Faculty Of Engineering - Tanta University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


موقع كلية الهندسة - جامعة طنطا
 
الرئيسيةالبوابةأحدث الصورالتسجيلدخول

 

 على اسم مصر

اذهب الى الأسفل 
5 مشترك
كاتب الموضوعرسالة
القائد العام
م/تامر الكوراني -المعيد بقسم مدني
م/تامر الكوراني -المعيد بقسم مدني



عدد الرسائل : 52
تاريخ التسجيل : 03/11/2007

على اسم مصر Empty
مُساهمةموضوع: على اسم مصر   على اسم مصر I_icon_minitimeالسبت فبراير 21, 2009 11:47 pm



على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر


النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد


على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر
الرجوع الى أعلى الصفحة اذهب الى الأسفل
eng_sh
Important Eng
Important Eng
eng_sh


ذكر عدد الرسائل : 598
العمر : 33
تاريخ التسجيل : 21/08/2008

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالأحد فبراير 22, 2009 12:02 am

جميل اوي يا باشمهندس تامر
الرجوع الى أعلى الصفحة اذهب الى الأسفل
mana
مشرف قسم المناقشة+الترفية+اخبار الساعة
مشرف قسم المناقشة+الترفية+اخبار الساعة
mana


ذكر عدد الرسائل : 2114
العمر : 33
تاريخ التسجيل : 09/09/2008

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالإثنين مارس 09, 2009 9:00 pm

رائع بصراحه المفروض نشجع النوع دا من الاشعار
لانه على الاقل بيخليكتشعر بغلاوة وطنك داخلك
الرجوع الى أعلى الصفحة اذهب الى الأسفل
يسرا
مشرفة قسم الموضوعات العامة+القسم الديني
مشرفة قسم الموضوعات العامة+القسم الديني
يسرا


انثى عدد الرسائل : 4501
العمر : 34
تاريخ التسجيل : 26/06/2008

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالإثنين مارس 09, 2009 10:07 pm

اقتباس :
بحبها وهي مالكة الأرض شرق وغرب

وبحبها وهي مرمية جريحة حرب

قريت الشعر قبل كده وعجبني جدا
تسلم يا باشمهندس فعلا رائع


عدل سابقا من قبل يسرا في الإثنين مارس 09, 2009 10:31 pm عدل 1 مرات
الرجوع الى أعلى الصفحة اذهب الى الأسفل
القائد العام
م/تامر الكوراني -المعيد بقسم مدني
م/تامر الكوراني -المعيد بقسم مدني



عدد الرسائل : 52
تاريخ التسجيل : 03/11/2007

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالإثنين مارس 09, 2009 10:28 pm

يسرا كتب:


قريت الشعر قبل كده وعجبني جدا واظن انه لنزار
تسلم يا باشمهندس فعلا رائع[/size]


لا الشعر ده لصلاح جاهين
الرجوع الى أعلى الصفحة اذهب الى الأسفل
يسرا
مشرفة قسم الموضوعات العامة+القسم الديني
مشرفة قسم الموضوعات العامة+القسم الديني
يسرا


انثى عدد الرسائل : 4501
العمر : 34
تاريخ التسجيل : 26/06/2008

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالإثنين مارس 09, 2009 10:30 pm

يبقي ميرسي ليك يا باشمهندس مرتين مره للشعر الرائع بس معلش بقي انا جديده في مجال قراية الشعر ده وميرسي مره كمان علي التصحيح Very Happy
الرجوع الى أعلى الصفحة اذهب الى الأسفل
MoOoOdY
Important Eng
Important Eng
MoOoOdY


ذكر عدد الرسائل : 2645
العمر : 36
الموقع : http://www.funforworld.com
تاريخ التسجيل : 26/07/2007

على اسم مصر Empty
مُساهمةموضوع: رد: على اسم مصر   على اسم مصر I_icon_minitimeالجمعة مارس 13, 2009 2:11 am

بجد شعر جميل جدا يا بشمهندس وفعلا بيوضع مدى غلاوة مصر امنا وبيتنا عندنا Embarassed
الرجوع الى أعلى الصفحة اذهب الى الأسفل
http://www.funforworld.com
 
على اسم مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: قسم الأدب (قصص وشعر وروايات و...)-
انتقل الى: