــــــود علي بعض
عــامة ولكم بيكي معانا في المنتـــــدي
ومعالوقت هتحسي اننا كلنا بقينا اسرة واحــدة ان شاء الله

Amateur Eng عدد الرسائل : 5 تاريخ التسجيل : 14/07/2008

المنتدى جدا جميل وكل حاجة مع الوقت بتكبر زى الزرعة محتاجة مين يرويها ويصبر عليها وسورى يا يسرا انا مش فى هندسة ولقيت نفسى فى المنتدى دى عن جامعتى حسيت فى صدق واحترام وخصوصية وسلامى للجميع

مخلصتك

م quit girl

Amateur Eng عدد الرسائل : 5 تاريخ التسجيل : 14/07/2008

والموضوع الاساسى هنا اللى عندو مشكلة ممكن حدا يحلهالو
ياريت لو حدا يعرف كيف الواحد يحس انو قادر ع الانتاج واسعاد المجتمع من غير ما يضر نفسة وياريت لو حدا يعرف طريقة للخروج من

الاكتئاب وتغيير الشخصية للاحسن
مخلصتكم quit girl:arrow: