لا اعترف!!...نزار قباني..

الى متى اعتكف
عنها؟ ..ولا اعترف!!
اضلل الناس
ولونى باهت منخطف
وجبهتى مثلوجة
ومفصلى مرتجف , أيجحد الصدر الذى
ينبع منه الصدف
وهذه الغمازه الصغرى
وهذا الترف
تقول لى:قل لى..
فأرتد ولا اعترف
وأرسم الكلمه فى الظن
فيأبى الصلف.
وأذبح الحرف على
ثغرى فلا ينحرف
ياسرها ..ماذا يهم الناس
لو هم عرفوا..
لا..لن اروى كلمة عنها
..فحبى شرف
لو تمنعون النور عن
عينى..لا اعترف

قصيده حلوه اوي بس مستغربه او مش فاهمه ليه العناد اللي في القصيده ده

اقتباس :

ياسرها ..ماذا يهم الناس
لو هم عرفوا..

يمكن يكون ده السبب؟؟!!!
واكيد في اسباب تانيه بس معتقدش ان نزار ممكن يقولها!!

اصل مش مهم الناس يعرفوا
بس اظن اني فهمت ان هي كمان مش عارفه وده اللي انا مستغرباه

هي فعلا مش عارفه ودا اكيد موجود في الجزئيتين دول..

اقتباس :: عنها؟ ..ولا اعترف!!
الى متى اعتكف

تقول لى:قل لى..
فأرتد ولا اعترف

بس مش عارف ليه سمتيه عناد...
ممكن تقولي انه خوف مثلا من انه يخسر حبيبته دي للابد لو قالها...وقدام خوفه ده حتي اخدوا نور عينه مش هيعترف...

وبيني وبينك انا مستغرب ازاي شاعر في جرأه نزار يخاف يعترف بحبه
اعتقد ان الشعرا دول كانوا احسن ناس بيحبوا بجد ..
لان كلامهم طالع من قلبهم وبيصل لكل القلوب..
عموما الراجل مات وشكل حبيبته دي حصلته...وميجوزش عليهم دلوقتي غير الرحمه

تقول لى:قل لى..
فأرتد ولا اعترف

اظن من الجزء ده انها عايزاه يقولها

تصدقي انا اتلخبت!!
طب دلوقتي هي عارفه ولا مش عارفه!!
وبعدين مترحمتيش ليه عليهم ...

لانه عناد والله
مش فاهمه هو الواحد لما يحب واحده يبقي عايزها هي اللي نصارحه ولا ايه ؟؟
يالا البقاء لله كان راجل طيب Sad

هي في مجتمعنا حاجه مستحيله!!
بس اصلا الاعتراف بالحب بيقتله..
"ومش هقول اي كلمه تفسر كلمتي دي ع فكره"
ويمكن ده هو السبب اللي خلاه مش عايز يعترف بيه ..الله اعلم
ربنا يرحمك يا نزار!! كان راجل فنــــــــــــــــــــان

مش عارف ليه يا احمد في مجتمعنا حاجه مستحيله ؟؟؟!!
انا عن نفسي شايفها عادي والله .. و زي ما احمد قال بتبقى صعبه برضه و لو هيا سهله على حد انه يعترف يبقى اشك انه ...
بس عالعموم القصيده جامده اووووووي بالذات البيت الحمر ده عاجبني مووووووت

اقتباس :

انا عن نفسي شايفها عادي والله ..

عاديه ازاي يا لوست بس ؟
بغض النظر عن التقاليد والحاجات دي
انت شايف انها حاجه عاديه ان لو واحده معجبه او بتحب حد تروح تقوله ؟؟
ولما يقولها لا انا اسف انا مش حاسس بحاجه ناحيتك المفروض هي هيكون ايه موقفها ؟؟؟
ولما يستغل جرأتها دي ويقول بنت بتتسلي او ......... اي حاجه من تعبيراتكم ويتسلي هو كمان هيبقي ايه موقفها
انا شايفه انها حاجه مستحيله فعلا والبنات المفروض تغلي وتعزز نفسها لغاية ما يجيلها ابن الحلال اللي عايزها بجد وشاريها
(احنا قلبنا علي موضوع تاني غير موضوع التوبيك سوري يا مودي )

ولا يهمكوا يا جماعه...
الموضوع موضوعكم!!
بس واضح انك واخده عن الولاد فكره مش ولا بد خالص
واكيد يا يسرا لا الولد ولا البنت ممكن يروحوا ويعترفوا بحبهم الا اذا كانوا حاسس ان الطرف التاني بيبادلهم نفس الشعور او علي الاقل حاسس بيه!!
مش كده وش علي طووووول!!
ولا ايــــــــــــــــــــــــــه؟؟؟

اقتباس :

واكيد يا يسرا لا الولد ولا البنت ممكن يروحوا ويعترفوا بحبهم الا اذا كانوا حاسس ان الطرف التاني بيبادلهم نفس الشعور او علي الاقل حاسس بيه!!

مش موضوع بيبادله الشعور ولا لا
بس انا لو بحب حد وعارفه انه بيبادلني الشعور هستني ان هو اللي يجي يقولي انه بيحبني
بس مستحيل انا اللي اروح اقوله

ما دا الطبيعي اللي في مجتمعنا!!
بس لو هو يعني -سوري- صنم مبيتحركش...ايه العمل؟؟؟
مش لازم تحركيـــــه!!
يمكن ربنا ينفخ في صورته ويعترف

اعتقد ان دا اللي بيبحصل بس بيبقي بطريقه غير مباشره-عشان متفهمش غلط-

لو مش بيحصل يبقي العيب عندي

اقتباس :

بس لو هو يعني -سوري- صنم مبيتحركش...ايه العمل؟؟؟
مش لازم تحركيـــــه!!

لا معلش لا انا ولا اي بنت تحب ترتبط بواحد هي اللي تحركه يمين وشمال
لو مش عنده الشجاعه انه يجي يعترفلي بحبه يبقي ما يستاهلش الحب ده
وعلي رأي اسامه منير اللي بيخاف ما يطلعش من بيتهم

انتي فهمتي تحركه دي ازاي؟؟
هي اكيد مش معناها زي ما فهمتي!!
بس من وجهه نظر بعض الولاد ان كتمان الحب احسن..ويمكن -لو ساعدته الظروف- يبقي هو الحل المثالي للحفاظ علي حبه!!

اقتباس :

انتي فهمتي تحركه دي ازاي؟؟
هي اكيد مش معناها زي ما فهمتي!!

لا والله لا فهمت غلط ولا حاجه
ما هي طبيعي انها لو بنحبه هي كمان هيبان عليها وده كل اللي هي تقدر تعمله
وهي مش مرغمه او مش مطلوب منها انها تعمل اكتر من كده

اقتباس :

بس من وجهه نظر بعض الولاد ان كتمان الحب احسن

وماله خليه يكتم حبه وهي مش دريانه لغاية ما يجي راجل بجد يقولها انه بيحبها وساعتها هتضيع من ايده وخلي ساعتها الكتمان ينفعه

ما انتي لو كملتي الكلمه كنتي فهمتي قصدي...
ماشي يا سوسرا..انا هروح منك فين..
ولست انا هذا الرجل كي ادافع عنه..
دا كان مجرد دفاع عن وجهه نظره
الراجل مش موجود معانا وعيب نغتابه