متابعة مستمرة لأخبار نتايج جميع الفرق - الترم التانى للعام الجامعى 2008/2009

متابعة مستمرة لأخبار نتايج جميع الفرق-الترم التانى للعام الجامعى 2008/2009

أعضاء وزوار موقع طلبة كلية الهندسة - جامعة طنطا
كما عودناكم دائما - على متابعة أخبار نتايج جميع الفرق بالكلية - من خلال موقعنا ..
نبدأ الآن في تقديم متابعة مستمرة لأخبار "نتائج الترم التانى" للعام الجامعى 2008/2009 لجميع الفرق ..
ليس لدينا حاليا اية معلومات او توقعات بخصوص موعد ظهور النتايج !
ولكن نريد ان نعلن ان على كل طالب ان يتوجه ابتداءا من منتصف الأسبوع الحالى إلى شئون الطلاب حتى يحصل على الكارت "الباصورد" الخاص به حتى يتمكن من الحصول على نتيجة الترم التانى من موقع الجامعة فور ظهورها إن شاء الله كما تم في نتيجة الترم الأول ..

مزيدا من التفاصيــل لاحقـــا ..

موضوع: استفسار الأحد يونيو 14, 2009 1:12 am

هو الرقم السرى بتاع الترم التانى غير بتاع الترم الأول

ولا بتاع الترم الأول ينفع

هو مسموح استخدامه 3 مرات ... انا استخدمته مرة واحدة

egkd2000 كتب:: هو الرقم السرى بتاع الترم التانى غير بتاع الترم الأول

ولا بتاع الترم الأول ينفع

هو مسموح استخدامه 3 مرات ... انا استخدمته مرة واحدة

ايه نشترى واحد تانى ولا لأ ؟

اه .. كل واحد لازم يشترى باصورد تانى .. غير اللى كان معاه الترم الاول
حتى لو استخدمته أقل من 3 مرات ..

اضافة صغيرة بس يا ادمن
ان الى دفع سعر الكارت الترم الاول (اكيد كلنا طبعا) يبقى مش هيدفع الترم ده وهياخده ببلاش
لان انا كنت فى الكلية انهارده وشئون الطلاب قالوا كده

ويا ريت ان شاء الله زى كل ترم يكون فيه متابعة منكم لاخبار النتيجة
ولو انى مش شايف حد منكم خالص يعنى
بس يا ريت تتابعوا اخبار النتيجة

وبالتوفيق لكل الدفعات ان شاء الله

memooo كتب:: اضافة صغيرة بس يا ادمن
ان الى دفع سعر الكارت الترم الاول (اكيد كلنا طبعا) يبقى مش هيدفع الترم ده وهياخده ببلاش
لان انا كنت فى الكلية انهارده وشئون الطلاب قالوا كده

ويا ريت ان شاء الله زى كل ترم يكون فيه متابعة منكم لاخبار النتيجة
ولو انى مش شايف حد منكم خالص يعنى
بس يا ريت تتابعوا اخبار النتيجة

وبالتوفيق لكل الدفعات ان شاء الله

يعنى انت جبته يا ميمو ولا لسه مش موجود
بدل ما اروح الكليه على الفاضى

لالالالالالالا لسه يا ميتو

قالوا وانتم فى التربية العسكرية ابقوا خدوه
يعنى ع الاسبوع الجاى كده

شكرا يا باشا كنت هاخبط مشوار على الفاضى

memooo كتب:: ان الى دفع سعر الكارت الترم الاول (اكيد كلنا طبعا) يبقى مش هيدفع الترم ده وهياخده ببلاش

تمام يا ميمو
وشكراا ليك على المتابعة

وان شاء الله حيكون فيه متابعة لأخبار النتايج زي كل ترم بإذن الله @

بسم الله الرحمن الرحيم
نبدا في متابعة النتيجة
من مصادر موثوق منها
وتحت مسؤليتي الخاصة
تم تسليم مادتين في كنترول ثالثة ميكانيكا
كما تم تسليم مادتين في كنترول ثانية مدني وهم الاستركشر والسيول
كما تم تسليم مواد اخري في بقية الاقسام
بس اللي اقدر اقول لكم ان النتيجة ان شاء الله هتظهر بدري عن كل سنة وبالاخص رابعة
لان معيد في كنترول رابعة قالي ان معظم المواد في كنترول رابعة اتسلمت واللي اتسلم في كنترول رابعة مدني جميع المواد
اتمني التوفيق والنجاح لجميع الاعضاء
وقريبا جدااااااااااا
سوف تتوالي اخبار النتيجة

شكرا يا أحمد على المتابعة
وبالتوفيق للجميع إن شاء الله

بو حميد مفيش اخبار عن قسمنا اللدود

العفو يا ادمن
وان شاء الله سوف يتم متابعة النتيجة علطووووووووووول

ولسة والله يا كومي معرفتش حاجة عن اولي كهرباء
واول ما اعرف حاجة موكدة هقولها علطوووووووووووووووووول

خبر كمان
في واحد صحبي عرف مادتين في ثانية ميكانيكا انتاج
يعني في مادتين خلصو في ميكانيكا انتاج
اتمني التوفيق والنجاح للجميع

يا باشا الله يكرمك

المادتين اللي عرفهم من تانية انتاج ايه

وجاب فيهم ايه الله يكرمك

طمني تاخد ثواب

والله معرفش
بس هعرف وهقولك والله
بس هو نجح فيهم الحمد الله بس التفاصيل معرفش

وخبر كمان حلو لادارة المنتدي نجم والبنا في واحد صاحبكم اووووي عرفت انه عرف نتيجته
يعني ثالثة مدني كمان شبه خلصانة
يلا ربنا يوفق الجميع

New Eng عدد الرسائل : 1 تاريخ التسجيل : 30/06/2009

ربنا يوفقنا جميعا يارب

تحديث : 10/ يوليو :-

الميعاد المبدئي لظهور نتيجة الفرقة الرابعة : - 20/ يوليو - إن شاء الله
وإنتظروا مزيدا من التفاصيــل قريبـا ..

بسم الله الرحمن الرحيم
بالنسبة للفرقة ثانية مدني
تم الانتهاء من كلا من الاقتصاد والري والمساحة
بالاضافة الي الاستركشر والسيول
يعني تم الانتهاء من كل المواد ماعد الخرسانة
اتمني التوفيق للجميع يا رب

أخبار جديدة للفرقة التالتة مدنـى : "16/7"
تم تسليم مادة الخرسانة للكنترول يوم الإربعاء .. وحاليا جارى المراجعة ورصد الدرجات وجمعها على درجات الترم الأول ..
وبكدة تكون المواد اللى اتسلمت للكنترول وجارى الرصد فيها : الأساسات و الخرسانة وإدارة المشروعات ..
وبخصوص مادة الأساسات .. تم إضافة (+3) درجات أوفر لكل طالب على درجة الإمتحان الفاينل
وفيه اخبار عن مادة الري .. وان شاء الله قريب جدا حنتأكد منها .. وفي انتظار اخبار عن الإستيل وهندسة السكك الحديدية

وقريبا جداااا أخبار جديدة عن نتيجة الفرقة الرابعة

واكيد اول ما توصلنا أخبار عن نتايج باقى الفرق حنبلغكم بيها فورا إن شاء الله

هو مفيش اخبار عن نتيجه اعدادى؟ confused

و مافيش اخبار عن هيدرولوجيا الترم الاول في تانيه مدني هيعملوا فيها ايه ؟

ايه يا اخونا انتو بتنامو ولا ايه دى شكلها طلعت وانتو ماتعرفوش

smsmtheking0 كتب:

لسه معندناش أى أخبار مؤكدة عن نتيجة إعدادى حاليــا .. واول ما نعرف حاجة حنبلغكم إن شاء الله

khaliloo كتب:

أكيد حتظهر مع مواد الترم التانى ..

وبخصوص نتيجة الفرقة الرابعة تم تأجيلها عن الميعاد المحدد من قبل وهو 20/7 بسبب عدم الإنتهاء من مناقشة جميع المشاريع حتى الآن .. ومن المنتظر أن تنتهى مناقشة المشاريع يوم الثلاثاء 21/7 إن شاء الله ..
وبعدها يتم تحديد موعد ظهور النتيجة على موقع الجامعة .

طب مفيش اخبار عن تانيه انتاج ...