عمليه حسابيه...شعر عمودي للشاعر الشاب هيثم دبور

واحد من الملايين
رقم آحاد فردى
رأيى إذا قلته
لا يجيب ولا يودى
ولا حتى هيأثر
طارحنى م الحسبة
ضايف لى ١٠٠ كدبة
ووعدة بالتغيير
لـ انت اللى تتغير
لـ ننسلخ احنا..
من جلدنا ونهرب
والتانى أسهل حل
لأنى بس يدوب..
واحد من الملايين
ضارب دماغه فى حيط
لا شايفه يوم هيزيد
ولا شايفه بيساوى
وإن كنت غاوى حساب
أو كنت مش غاوى
لا تنس يوم إنى..
واحد صحيح واقف
ولسه مش مكسور

نقــــــــــــــلا عن جريده المصري اليوم عدد الخميس 25/2/2010