مسابقة رمضان

موضوع: مسابقة رمضان الخميس أغسطس 20, 2009 9:18 pm

كل عام وانت بخير مسابقة رمضان 127

رمضان مبارك مسابقة رمضان 127

طبعا يا جماعة مينفعشى نعيش رمضان من غير مسابقة رمضانية واسئلة دينية تحمسنا
وتزود من طاعتنا وزكرنا لله سبحانه وتعالا
مسابقة رمضان 127

انا فكرت نعمل مسابقة رمضانية والجوائز كروت شحن او اى حاجة بس
اهم حاجة يكون فى جوائز عشان الناس تتحمس
مسابقة رمضان 127

نظام المسابقة
انا هحط اسئلة كل يوم سؤالين لمدة اسبوع واللى يجاوب على اسئلة اكتر
وتكون الاجابة صحيحة يبقى ليه كارت الشحن وياخد رقمه فى رسالة خاصة
مسابقة رمضان 127

هدف المسابقة
شدة ارتباطنا بالله دائمة ومتصلة
تزكرنا للقران الكريم واحكامه
ان احنا ناخد اكبر كم من الحسنات فى هذا الشهر الكريم
مسابقة رمضان 127

المطلوب من الاعضاء والمتسابقين
نجدد النية لله ان احنا داخلين المسابقة عشان ناخد حسنات اكتر
لان والله يا جماعة شهر رمضان جبل حسنات لا حدود له
كل واحد قرا الموضوع يعرف صاحبه فى المنتدى بحيث
على شهر رمضان غدا كل الاعضاء عرفوا
واكيد هتاخد ثواب ان اشترك معانا ولو مش اشترك برده
مسابقة رمضان 127

مستنى ردودكم واراءكم
والجائزة مني انا شخصيا
هتبقي كل يوم سبت ان شاء الله
تحديد الفائز
يا ريت الاجابة تبقي في رسالة خاصة

بسم الله الرحمن الرحيم

اللهم صلى وسلم وبارك على سيدنا محمد وعلى اله وصحبه وسلم
اما بعد ...........

اولا بشكر كل من هيشارك معى فى نشر هذا الموضوع وجزى الله كل من كان سبب
لى انا استمر فى هذه الفكرة وان شاء الله اكملها

ثانيا بالنسبة لبرنامج المسابقة هيبقى بالشكل ده

مسابقة رمضان Eh_s(17)

ان شاء الله هيبقى كل يوم سؤال واللى هيجاوب هيبقى فى رسالة خاصة ليا
يعنى على اخر الاسبوع هيبقى عدد الأسئلة سبعة والجوائز هتبقى فى اخر الاسبوع

مسابقة رمضان Eh_s(17)

عشان تبقوا عارفين مثلا لو عشرة جاوبوا على 7 الأسئلة طول الاسبوع صح
هعمل ما بينهم قرعة زى اى مسابقة فى الدنيا واللى هيكسب يبقى حظه حلو

مسابقة رمضان Eh_s(17)

باذن الله اللى هيكسب هعلن عنه واعرف منه هو فودافون ولا موبينيل
وهبعت له رقم الكارت فى رسالة خاصة برده والله المستعان

مسابقة رمضان Eh_s(17)

ان شاء الله هبدا احط الأسئلة من اول يوم فى رمضان

والسلام عليكم

انا اول من يتقدم لهذه المسابقه (و لعلمك احنا خبره فيها يعنى )
و على خيرة الله يا ابو حميد ابدا و احنا معاك
بس اهم شى مش عيزك تنساه انى فودافون

لا ولا يهمك بس الهم اننا نستفاد ونبحث
والكل يستفاد من الاسئلة
ومتخفش خلاص انت فودافوووووووون
ولا يهمك Very Happy

بس تبقي تحولي 3 جنيه
اوك Very Happy

ههههههههههههه
اوك بس هو مين اللى هيحول لمين ههههههههه
انا نسيت اقولك معايا كمان خط موبينيل
يعنى هديك الرقمين و متنساش ال3 جنيه اللى انا حولتها ليك
و ان شاء الله معاك طول رمضان باذن الله

باذن الله
ومنتظرين مشاركة من بقية الاعضاء
علشان نبدا من اول يوم باذن الله
وملحوظة صغيرة
الاجابات هتبقي مرفوضة بتاعت السؤال اللي قبله عندما يتم انزال السؤال الجديد

شكرا يا أحمد على المجهود الجميل والمسابقة الرائعة دى
وبالتوفيق للجميع إن شاء الله ..
وجزاك الله كل خيـــــر

تم التثبيت وعمل إعلان للمسابقة في الصفحة الرئيسية وإرسال اللينك لكل الأعضاء @

جزاك الله كل خير على المسابقة المفيده دى
وياريت فى نهاية كل اسبوع تعرض الاجابة الصحيحة للسبع اسئله علشان كلنا نستفيد وشكرا

مش عارف فين الاعضاء اللي هيشاروك
بس انا هبدا المسابقة
واتمني اشوف الاجابات والمشاركات

شكراااااا لادمن علي التثبيت
وشكرا masrya
علي الرد
وان شاء اله اكيد الاجابات هتنزل كل يوم مع السؤال الجديد هتنزل الاجابة بتاعت السؤال اللي قبله
واتمني التوفيق للجميع
واتمني اشوف مشاركة بجد

الاول كل سنة وانتم طيبين
اعاد الله علينا بالشهر المبارك باليمن والخير والبركات
نبتدي المسابقة بسؤال سهل جدااااااااااا كبداية كدة
علشان منتظر لسة اشوف الاعضاء اللي هتشارك معانا
علشان كدة مش شايف غير ثلاثة اعضاء بس اللي هيشاروكو
اتمني الكل يشارك
نبتدي
السؤال الاول

آيتين نزلتا فى أبو بكر الصديق

جزاك الله خيرا يا احمد على الموضوع الجميل دا

انا معاكوووو ان شاء الله مع انى بخسر كتير بس ربنا يسهل bounce

وياريت الاسئله تكون من المنهج study

شكرا يا بوسي علي المشاركة
وان شاء الله تفوزي معانا
بس الفوز الاهم فوز رضي الله عنكي وفوز الاخرة

والسؤال الاول بالفعل نزل اتمني المشاركة
ولو في اي ملاحظة علي الاسئلة ممكن تقولو ليا
الموضوع مفتوح مش مغلق

احب اشكر جميع اللي شاركو
علي الرغم انهم مش كثير زي ما كنت اتوقع
وانتظرو اجابة السؤال الاول والسؤال الثاني
بس هستني شوية ممكن حد كمان يشارك
وكل سنة وانتم طيبين

موضوع: رد: مسابقة رمضان الأحد أغسطس 23, 2009 1:01 am

اجابة السؤال الاول

آيتين نزلتا فى أبو بكر الصديق

1_والذى جاء بالصدق وصدق به ............. سوره الزمر

2_ وما لأحد عنده من نعمه تجزى إلا إبتغاء وجه ربه الأعلى ولسوف يرضى

السؤال الثاني واتمني مشاركة اكثر
من اول من امر بجمع الاحاديث النبوية ؟

اجابة السؤال الثاني

من اول من امر بجمع الاحاديث النبوية ؟
الجواب عمر بن عبد العزيز

السؤال الثالث

كم عدد سجدات التلاوة في القران الكريم

اجابة السوال الثالث

عدد السجدات 15 سجده
وهم
1-سورة الاعراف الايه 206
2-سورة الرعد الاية 15
3-سورة النحل الايه 49
4-سورة الاسراء الايه 107
5-مريم 58
6-الحج الاية 18
7-الحج 77
8-الفرقان 60
النمل 25
10-السجده 15
11-ص 24
12-فصلت 37
13-النجم34
14-الانشقاق21
15-العلق 19
السؤال الرابع:
من هو أول من جهر بالقرآن الكريم من الصحابة؟

اجابة السؤال الرابع
عبدالله بن مسعود
السؤال الخامس
ماذا كان إسم ناقة الرسول صلى الله عليه وسلم؟

اجابة السؤال الخامس
القصواء
السؤال السادس
كم مرة وردت كلمة الصيام فى القرأن الكريم ؟
مع كتابة الأية وفى اى سورة ؟

اولا احب اشكر كل اللي شارك في المسابقة في اسبوعها الاول
وللاسف المنافسة كانت بين اثنين فقط
والباقي شارك اول يومين ومش عارف انسحب ليه ومكملش معانا
علي العموم اتمني لو في سوء مني اول اي اقتراح اتمني اشوفه قبل ما نبدا الاسبوع الثاني من المسابقة
طبعا احب اشكر كل ما طلب مني في تعديل المسابقة
والطلب اللي اطلب اني ازود فرصة الاجابة في السؤال ومتبقاش الفرصة يوم واحد في حل السؤال
وطبعا هيتنفذ الطلب ده
وهيبقي الاجابة بتاعت الاسئلة في نهاية الاسبوع
وكل يوم هينزل سؤال
بس الاجابة علي الاسئلة هتبقي متاحة طوال الاسبوع
يعني عاوز تجاوب علي سؤال سؤال اوك
ولو عاوز تجاوب عليهم كلهم في وقت واحد مفيش مشكلة
بس ده طبعا هيبقي في الجزء الثاني
يعني يوم السبت ان شاء الله
واتمني ان اشوف مشاركات اكثر
احصائية الاسبوع الاول
عدد الاعضاء اللي شاركو ككل 6
بس تاني يوم انسحب 2
وبقو 4
ومن ثالث يوم دخل عضو جديد
وانسحب 3
يعني المحصية بقت عضوين بس
مش عارف ايه المشكلة
اتمني لو في اي مشكلة في المسابقة او اقترحات تقولو
علي العموم المنافسة بقت بين اتنين
والسؤال الاخير هو اللي هيحدد الفائز بكارت ال10 جنيه
وفي الاخر احب اشكر كل من شارك في الاسبوع الاول
وجزاهم الله كل خير
انتظرو السؤال السابع والاخير
في الاسبوع الاول من المسابقة
واتمني ان تكون الاسئلة كانت من المنهج والكل استفاد منها
تقبلو تحياتي

اجابة السؤال السادس

وردت كلمة الصيام فى القرأن الكريم ثلاث مرات فى سورة البقرة

والايات هى

{يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ }البقرة183

{ أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَآئِكُمْ هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ عَلِمَ اللّه ُ أَنَّكُمْ كُنتُمْ تَخْتانُونَ أَنفُسَكُمْ فَتَابَ عَلَيْكُمْ وَعَفَا عَنكُمْ فَالآن َ بَاشِرُوهُنَّ وَابْتَغُو اْ مَا كَتَبَ اللّه لَكُمْ وَكُلُواْ وَاشْرَبُواْ حَتَّى يَتَبَيَّنَ لَكُم ُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ ثُمَّ أَتِمُّواْ الصِّيَامَ إِلَى الَّليْلِ وَلاَ تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ تِلْكَ حُدُودُ اللّهِ فَلا َ تَقْرَبُوهَا كَذَلِكَ يُبَيِّنُ اللّهُ آيَاتِهِ لِلنَّاسِ لَعَلَّهُم يَتَّقُونَ }البقرة187
اما بالنسبة للبشمهندسين اللى جابوا وضافوا مشتقات كلمة الصيام مثل (صوم - صيام _فليصمه_ وغير ذلك ) فاجابتهم صحيحة
وبشكر طبعا كل من شارك واتمنى من الله انا ارى المزيد............

السؤال السابع والاخير في الجزء الاول من المسابقة

اذكر اسماء زوجات النبى صلى الله عليه وسلم؟ مع ذكر الاسم كامل

اختر الاجابة الصحيحة من قائل هذه العبارة
يا رسول الله ما كان مما على ظهر الأرض أهل أخباء أو خباء أحب إلي أن يذلوا من أهل أخبائك أو خبائك..............
( امنة بنت وهب_حليمة بنت عبد الله_هند بنت عتبة_ أم حبيبة رضي الله عنها)

اجابة السؤال السابع والاخير من الجزء الاول من المسابقة

اذكر اسماء زوجات النبى صلى الله عليه وسلم؟ مع ذكر الاسم كاملا؟

اختر الاجابة الصحيحة من قائل هذه العبارة

يا رسول الله ما كان مما على ظهر الأرض أهل أخباء أو خباء أحب إلي أن يذلوا من أهل أخبائك أو خبائك..............
( امنة بنت وهب_حليمة بنت عبد الله_هند بنت عتبة_ أم حبيبة رضي الله عنها)
اسماء زوجات النبى صلى الله عليه وسلم

1- السيدة خديجة بنت خويلد رضى الله عنها

2- السيدة سودة بنت زمعة رضى الله عنها

3- السيدة عائشة بنت أبى بكر رضى الله عنها

4- السيدة حفصة بنت عمر بن الخطاب رضى الله عنها

5- السيدة زينب بنت خزيمة رضى الله عنها

6- السيدة أم سلمة ( هند بنت أمية ) رضى الله عنها

7- السيدة زينب بنت عمته رضى الله عنها

8- السيدة جويرية بنت الحارث بن أبى ضرار رضى الله عنها

9- صفية بنت حُيى بن أخطب رضى الله عنها

10- أم حبيبة رملة بنت أبى سفيان رضى الله عنها

11- مارية بنت شمعون القبطية رضى الله عنها

12- ميمونة بنت الحارث الهلالية رضى الله عنها

13- أسماء بنت النعمان رضى الله عنها

14- قتيلة بنت قيس رضى الله عنها

والان اقدر اقول من الفائز في مسابقة الجزء الاول من المسابقة
زي ما قلت قبل كدة ان المنافسة كانت بين اثنين
والان اقدر اقول من هم
الفائزين هم مانا و masrya
جزاكم الله كل خير وكمان كل من شارك في المسابقة جزاهم الله كل خير
بس طبعا مانا شارك متاخر شوية ملحقش المسابقة من اولها
وmasrya شاركة من اول سؤال حتي سابع سؤال وكانت الاجابات الصحية 6 اسئلة
وبالتالي هي اللي كسبت كارت الشحن جزاكي الله كل خير الف مبروووووووووك
وشكرا لمانا المشاركة معانا واتمني يشارك في الجزء الثاني معانا في المسابقة
كما اتمني ان تستمر masrya كمان معانا في الجزء الثاني من المسابقة
واتمني اشوف اعضاء اكثر تشارك معانا في المسابقة
وانتظرو اسئلة الجزء الثاني من المسابقة
لا تنسى ذكر الله والصلاة على النبى
الزموا الاستغفار..........

الف مبروك يا masrya
و الحمد لله انا كنت حاسس انى كنت بشارك لوحدى
يالله يا ابو حميد ابدا الجزء الثانى و نحن معك

السلام عليكم ورحمه الله وبركاته

شكرا يا مانا والف شكر لاحمد على المسابقة الدينية والله المسابقة دى وضحت انى كنت مقصرة فى حق معرفة معلومات عن دينى
واتمنى من كل الاعضاء المشاركة فى المسابقة الدينية ليعرفوا اكتر واكتر عن ديننا الاسلام وللمرة التانية شكرا يااحمد وجعله الله فى ميزان حسناتك

جزاكم الله كل خير
ومفيش شكرا علي واجب
واهم حاجة انا عاوز ان الكل يستفاد
وكفاية الحسنات اللي كلنا بناخدها
مرة ثانية مبرووووك يا masrya
وانا مستني نوع خطك علشان ارسلك رقم الكارت