مهندس: شريف شكرى علام
صديقى الوحيد كما كنت اناديه و كانت الشلة تزعل منى فكلهم اصدقائى و لكن شريف كان صديقى الانتيم0 كان بالفعل الصديق الذى قيل فيه المثل اختر الصديق قبل الطريق
تعرفت على شريف فى اول يوم بالكلية 0 كان اول طالب اقابله 0 نحيف للغاية شعره طويل يلبس بنطلون جينز اخضر ( لم اشاهد طوال حياته احد يلبس بنطلون جينز اخضر غيره) ولكنه مميز دائما0
كانت علاقتى به فى الفرقة الاعدادية علاقة زمالة عادية 0 و لكن فى الفرقة الاولى مدنى تطورت العلاقة بشكل كبير فصار صديقى القريب وكان هو من حببنى فى المذاكرة و كان يشحعى على الحضور و الاستذكار كان اشطر منى ميت مرة و علمنى شئ هام جدا و هو الايثار لم يكن يعرف اى معلومة او شئ فى اى مادة دراسية والا و يقوله لى حتى ان لم اسأله كان بعد الامتحانات يراجع معى و لو اخطأت فى اى جزئية كان ينهرنى بشدة و بقسوة انت فاهم الجزء ده ازاى ما تحلوش صح0 و كانت المفاجأة انى اجيب امتياز و هو جيد جدا و كان يفرح لى بشدة اكثر من فرحى و يشجعنى على الاستمرار0
فى الفرقة الرابعة جذبه تعلم برمجة الحاسب و لانه انتيمى كما نقول جذبنى الى هذا الطريق و قال لى احسن من مدنى بس للاسف انا ما كملتش معاه كان بيضيع وقته كله فى تعلم لغات البرمجة و عمل برامج كمبيوتر و الغريب انه كان اشطر واحد فينا فى الدفعة و برضه جاب الجيد جدا و جبت الامتياز0
اختار مشروع ترميم المنشآت و اخترت مشروع تحليل انشاءات و كان يساعدنى فى مشروعى و يحثنى على انجازه و اشرف بنفسه على طباعة اللوحات بل انه قام بعمل تصميم العرض التقديمى Presentation و الذى قمت بعرضه يوم مناقشة المشروع0
اتجه شريف فور تخرجنا للعمل كمبرمج للكمبيوتر و هو الان فى السعودية0
ابعث اليه من هنا كل الحب و الاعتزاز و بجد مدنى خسر عبقرى اسمه شريف شكرى
وبجد هو ده الصاحب اللى اى واحد يتمناه 0 بجد وحشنى يا شريف و نفسى اشوفك