موقع كلية الهندسة - جامعة طنطا
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 هـتـحــجـــــــب بـــــــــــــــس بـشــــــــــــــــــــــــروط.......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahm20032003
Important Eng
Important Eng


ذكر عدد الرسائل : 2997
العمر : 28
تاريخ التسجيل : 20/10/2007

مُساهمةموضوع: هـتـحــجـــــــب بـــــــــــــــس بـشــــــــــــــــــــــــروط.......   الأربعاء أغسطس 26, 2009 9:35 am

دا حوار بين اتنين محجبات .عجبنى جدا فا حبيت انقلهولكوا


هاى ..ازيك يا حبى؟ اخبارك ايه يا سحر

الحمد لله يا صافى... مش يلا بقى عشان منتأخرش ..دانا هشترى طقم للجامعة مش لاى حاجة دى الجامعععة

طب اوكى يلا بينا




ماما مصرة انى اجيب جيب وماشتريش بنطلون عشان الحجاب ...عايزانى البس زى شوشو بنت خالتى

وماله عندها حق ...تعالى بصى كدة..اللللله ..الجيب البمبا الفاقع دى خرافة ..روعة ..اوريجينال..ادخلى كدة البروفة





حلوة؟ بس حاسة انها محتاجة تضيق شوية

تضيق ليه؟ انتى مقاسك 42 ودى 40

لا منا وزنى قل ربع كيلو

ااااه يبقى عندك حق ...شوفى الاصغر

ايوة هجيب الاصغر ..هو اه هعرف امشى بيها وهخاف اقعد لالسوستة تتفتح بس هتبقى اشيك ..وتبقى زى بتاعة شوشو بالظبط
----
اوكى يلا بقى نشوف حاجة تمشى معاها
بصى كدة البادى الاحمر الفازع دا جميل اوى ..شوفيه ويبقى توب لبلوزة نشتريها

فعلا حلو اوى... بس توب ايه؟ وبلوزة ايه؟ هو الطقم كدة يبقى خلص
هيبقى عليا خطير..شوشو هتتبسط منه اوى ويمكن تنزل تشترى زيه من جماله

مدام انتى شايفة كدة خلاص؟؟ تعالى بقى ننقى اشارب

ااااه تصدقى كنت هنسى ..دايما بنسى الاشارب مش عارفة ليه؟

ولا يهمك... بصى! الاشارب دا جميل ويمشى مع الطقم كويس اوى

ايوة هو يمشى بس كبير اوى

كبير؟ ايه يا حبيبتى دا متر ؟

ايوة كبير ..بصى ! دا حلو؟

هو حلو ..بس دا طوييييل اوى ...هتعمليه ازاى؟

دى الموضة ..هيتلف على الشعر ونبين الاذن والحلق لازم يبان! وبعدين نعمله كورة ورا على الكحكة ونسيب الباقى نعمله ضفيرة

هههههه ... ماتزعليش منى بتفكرينى بالشغالة بتاعتنا لما تيجى تنضف

ايه الخفة دى.. دى الموضة.. شوشو هى اللى معلمانى

خلاص ياستى ماتزعليش وايه حكاية شوشو اللى انتى بتقلديها فى كل حاجة ده مش معقول انا زهقت منها

وانتى مالك ؟؟ بنت خالتى وبحبها وباحب اعمل زيها فى كل حاجة

...طب المهم تعالى بقى نشوف السابو .. عشان ماننساش حاجة

سابو ايه؟ انا عايزة سابو مفتوح!!

على راحتك.. بصى دا كدة

لالا دا احلى؟

احلى فى ايه؟ هو فيه حاجة؟ دا كله سلاسل وكمان دا يعمل صوت وانتى ماشية

حلو وايه يعنى .. انتى مالكيش دعوة ..دا جميل ..شوشو كانت جايبة زيه من شهرين

يييييه يادى شوشو اللى مش هنخلص منها

يووووه شوفتى كنا هننسى نشترى فردة حلق بخرز

فردة حلق بخرز ليه؟

عشان اعلقها فى الاشرب وتشخلل وانا ماشية

ايوة بس دا يعمل صوت وبيتهيقلى حرام تلفتى النظر

هس هس بطلى الفتاوى بتاعتك دى





يا اللللله اخيرا اشترينا الطقم ..ولو انه بصراحة مش مريحنى

ليه بقى ...ايوه ايوه انتى اصلك مزوداها اوى وغاوية تفتى

ايوة طبعا ..الاحترام والاحتشام والتدين واجب.. مش تقوليلى شوشو؟؟

فى ايه مش مريحك بقى فى طقمى ياستى؟؟

ياحبيبتى الجيب كانت لازم يكون اوسع من كدة شوية زى بتاعى دا
شايفة؟ بعرف اقعد وامشى ..

ايوة بس دا شانيل ..ولا انا ولا شوشو بنحب الشانيل

ايوة هى كانت بتضايقنى شوية فى المشى بس فقصرتها شوية وخليتها شانيل!
نيجى بقى للبادى ..مكنش يجب تمشى ببادى بس ..

امال كنت عايزانى اشترى ايه؟

المفروض كنتى تشترى بلوزة شفافة كدة وتفتحيها ..او شبك .. هى اه هيبقى ملهاش لزمة بس واو كانت هتبقى خطيرة على البادى ....
لكن مش تمشى بالبادى كدة؟؟عيب !! اعملى احترام للحجاب بتاع ربنا

والسابو المفتوح كمان فيه حاجة هو كمان؟

بالنسبة للشوز بقى فاساسا سمعت الكعب والقدم حرام يظهروا ..فكنتى تجيبى سابو مقفول ..ومش لازم شراب..عادى ..ربنا بيغفر..لكن مش تمشى بسابومفتوح؟؟ حرااام

لالالا انتى مزوداها اوى .. واظن الاشارب هتقولى بتاع الشغالة مش كدة؟ والله شوشو لو سمعتك هتزعل اوى

الاشارب بقى..المفروض تجيبى اشارب يغطى الرقبة ..زى دا شايفة؟

بس انا حاسة انه هيخنقك؟ انا افتكرت ان عندك اللوز ولابساه عشان اللوز تعباكى

لا بطلى خفة. مش مشكلة ..المهم يغطى الرقبة...مش يبين الحلق ..فين الاحتشام؟

لالالالالا دا كتير سيبك بقى من الكلام دا.. انا عايزة اغسل وشى بشوية مايه من الحر ..نروح فين؟

تعالى تعالى ندخل المسجد دا

اوكى



المايه كانت حلوة ..تعالى نطلع ونروح بسرعة بقى عشان زمانهم هيقلقوا علينا

ماشى ..بس انتى خدتى بالك من الكلام اللى كانت بتقوله طنط فى المسجد

اه خدت بالى..هى كانت بتتكلم عن الحجاب باين ..مش كدة؟

اه كانت بتقول الحجاب الشرعى تغطية الجسد كله وفى علماء قالوا ماعدا الوجه والكفين ونغطيه بما لا يشف ولا يصف يعنى كمان نلبس شراب ومش عادى زى ماكنت فاكرة؟... وقالت آيه قرآنية كدة..خوفت منها اوى.. فاكراها؟

اه انا كنت حافظاها فى ابتدائى بس مش كلها..كانت بتقول
((وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمرهن على جيوبهن ولايبدين زينتهن الا لبعولتهن او ءابآئهن))...
مش فاكره بقيتها

طيب انتى خوفتى زى ماخوفت

لا انا اصلى ناوية لما اكبر هاعمل كدة وهالبس خمار ونقاب كمان

لالا انا خايفة اوى

ماتخافيش ربنا بيغفر..انسى بقى

طب يلا بينا ..نلحق المترو




.
.بصى مكتوب ايه فى الورقة الملزوقة دى؟

(يا نفس متى تتوبى)

انا حاسة انى مخنوقة اوى.. فى ايه النهاردة؟

يا بنتى انتى مخنوقة وخايفة ليه؟ يعنى هى اللى لزقاها قاصدة انك انتى اللى هتقريها يا شيخة الخروج مع شوشو ارحم بكتير
..مش بتنكد عليا زيك.

لا هى مش قاصدة.. بس ربنا قصد ندخل المسجد ونسمع اللى سمعناه وهو اللى قصد احنا اللى نقرا الورقة دى دلوقتى..انتى مش خايفة

قلبك ابيض .. ان الله غفور رحيم

لالا انا خايفة لاموت .. و ولا نكبر ونلبس خمار ولا نقاب ..

يا بنتى ليه الفال الوحش دا

لالا انا اول ماروح هارمى كل اللبس اللى عندى واشترى لبس جديد
اسلامى زى ماسمعنا فى المسجد

ماهو لبسك محترم ومحتشم زى ماقلتى

لا انا كنت باقول ببرر لنفسى لكن بعد ما ربنا جعلنا ندخل المسجد ونقرا الورقة حاسة ربنا بيبلغنا رسايل ويا نعمل بيها يا منعملش واحنا اللى هنجنى فى الاخر

بقولك ايه.. ماتخوفنيش بكلامك دا ...انتى قلقتينى اوى

طب خلاص هسكت .. بس ارجوكى فكرى النهاردة فى الكلام دا ..
وردى عليا بكرة .. يمكن تعرفى تنسينى الخوف دا





آلو..ايوة يا سحر ..بتتصلى الصبح بدرى كدة ليه؟

تعالى ننزل نرجع الطقم اللى اشتريناه امبارح ..ونجيب لبس اسلامى

ليه؟ ومال صوتك زى ماتكونى بتعطيى كدة ليه؟

فاكرة امبارح لما قولتيلى ربنا بيبلغنا رسالة لما دخلنا المسجد
وبيبلغنا رسالة لما قرينا الورقة اللى فى المترو..وانا بقولك انسى؟

اه فاكرة ولسة خايفة لغاية دلوقتى وقررت البس لبس اسلامى على طول ورميت كل لبسى امبارح لما رجعت..بس المهم ..انتى عايزة تقولى ايه بكلامك دا؟

شوشو ماتت امبارح يا صافى !!!!..
و دى تالت رسالة ربنا بيبلغهالنا..خلاص توبنا اليك يارب !!!!



بيتهيئلى مش لازم نستنى يموت حد عزيز علينا
علشان دى تبقى انذار لينا علشان نهتدى لربنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ragelwe6setat.montadalhilal.com
mana
مشرف قسم المناقشة+الترفية+اخبار الساعة
مشرف قسم المناقشة+الترفية+اخبار الساعة


ذكر عدد الرسائل : 2114
العمر : 26
تاريخ التسجيل : 09/09/2008

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الأربعاء أغسطس 26, 2009 12:38 pm

الحمد لله يدخل من يشاء فى رحمته
شكرا احمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يسرا
مشرفة قسم الموضوعات العامة+القسم الديني
مشرفة قسم الموضوعات العامة+القسم الديني


انثى عدد الرسائل : 4501
العمر : 27
تاريخ التسجيل : 26/06/2008

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الأربعاء أغسطس 26, 2009 3:40 pm

ميرسي يا احمد علي التويك
بجد جميل اوي

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محبة الله
Important Eng
Important Eng


انثى عدد الرسائل : 191
العمر : 27
تاريخ التسجيل : 03/08/2008

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الأربعاء أغسطس 26, 2009 4:42 pm

جزاك الله كل خير
ان الله يهدى من يشاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahm20032003
Important Eng
Important Eng


ذكر عدد الرسائل : 2997
العمر : 28
تاريخ التسجيل : 20/10/2007

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الخميس أغسطس 27, 2009 1:46 am

شكرا علي المرور
والمشاركة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ragelwe6setat.montadalhilal.com
masrya
Important Eng
Important Eng


انثى عدد الرسائل : 134
تاريخ التسجيل : 16/09/2008

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الخميس أغسطس 27, 2009 5:51 am

جزاك الله كل خير ويارب اهدى كل بنات المسلمين
اللهم امين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahm20032003
Important Eng
Important Eng


ذكر عدد الرسائل : 2997
العمر : 28
تاريخ التسجيل : 20/10/2007

مُساهمةموضوع: رد: هـتـحــجـــــــب بـــــــــــــــس بـشــــــــــــــــــــــــروط.......   الخميس أغسطس 27, 2009 3:39 pm

جزاكي وجزانا الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ragelwe6setat.montadalhilal.com
 
هـتـحــجـــــــب بـــــــــــــــس بـشــــــــــــــــــــــــروط.......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: كل ما يخص البنات-
انتقل الى: