موقع كلية الهندسة - جامعة طنطا
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 سلامــة مرارتـك يـا ريــس .. أحمــد فــواد نجــم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lostlover
Important Eng
Important Eng


ذكر عدد الرسائل : 3310
العمر : 26
الموقع : www.adwforums.com
تاريخ التسجيل : 15/05/2008

مُساهمةموضوع: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 2:20 pm

سلامة مرارتك
يا فاقع
مرارة مراة الفقير
فلا جوزها جايب
ولا الفقر تايب
ولا حتي سايب

مَيَّة في قُلة
ولا
كوز في زير


سلامة مرارتك
سلامة مرارتك
مرارة العُـزاز
وإيه يعني إحنا
ما نِوْلع بجاز
إنتَ الحقيقة وإحنا
المجاز
تفضلْ وييجي بدالنا البديل
شوية خباثة
وعوامل وراثة
نصبح
بهايم ... ونصبح بديل
فتقدر ساعتها تنام مَلو عينك
ويعلى الشخير


سلامة مرارتك
سلامة مرارتك
سلامة
المرارة
يا واقع علينا بسعر الخسارة
فلا فيه صناعة
ولا فيه
تجارة
ولا فيه مدير
ولا فيه إدارة
ولا فيه وزارة تسيب الوزير
سلامة
مرارتك

سلامة مرارتك
فداها
المواطن
أبو قلب راطن كلام الهموم
فلا نفس راضية
ولا جتة فاضية
بلاوي
وسموم
ولا علاج مداوي
مفيش غير حكاوي
بتاخد بإيدنا لآخر المصير
سلامة
مرارتك

سلامة مرارتك
وألفين سلامة
يا سايب في كل المنازل
علامة
مجاعة ... أنين ... كآبة ... ندامة
جهل وبطالة وعوالة وعيا
وفنون
رخيصة وقِلِّة حيا
وهموم بتكتر ... وهموم تزيد
إنت في زيادة همومنا
خبير



سلامة مرارتك
سلامة مرارتك يا ابو القد فارع
يا مالي عنينا بزبالة
الشوارع
أمال بندفع ضرايب لمين
شمالك بتاخد ...
وواخدة اليمين
شكلك
بتحلف علينا اليمين
ما تجعل في جيبنا قليل أو كتير



سلامة مرارتك
سلامة مرارتك
دي واخدة
الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب
... عوايد ... فاتورة ... رسوم
ننام بالفاتورة
وبيها نقوم
على
البصَّة ندفع فاتورة لعِنينا
ولو نعمى ندفع فاتورة ضرير


سلامة مرارتك

سلامة مرارتك يا
صاحب الهمم
بخطبة بنطلع لأعلى قمم
وننزل على جدورنا بين الرمم
على
الوهم ياما وياما بنينا
أوامر تجيبنا
أوامر تجينا
على خطوة
واحدة في محلك نسير


سلامة مرارتك
سلامة مرارتك
إحنا فداها
تفرقع مرارتك
نفرقع
وراها
حالنا بدونك عمره ما ماشي
إحنا بدونك شوية مواشي
من غير
راعيها ... ومن غير كبير
سلامة مرارتك


الشاعر/ احمد فؤاد نجم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?id=1101090724
eng_mody
إدارة المنتدى
إدارة المنتدى


ذكر عدد الرسائل : 3631
العمر : 26
تاريخ التسجيل : 24/07/2008

مُساهمةموضوع: رد: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 2:28 pm

والله ما اعرف عنك كده يا محمد =))
طبعا حاااااااااااجه جاااااااامده موووووووووووت يعني..
واكيـــــــــــــد داخله دماااااااااااااااغي جداااااااااااااااا

اقتباس :

وإيه يعني إحنا
ما نِوْلع بجاز
إنتَ الحقيقة وإحنا
المجاز
تفضلْ وييجي بدالنا البديل
شوية خباثة
وعوامل وراثة
نصبح
بهايم ... ونصبح بديل
فتقدر ساعتها تنام مَلو عينك
ويعلى الشخير

اقتباس :

سلامة مرارتك يا
صاحب الهمم
بخطبة بنطلع لأعلى قمم
وننزل على جدورنا بين الرمم
على
الوهم ياما وياما بنينا
أوامر تجيبنا
أوامر تجينا
على خطوة
واحدة في محلك نسير


اقتباس :

سلامة مرارتك يا ابو القد فارع
يا مالي عنينا بزبالة
الشوارع
أمال بندفع ضرايب لمين
شمالك بتاخد ...
وواخدة اليمين
شكلك
بتحلف علينا اليمين
ما تجعل في جيبنا قليل أو كتير


اقتباس :

سلامة مرارتك
إحنا فداها
تفرقع مرارتك
نفرقع
وراها
حالنا بدونك عمره ما ماشي
إحنا بدونك شوية مواشي
من غير
راعيها ... ومن غير كبير
سلامة مرارتك


_________________
ــــــــــــــــــــــــــــــــــــــــــــــــــــــ
‫مرح..
اعيش هذه الحيــاه خارج الاطار الزمكاني الممل..
استمتع بها عن بعـــد دون ان اغــوص في تفاصيلها الممله..
فقد ايقنت انها الي زوال ..وان المتعه الحقيقيه لن تكون الا في الاخره...
فــقـــــــــــــط
يعذبني بعدي عن اصدقائي .. ويؤلمني ما اراه من قــســوه بلادي علي ابنائهــا...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?#!/profile.php?id=1000000259455
يسرا
مشرفة قسم الموضوعات العامة+القسم الديني
مشرفة قسم الموضوعات العامة+القسم الديني


انثى عدد الرسائل : 4501
العمر : 27
تاريخ التسجيل : 26/06/2008

مُساهمةموضوع: رد: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 3:00 pm


ايه اللي انت جايبه ده
انت مش خايف علي نفسك


_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mana
مشرف قسم المناقشة+الترفية+اخبار الساعة
مشرف قسم المناقشة+الترفية+اخبار الساعة


ذكر عدد الرسائل : 2114
العمر : 26
تاريخ التسجيل : 09/09/2008

مُساهمةموضوع: رد: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 3:33 pm

بصراحه هيا كقصيده حلوه يا لوست
بس بصراحه بردو الراجل دا تخطى حدود الادب فى بعض الاوقات دا انا لو هخاطب معيد فى الكليه مهما يكون عمل فينا مش هخاطبه كدا
بيقوله سلامة مرارتك طب دى بدايه يبدا بيها يخاطب الانسان اللى هو المفروض يبقى رئيس البلد اللى خليته يكتب فى جريده طب الاول يعنى من باب الزوق يقوله حمدلى على السلامه دا الرسول كان بيطمن على صحة بعض اليهود
ثم مش فاهم زبالة الشوارع دى هو اللى رماها فى الشارع يعنى ولا ايه
بصراحه ربنا معاك يا لوست

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lostlover
Important Eng
Important Eng


ذكر عدد الرسائل : 3310
العمر : 26
الموقع : www.adwforums.com
تاريخ التسجيل : 15/05/2008

مُساهمةموضوع: رد: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 3:55 pm

@ mody:
ههههههههههه .. شكرا يا مودي و ابقى اعرف كدا من هنا و رايح بقا

@ yousra:
أنا خلاص بقيت مستبيع .. بعد اللي عمار و رشوان عملوه فيا مش هبقى على حد =)) .. بس لعلمك الريس مش بيدخل هنا


@ mana:
انت استفزتني بكلامك يا مانا والله .. هو ده اللي تخطى حدود الأدب ؟؟؟ اللي بيعبر بأقل من 1% من حال الناس ؟؟؟
هو ده تخطي الأدب ؟؟؟
حدود الأدب اتخطوها من زماااان يابني .. انت عايش فين ؟؟؟
و أصلا حدود إيه دي ؟؟؟ والله مخلوش في حدود أصلا لحاجه .
احنا اللي مش حاسسين بأي حاجه على فكرة ...
و لعلمك أنا معاك ان لو معيد في الكلية مش هكلمه كدا .. المعيد ده أصلا مش ولي أمري و حقوقه عليا محدوده و باخدها و بزياده أوووي
و بعدين انت بتقول يقوله حمد الله عالسلامه .. ده القصيده نفسها اسمها سلامتك يا ريس .. و بيعيد و يزيد فيها
و بعدين مكفاش أغنية شيرين يعني ؟؟؟ ولا واحد مننا بتاعت عمرو اللي بيظبطوها على كل مناسبة و يعملولها new vision تليق بالظبط عليها ؟؟؟
فكك يا مانا .. المهم ان القصيده حلوه و عجبتك و خلاص .. و شكرا عالرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?id=1101090724
eng_mody
إدارة المنتدى
إدارة المنتدى


ذكر عدد الرسائل : 3631
العمر : 26
تاريخ التسجيل : 24/07/2008

مُساهمةموضوع: رد: سلامــة مرارتـك يـا ريــس .. أحمــد فــواد نجــم   الثلاثاء مارس 30, 2010 5:42 pm



ماشي يا عم محمد..مع اني كل ما اجي اتكلم في السياسه تقعد وانت زهقان وتقول انا ....(تيـــــت)...وبطلو الكلام ده والاطار والكلام اللي انت عارفه ده ...
استحمل بقه اللي هيجراااااااااالك =))

تعليقات بسيطه ع الردود بعد اذنك طبعا يا حماده

انا من وانا صغير عمال اسمع اننا في بلد ديمقرااااااطي تتقبل الرأي والرأي الاخر...
وطبعا في الاخر رأي الحكومه هو اللي بيمشي ..
بس مش هي دي المشكله ...المشكله ان اصلا محدش بيسمع الرأي الاخر ده...
ولو حد قاله تلاقي كل اللي حوالبه هما اللي بيسكتوووه ويقولولو ...انت مش خايف علي نفسك؟؟؟
لازم منخافش علي نفسنا لو عايزين البلد دي تبقي احسن..
لازم نقول رأينا حتي لو كان غلط ...دلوقتي ممكن نتعلم..
لازم نقول رأينا ولازم يتسمع عشان مش فكر واحد بس هو اللي هيمشي البلد...اللي ماسكها مش هو كل حاجه فيها ومبيفهمش اكيد في كل حاجه..
اكيد كل مسئول مش شايف كل حاجه...دا اذا كان في مسئولين بيشوفو اصلا...
يبقي لازم يتسمع ... لاااااااازم ..

وبجد انا بس عايز اوضح اننا لازم نتعلم نفصل بين الرئيس ومصر..
مفيش رئيس يبقي مصر..مصر هي مصر وهتفضل طول عمرها مصر0..
ييجي عليها رئيس حلو رئيس وحش هتفضل مصر...

يبقي بقه بلاش الخلط اللي بيحصل ونقول اصلو رئيسنا..وهو مصر ... وهو ابونا وهو حامينا والكلام الفاضي اللي كله نفاق ده..
انا عن نفسي عارف اسم ابويا المكتوب في بطاقتي وهو اللي مربيني وهو اللي بيصرف عليا وهو اللي بيحميني...مش اي حد تاني..
لان ربنا هو اللي بايده كل حاجه مش اي حد تاني..احنا العرب بقينا نخلط اوي بين الرئاسه والالوهيه-استغفر الله العظيم -
انا متفق مع محمد ان ده مش كل اللي في قلوب الشعب..وانه اكتر بكتير من كده..
بس احنا اتعودنا منثورش الا لما خلاااااااص الموت علي بعد خطوات للاسف....
الرئيس مرض وتعب زيه زي اي مصري .. نتمناله الشفا والسلامه والصحه والعافيه..
لكن قولولي كده
كام واحد مات من الجوع وسيادته رئيس؟
كام واحد عايش تحت خط الفقر تحت حكم سيادته؟
كان واحد عنده فيروس سي؟
كام واحد عنده سرطان؟
كام واحد امي؟
مصر فيــــــــــن من البحث العلمي؟
مصر فين من التقدم التكنولوجي؟
مصر فين من الثقافه؟
مصر فيــــــــــــــــــن من الدنيا؟؟؟...
اكيد مصر مش هتنساله كل ده...
مش دي سياسات حزب وحكومه وفكر الرئيس الاب الحنون رااااااعي كل حاااااااااااجه في مصر

طب فين دور مصر الراااااااائد في المنطقه اللي بنقعد نضحك بيه علي بعض..وفي نفس الوقت الدول العربيه محدش فيهم طايق التاني؟؟..

والله العظيم انا اللي جوايا اكتر من المكتوب 10000000000 مره...
ولو قعدت اكتب فيه مش هيقضيني ايام...
حمدا الله ع السلامه لكل مريض خف وحتي لو كان الريس..

_________________
ــــــــــــــــــــــــــــــــــــــــــــــــــــــ
‫مرح..
اعيش هذه الحيــاه خارج الاطار الزمكاني الممل..
استمتع بها عن بعـــد دون ان اغــوص في تفاصيلها الممله..
فقد ايقنت انها الي زوال ..وان المتعه الحقيقيه لن تكون الا في الاخره...
فــقـــــــــــــط
يعذبني بعدي عن اصدقائي .. ويؤلمني ما اراه من قــســوه بلادي علي ابنائهــا...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?#!/profile.php?id=1000000259455
 
سلامــة مرارتـك يـا ريــس .. أحمــد فــواد نجــم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: قسم الأدب (قصص وشعر وروايات و...)-
انتقل الى: