هل الشعر حرام؟؟؟؟

بسم الله الرحمن الرحيم...
بصراحه بعد المناقشات الراقيه جدا اللي حصلت في الموضوع ده وبعد ما بحثت -واعتقد ان الحمد لله ارضيت ضميري في البحت جدا- حبيت بقه انقل وجهه نظري البحثيه...يعني مش مجرد مناقشه والسلام لا المره دي بادله فقهيه وشرعيه وفي كتب موثوق فيها للي عايز يراجع!!

مبدأيا فكره الرد علي نقطه الشعر الذي يغني كانت موجوده بالفعل معايا ولكن انا حبيت ااكد كلامي بالادله الفقهيه عشان يبقي الكلام مش مجرد مناقشه مرسله متوصلش لاقتناع لاننا زي ما اتفقنا كل كلامنا هيبقي من خلال الادله الشرعيه...
اتمني بس ان يبقي في صبر لقرائه الرد من اوله لاخره لانه رد مركز بالرغم من انه طويل..بس ان شاء الله الاستفاده موجوده...

الاماكن التي تم البحث من خلالها:
بعض المشايخ الموثوق في علمهم –او نحسبهم كذلك- وكذلك من كتاب "النفائس الزكيه من اخطب المنبريه"...
وهو ماخوذ من كتابين لاكبر شيخين في العصر الحديث:
زاد الداعيه الي الله .....الامام الشيخ بن عثيمين –رحمه الله- اعظم علماء الفقه في العصر الحديث.
التصفيه والتربيه ....... الشيخ محمد نصر الدين الالباني-رحمه الله- اعظم علماء الحديث في العصر الحديث.
الحمد لله وجدت دلائل شافيه ومقنعه لهؤلاء لعلماء الاجلاء...

مبدأيا رد الشيخ:
سألته وللوهله الاولي رد عليا نفس الرد اللي بقي كلاسيكي بالنسبه لينا وهو ان "حلاله حلال وخبيثه حرام"....بعد مناقشته في مفهوم الحكم ودخول النيه والدراسه في الموضوع اللي اتناقشنا فيه والاغاني التي تغني وهي في الاصل شعر..
كان الرد: ان ما دام هناك انواع اخري من الشعر نقدر نتعلم منها يبقي نبعد عن الشعر الخبيث..وكنت محدد معاه اكتر وحددتله بعض القصائد اللي تم غنائها واللي تم اقتراحها وطبعا كان الرد مؤكد انها خبيثه ويجب البعد عنها لان ضررها اكثر ومعروف كما ان هناك بعض القصائد التي بها كفر....يبقي الافضل البعد عنها...الا اذا كانت لضروره الدراسه لكليات الاداب والتربيه واللغه العربيه وغيرها....

ثانيا: البحث في كتاب "النفائس الزكيه من اخطب المنبريه"...
و بصراحه في الاول لما بحثت عن الشعر ملقتش ابواب صريحه عن الشعر ولكنه كان تحت ابواب الغناء...

ف في الاول هنلاقي الرد في حكم الاغاني –بالآلآت –واللي هي في الاصل شعر و بعد كده هنخش ع الشعر..
وطبعا كما هو معروف ان الاغاني بها حرمانيه وعشان كده برضه اللي حبيت اوضحه اللي هو حرمانيه الغناء جايه منين.....وبرضه بس يا ريت نستحمل انا عارف ان الكلام كتير بس زي ما وعدتكم الاستفاده عظيمه في الجزء اللي جاي..

معلش في البدايه هقول مقدمه صغيره وهي موجوده في الكتاب ومذكوره في (بروتوكلات حكماء صهيون )
"ان الغناء هو احدد مخططات اليهود لامتلاك الامم ودا عن طريق الهائهم عن طاعه الله بانهم سيلهون غير اليهود بانوا شتي من املاهي والالعاب ومسابقات الفن والرياضه وحالما يفقد الشعب تدريجيا نعمه التفكير بنفسه سيهف معنا لاننا سنكون اعضاء المجتمع الوحيدين الذين يكونون اهلا لتقديم خطوات تفكير جديده........."
نخش علي المفيد...
اولا: ادله تحريم الغناء:من القرآن الكريم:
الايه الكريمه ...بسم الله الرحمن الرحيم (ومن الناس من يشتي لهو الحديث)
عندما سأل عبد الله بن مسعود عن هذه الايه قال والله الذي لا اله الا هو انه الغناء ...قالها ثلاثا..
كما ذكرها اكثر من وصحابي وعالم رباني في اكثر من سند علي انه الغناء

2-الايه الكريمه سوره النجم ....بسم الله الرحمن الرحيم (افمن هذا الحديث تعجبون * وتضحكون ولا تبكون * وانتم سامدون)..... قيل ان السمود هو الغناء في لغه "حمــير"

3- سوره الاسراء ...بسم الله الرحمن الرحيم (واستفزز من استطعت منهم بصوتك).....""فقيل انها المزامير""

ثانيا: من الحديث الشريف:
بصراحه لقيت احاديث كثيره صحيحه او باسناد حسن وغيرها من اللي صححها الشيخ الالباني والتي ترم الغنـاء وذلك بسبب "الالات"
فقد قال رسول الله صلي الله عليه وسلم (ليكونن من امتي اقوام يستحلون الحر والحرير والخمر والمعازف) صدق رسول الله ..
وايضا المعازف هي الات اللهو -الالات الموسيقيه بلغتنا يعني-

ثالثا: بعض الاثار الوارده عن تحريم الغناء:-
اشهر الاثار التي قيلت ان الغناء ينبت النفاق في القلب

رابعا: المذاهب الاربعه للائمه:-
ابوحنيفه: يكره الغناء ويجعله من الذنوب.
مالك : نهي عن الغناء وعن استماعه.
الشافعي: قال انه لهو مكروه يشبه الباطل.
الامام احمد: قال انه ينبت النفاق في القلب ولا يعجبني.

اخيرا حكمه التحريم للغناء...انه مزمار الشيطان وانه صوت ملعون في الدنيا وفي الاخره وانه من طرق الوقوع في الزنا وقد روي الترمذي باسناد حسن انه الرجل ليغني فتشتاق اليه المرأه وان هذا من الفحش والزني..
كمان لان الوقت اللي ممكن تضيعه في الغناء ممكن تستفيد بيه بحاجه تقربك من ربنا...

اللي لازم بقه اوضحه هنا بقه هو ..تعريف الغناء....وهو ما صاحبه لحن وعزف ....يعني بمصاحبه الالات الموسيقيه...

كمان ان الشيخ الالباني قال في كتابه "تحريـــــــــــــم آلات الطــــــرب" ان عمر بن عبد العزيز بعث كتابا قال فيه (.....واظهارك المعازف والمزمار بدعه في الاسلام.....)

نخش بقه علي اللي عايز اوضحه بالذات واللي له علاقه بالشعر...

انه استثني من الغناء:
1-ما كان بدف وليس فيه صلصله "الصاجات"
2-او ان يكون في عرس نكاح شرعي.
3-او ان يكون الغناء بالفاظ خاليه من الفحش والباطل
4- ان يكون الغناء من النساء وليس معهم رجـال.

ولما سئل الالباني عن حكم الغناء بغير اله وقد ذكر ذلك في كتابه "تحريـــــــــــــم الات الطــــــرب"
قال: انه لا يصح القول بتحريمه ولا يصح اطلاق القول باباحته كما يفعل الصوفيون وغيرهم ومن اهل الاهواء قديما او حديثا....وان الرسول صلي الله عليه وسلم في الحديث ذو الاسناد الحسن (هو كلام حسنه حسن وقيحه قبيح)....

وهناك اكثر من اثر ودليل علي ذلك (الغناء بدون اله) وباسناد صحيح.....ومنها اشعارا قالها (ابا بكر الصديق) و (بلال بن رباح) رضي الله عنهما...-وطبعا من غير ما اوضح هي بعيده تماما عن اللهو وانما كانت في امور الحياه
كذلك قال الشيخ الالباني انه (الغناء بدون اله) واللي احنا بنقول عليه "الشعر" او اذا صحبته الدف ...جائز في بعض المناسبات كالتذكير بالموت والشوق الي الاهل والوطن والترويح عن النفس والالتهاء من وعثاء السفر ومشاقه ونحو ذلك مما لايتخذ مهنه ولا يخرج عن حد الاعتدال.

الخلاصـــــــــــــــــــــه اللي وصلتلها في مناقشتنا وبعد البحث ده:

ان البعد عن هذا النوع من الشعر مفضل ما دام هناك غيره من الاشعار اللي ممكن نستفيد منها...او ممكن لو القراءه مش هتضر –وده مش هيحصل- فهي مجازه بشروط زي ما ذكرت ف اول الرد خاالص ..وان كان البعد عنها افضل..

هيـــــــــــــــــــــــــــــــــــــــــــــــــــــــــــــــه...الحمد لله!!!
كل سنه وانتو طيبين

اقتباس :: الخلاصـــــــــــــــــــــه اللي وصلتلها في مناقشتنا وبعد البحث ده:

ان البعد عن هذا النوع من الشعر مفضل ما دام هناك غيره من الاشعار اللي ممكن نستفيد منها...او ممكن لو القراءه مش هتضر –وده مش هيحصل- فهي مجازه بشروط زي ما ذكرت ف اول الرد خاالص ..وان كان البعد عنها افضل..

بعد قراية الرد كـــله
نهايه حلوه اوي مع اني مش مقتنعه ببعض الحاجات فيها (حاجات صغيره)
بس الحمد لله وصلنا ان البعد عنه احسن وده اللي كنا عاوزين نوصله

شكـــــــرا علي النقاش اللي الحمد لله وصلنا لاتفاق
وكل سنه وانتوا طيبين

اقتباس :: مش مقتنعه ببعض الحاجات فيها (حاجات صغيره)

رغم فرحتي والله بتعبي في البحث الفتره اللي فاتت دي بس الكلمه دي تزعل
ايه بس اللي مش مقنع هنا!!...الكلام الحمد لله انا متاكد من صحته 100% ...لو في حاجه مش واضحه انا متاكد ان العيب عندي في الشرح ..وعذرا طبعا لاني مش زي المشايخ في طريقه عرضهم للافكار وكده يعني...
فين بقه ؟؟

اقتباس :: اللي لازم بقه اوضحه هنا بقه هو ..تعريف الغناء....وهو ما صاحبه لحن وعزف ....يعني بمصاحبه الالات الموسيقيه...

يعني افهم من كده ان الاغاني اللي مش فيها موسيقي ما تدخلش معانا في تعريف الغنا ولا انا فهمت غلط ؟

اقتباس :: انه استثني من الغناء:
1-ما كان بدف وليس فيه صلصله "الصاجات"
2-او ان يكون في عرس نكاح شرعي.
3-او ان يكون الغناء بالفاظ خاليه من الفحش والباطل
4- ان يكون الغناء من النساء وليس معهم رجـال.

انا مش فاهمه انت فاهم الحته دي ولا لا ومش بشكك في فهمك والله احنا بنفهم مع بعض
بس انت لو بتسمع اغاني افراح اسلاميه هتفهم نوع الغنا ده المقصود بيه ايه
لكن الاغاني العاديه بتاعة شيرين وعمرو وتامر او اتغنت من غير معازف وفي نكاح وبين النساء بس ..اظن انه برده حرام حتي لو انه لا يحتوي علي الفاظ فاحشه

اقتباس :: كذلك قال الشيخ الالباني انه (الغناء بدون اله) واللي احنا بنقول عليه "الشعر" او اذا صحبته الدف
...جائز في بعض المناسبات كالتذكير بالموت والشوق الي الاهل والوطن
والترويح عن النفس والالتهاء من وعثاء السفر ومشاقه ونحو ذلك مما لايتخذ
مهنه ولا يخرج عن حد الاعتدال.

اظن شعر نزار وفاروق جويده اغلبيته مش بيندرج تحت الظروف دي

وعلي فكره انا مش كان قصدي مش مقتنعه بيه اني بشكك في صحته انا بس كنت خايفه الحاجات اللي انا اقتبستها دي تتفهم انها تحليل للشعر او للغنا بس بشروط فـ بأي حال الشروط دي لا يمكن تنطبق علي غنا الايام دي

اقتباس :: ..لو في حاجه مش واضحه انا متاكد ان العيب عندي في الشرح

لا طبعا الشرح واضح ومفيد اوي
بس اللي يهمني دلوقتي ان بما ان النقاش خلص انه ما يكونش نقاش وانتهي وانه يغير فينا ما دام عرفنا الصح من الغلط وخد بالك كلامك ده هيبقي حجه عليك وعلي اللي يقراه يوم القيامه لانه عرف الحلال من الحرام
وشكـــــــــــرا هل الشعر حرام؟؟؟؟ - صفحة 2 Icon_biggrin

بصي يا يسرا اول كوتين شارحين بعض..في الكوت التاني قال ان يكون الغناء خالي من الالفاظ الفاحشه ومن الباطل...
انا اللي مش فاهم انتي قاصدك ايه من كلمه الاغاني اللي مش فيها الموسيقي دي...
انا اللي اعرفه ان كل الاغاني اللي بتتسمع دلوقتي بتندرج تحت طائفه الغزل العفيف والصريح وكمان مع موسيقي والرد كله شغال عليهم!!
انتي مش فاهمه ايه بقه؟؟

اقتباس :: لكن الاغاني العاديه بتاعة شيرين وعمرو وتامر او اتغنت من غير معازف وفي نكاح وبين النساء بس ..اظن انه برده حرام حتي لو انه لا يحتوي علي الفاظ فاحشه

حد قال غير كده؟؟!!...معتقدش

اقتباس :: اظن شعر نزار وفاروق جويده اغلبيته مش بيندرج تحت الظروف دي

يمكن كلمه اغلبيه دي كبيره شويه علي اشعار فاروق..الراجل له قصائد سياسيه وعن الوطن والعروبه والقدس وخلافه تحفه وتدرس والله بعيدا عن الغزل والكلام ده كله..دا كفايه اخر اتنين نزلهم "عتاب الحب للاحباب" و "تبقين يا مصر فوق الصغائر"...
انما انا معاكي في موضوع نزار..مع انه برضه ناقش قضايا كتير بعيده عن المرأه..
بس احنا اتفقنا من الاول اننا هنحاول نتجنب الانواع دي من الشعر واللي اتضح ان فيها مخالفات....

اقتباس :: بس اللي يهمني دلوقتي ان بما ان النقاش خلص انه ما يكونش نقاش وانتهي وانه يغير فينا ما دام عرفنا الصح من الغلط وخد بالك كلامك ده هيبقي حجه عليك وعلي اللي يقراه يوم القيامه لانه عرف الحلال من الحرام

الحمد لله ...ويا ريت دائما ندعي بالتثبيت..

اقتباس :: لا طبعا الشرح واضح ومفيد اوي

اهم حاجه...الحمد لله

اقتباس :: انا مش فاهمه انت فاهم الحته دي ولا لا ومش بشكك في فهمك والله

هههههههههههههههههههههه
لا احنا ممكن ندرجها تحت بند سوء الظن ..
لا بجد الحمد لله انا فهمت المقصود من كل كلمه في الرد ووصلت لقناعه تامه بكل كلمه فيه...والا مكنتش نقلته...
.دا كان بمثابه صراع بيني وبين المشايخ ف الاول لحد ما قريت بنفسي واقتنعت الحمد لله...-تنشيف الدماغ والاصرار علي الرأي لسه مستمر - بس في حاجه زي دي طبعا مكنش ينفع!!
الحمد لله

اقتباس :: وشكـــــــــــرا

عفــــــــــــــوا