موقع كلية الهندسة - جامعة طنطا
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 نداء الي طلاب ثالثة ورابعة مدني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahm20032003
Important Eng
Important Eng


ذكر عدد الرسائل : 2997
العمر : 28
تاريخ التسجيل : 20/10/2007

مُساهمةموضوع: نداء الي طلاب ثالثة ورابعة مدني   الإثنين أغسطس 17, 2009 6:05 pm

بسم الله الرحمن الرحيم
طبعا نتيجة تانية مدني ظهرت انهاردة
والكل الحمد الله عرفت نتيجته
كنا بقي عوزين نستفاد من خبرة طلاب ثالثة ورابعة
ويفدونا في موضوع مدني عام ومدني انشاءات
يا ريت تقولنا بعد ما شفتم انتم الاقسام
ايهما احسن
وايه ايجابيات وسلبيات كل قسم
وانه اصعب
وانه شغله متوفر اكثر
منتظرينكم تردو علينا
لان المفروض نروووح الكلية خلال الاسبوع ده نكتب الرغباااااااااااااااااااااات
وشاكرين لكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ragelwe6setat.montadalhilal.com
engbana
إدارة المنتدى
إدارة المنتدى


ذكر عدد الرسائل : 1172
العمر : 28
تاريخ التسجيل : 04/10/2007

مُساهمةموضوع: رد: نداء الي طلاب ثالثة ورابعة مدني   الإثنين أغسطس 17, 2009 6:12 pm

بص يا ابو حميد....

الحوار كله من الاخر تقريبا اشتغالات Very Happy ......
اولا ...... موضوع الشغل
مبيفرقش نهائي ما بين انشاءات وعام لانكم انتو الاتنين بيبقي مكتوب في كارنيه النقابة مدني يعني مش محددين عام ولا انشاءات....
الفرق كله ان بتاع انشاءات بيتخصص اكتر في الخرسانات...
و بتاع عام بيبقي فاهم في الخرسانات لكن بيزيد عن انشاءات انه ليه في الطرق وشغل الري...

ثانيا.........بالنسبة للمواد والدراسة
في سنة 3 بيبقي الفرق كله في مادتين او 3 المهم انهم بياخدو زيادة عنك مواد عن التربة وتحسين الاساسات حسب ما بيختار بتوع انشاءات.....اما بتاع عام فبياخد مواد عن الطرق والسكك الحديد والري...

ثالثا......بالنسبة للاصعب
بامااااااااااانة مش فارقة كتير كل الفرق بس انك لو في عام هتاخد استركشر في الترم الاول في 3 بكمية رهيبة اللي انشاءات بياخدوة في سنة انت بتاخده في ترم واحد...غير كده مفيش فرق...

و عموما انا افضل انك تخش عام لانك هتبقي فاهم مواد اكتر اي نعم مش بتعمق شديد لكن هيبقي عندك فكرة عن حاجات انشاءات معندهمش اي فكرة عنها.....
و بالتوفيق ان شاء الله للجميع في اختياره...

_________________
كفاني فخراأن تكون لي ربا

وكفاني عزا أن أكون لك عبدا

أنت لي كما أريد...فاجعلني ربي كما تريد

اللهم...كما صنت وجهي من السجود لغيرك


فصن وجهي عن مساءلة غيرك


اللهم...أحملني علي عفوك


ولا تحملني علي عدلك


اللهم...أني أعوذ بك أن أفتقر في غناك ......أو أضل في هداك......أو أضام في سلطانك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahm20032003
Important Eng
Important Eng


ذكر عدد الرسائل : 2997
العمر : 28
تاريخ التسجيل : 20/10/2007

مُساهمةموضوع: رد: نداء الي طلاب ثالثة ورابعة مدني   الإثنين أغسطس 17, 2009 6:15 pm

شكرا يا بنا علي معلوماتك ومشاركتك في الموضوع
وشكرا علي الافادة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ragelwe6setat.montadalhilal.com
mana
مشرف قسم المناقشة+الترفية+اخبار الساعة
مشرف قسم المناقشة+الترفية+اخبار الساعة


ذكر عدد الرسائل : 2114
العمر : 26
تاريخ التسجيل : 09/09/2008

مُساهمةموضوع: رد: نداء الي طلاب ثالثة ورابعة مدني   الثلاثاء أغسطس 18, 2009 10:48 am

شكرا يا احمد على الموضوع المهم دا
و شكرا يا بنا بس كنت عايز اعرف هل مدنى عام بالنسبه للمواد الانشائيه مش بيكون قوى فيها
او بمعنى اخر مش بيدرس كل اللى مفروض يدرسه بالنسبه للمواد دى
وهل الدكاتره اللى فى انشاءات هما نفسهم اللى بيكونو مع العام فى المواد الانشائيه ؟
و ايه حكايه منع التقسيم دا و جعله كله مدنى عام ؟
و انا شاكر لكم سعة صدركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sultan
Important Eng
Important Eng


ذكر عدد الرسائل : 237
العمر : 28
تاريخ التسجيل : 03/11/2007

مُساهمةموضوع: رد: نداء الي طلاب ثالثة ورابعة مدني   الثلاثاء أغسطس 18, 2009 2:23 pm

انا بشكر بنا على اللي قالوا بس انا عندي تعليق
ان مدني عام بيبقى واخد طرق و ري
بص مدني ام مش وحش بس انشاءات برده كويسه في ان منهج الخرسانة عند انشاءات بيكون ازيد حاجة بسيطة
وكمان مادة الاستيل بتكون زيادة حاجة بسيطة
والمفروض اللي داخل ثالثة يكون عامل في حسابه حاجة
هل انا هطلع اشتغل في الطرق والكباري ولا في المباني والمدن السكنية
لو في المباني يبقى انشاءات احسن في انه هيبقى كل تركيزه في الدراسه على كدة ولو فرضت عليه الظروف انه يشتغل في الكباري فـمجرد كورس صغير وهيبقى زي بتاع عام
اما اذا كان عامل حسابه انه هيشتغل في الطرق والكباري فعام احسن عشان هما بيدرسوا الحاجات دي من بدري
بس في حاجة كمان أنا هقولها ومش عايز الناس بتوع عام يزعلوا
هل هما استفادوا من اللي بيخدوه في الطرق والكباري ؟
هل الدكاترة بتطلعهم بجد فاهمين أحسن من انشاءات ؟
ولا هيطلعوا زيهم زي انشاءات كأنهم مش واخدين حاجة ؟
مع العلم ان مفيش حاجة بتفهمها في شغل مدني إلا بعد ما تشتغل و تاخد خبرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
engbana
إدارة المنتدى
إدارة المنتدى


ذكر عدد الرسائل : 1172
العمر : 28
تاريخ التسجيل : 04/10/2007

مُساهمةموضوع: رد: نداء الي طلاب ثالثة ورابعة مدني   الثلاثاء أغسطس 18, 2009 3:04 pm

اقتباس :
اقتباس :
[/]و شكرا يا بنا بس كنت عايز اعرف هل مدنى عام بالنسبه للمواد الانشائيه مش بيكون قوى فيها
او بمعنى اخر مش بيدرس كل اللى مفروض يدرسه بالنسبه للمواد دى


العفو يا مانا.......
و بالنسبة لموضوع المواد الانشائية عند مدني عام فلو بتتكلم عن الاستيل والخرسانة فبالنسبة للي حصل في السنة دي اللي هيا 3......فكل اللي فرق ما بيننا وبين انشاءات في الخرسانة هو جزء بسيط جدا كل الفرق في المنهج كان عبارة عن محاضرتين وفي موضوع مش بيطبق عمليا الا نادرا وهو ال deep beam و ال short cantliver ...يعني المحاضرتين دول بس هما الفرق في الخرسانة...و عموما لو حد عايز يعرفهم كان ممكن يحضر المحاضرتين دول عادي خالص ويسمعهم زيه زي انشاءات...
اما بالنسبة للاستيل فكان مفروض اننا هناخد مواضيع اقل ومنحضرش عدد من المحاضرات في الاخر...لكن اللي حصل ان دكتور ضبعون ادانا نفس المنهج وخدنا المنهج كامل زينا زيهم في كل حاجة من غير اي فرق..
اقتباس :
وهل الدكاتره اللى فى انشاءات هما نفسهم اللى بيكونو مع العام فى المواد الانشائيه ؟

الدكاترة هما هماهم في الخرسانة والاستيل والاساسات و محاضرات المواد دي مشتركة يعني مدني عام بياخد محاضرات المواد دي مع انشاءات في نفس المكان والمعاد..

اقتباس :
و ايه حكايه منع التقسيم دا و جعله كله مدنى عام ؟

انا سمعت فعلا موضوع منع التقسيم ده والنظام ده اتطبق من سنة واكتر في كل الهندسات ان القسم بيبقي كله مدني والمفروش اللي سمعته من كتير من الدكاترة ان النظام ده هيرجع يطبق تاني علي اللايحة الجديدة بس من امتي الله اعلم.........

اقتباس :
هل انا هطلع اشتغل في الطرق والكباري ولا في المباني والمدن السكنية
لو في المباني يبقى انشاءات احسن في انه هيبقى كل تركيزه في الدراسه على كدة ولو فرضت عليه الظروف انه يشتغل في الكباري فـمجرد كورس صغير وهيبقى زي بتاع عام
اما اذا كان عامل حسابه انه هيشتغل في الطرق والكباري فعام احسن عشان هما بيدرسوا الحاجات دي من بدري

هقولك حاجة يا سلطان....
المفروض دلوقتي لو انت بتتكلم عن شغل مباني سكنية ومدن جديدة فبجد اي حد شاف الشغل ده علي الطبيعة فلو انت مدرستش غير كورس خرسانة لغاية سنة تانية و جزء من خرسانة تالتة زي السلالم وكورس اساسات بتاع سنة تالتة يبقي انت تمااااااااام جدا وهتشتغل زي الفل..لان ده الشغل اللي منتشر ومش بيفرق فيه نهاااااااااائي عام او انشاءات وكل اللي بيتاخد زياده بيبقي حاجات متقابلهاش كتير في حياتك العملية....
و بيبقي مدني عام دارس اكتر من تسعين في المية من الحاجات كلها يعني لو قابل في حياتة نسبة العشرة في المية اللي مدرسهاش وده نادرا جدااا فمن السهل عليه انه يقدر يستوعب اللي مدرسوش لان عنده الاساسيات بتاعتها ان كان خرسانة او استيل رغم ان زي ما قلت الاستيل لحد دلوقتي مفيش فرق والخرسانة الفرق كان موضوعين...
علي العكس انشاءات انت لو قابلت مشروع ري او مشروع طرق او اتسالت عنه في انتر فيو فللاسف بتوع انشاءات معندهمش حتي المباديء والاساسيات بتاعت المواضيع دي يعني لازم يبتدي يدرسها من بدايتها خاااالص لانه لا يفقه عنها شيء واكيد اي حد بتاع انشاءات لو اشتغل في مدن جديدة مية في المية هيقابل شغل طرق وشغل صرف و الكلام ده هيبقي معضلة بالنسبة له...
الا لو خد كورس في الحاجات دي زي ما بتقول و ده نادرا ما بيحصل لان الواحد ما بيصدق يخلص....و بدل الكورسات كان يختار قسم يريحه من البداية...
اقتباس :
بس في حاجة كمان أنا هقولها ومش عايز الناس بتوع عام يزعلوا
هل هما استفادوا من اللي بيخدوه في الطرق والكباري ؟
هل الدكاترة بتطلعهم بجد فاهمين أحسن من انشاءات ؟
ولا هيطلعوا زيهم زي انشاءات كأنهم مش واخدين حاجة ؟

ههههههههههههه لا ياعم مش هنزعل Very Happy ....
بص مفيش الامواد قلييييلة جدا في كليتنا هيا اللي ممكن تقول عليها استفدت استفادة كاملة منها...
لكن لو بتتكلم عن مواد عام فاكيد الاستفادة مش هيا المطلوبة لكن زي ما قلت علي الاقل عندك الاساسيات والمباديء اللي بتسهل عليك الموضوع بعد كده وبتخليك فاهم الدنيا ماشية ازاي علي عكس انك تبقي مسمعتش عن المواضيع دي نهاااااااااائي..

اقتباس :
مع العلم ان مفيش حاجة بتفهمها في شغل مدني إلا بعد ما تشتغل و تاخد خبرة

تماااااااااااااااااااااااااااام جدااااااا وهو ده خلاصة الكلام اللي بناخده يا دوب مباديء والخبرة هي اهم شيء في شغلنا بعد كده ان شاء الله.........
و ربنا يوفق الجميع في اختياراته ومش عايز حد يتاثر بكلامنا اكتر من اللازم Very Happy ...اهم حاجة تختار حاجة تكون عاجباك وبمزاجك..

_________________
كفاني فخراأن تكون لي ربا

وكفاني عزا أن أكون لك عبدا

أنت لي كما أريد...فاجعلني ربي كما تريد

اللهم...كما صنت وجهي من السجود لغيرك


فصن وجهي عن مساءلة غيرك


اللهم...أحملني علي عفوك


ولا تحملني علي عدلك


اللهم...أني أعوذ بك أن أفتقر في غناك ......أو أضل في هداك......أو أضام في سلطانك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mana
مشرف قسم المناقشة+الترفية+اخبار الساعة
مشرف قسم المناقشة+الترفية+اخبار الساعة


ذكر عدد الرسائل : 2114
العمر : 26
تاريخ التسجيل : 09/09/2008

مُساهمةموضوع: رد: نداء الي طلاب ثالثة ورابعة مدني   الثلاثاء أغسطس 18, 2009 5:42 pm

شكرا جزيلا يا بشمهندس بنا
حقيقى افدتنا كتير جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نداء الي طلاب ثالثة ورابعة مدني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: أقسام الكلية :: قسم مدني-
انتقل الى: