سندريلا 2009

موضوع: سندريلا 2009 الأحد فبراير 01, 2009 4:36 pm

مرات الاب : بت يا سندريلا اصحى يا بت جاك خابط فى نفوخك
سندريـــلا : اييييه يا مرات ابويا خمسه وحقوم
مــرات الاب: قومى يا بت قامت قيامتـك
وصحيت سندريلا وهى بتأفأف (اوووووووف)
مـرات الاب : يـاله قومى اكنسـى وامسحى على ما نيجى
سنــدريلاا : وانتو رايحين فين ومتزوقين كده وكل واحده عامله نيو لوك مـرات الاب : رايحين حفله الامير اللى حيختار واحده عشان يتجوزهـا
سنـــدريلا : خدونى معاكو انا عاوزه اروح بليز
مـرات الاب : تروحى فين يا موكوسـه بلبسك المهرول ده انا عايزه ارجع الاقى البيت بيبرق ومشيت مرات الاب وبانتهاالتلاته وقعدت سندريلا تعيـط وفجــأه طلعتلها الســاحره من الميكروويف
الـساحره : مالك يا سندريلا
سنــدريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع
السـاحره : ولا يهمك وطلعت من جيبهاالموبايل n95وطلبت الاتليه بتاع مدام لولو يبعتو فستان وجزمه اخر موديـل فرحت سندريلا ولبست وحطط الايشادو و الجليتور ورشت البرفان بس
الساحره قالتلها : قدامك للساعه 12 لازم ترجعى انا صعيديه ودمى حامى ومعندش بنات تتأخر و لو اتأخرتى حترجعى زى ما كنتى بلبسك القديم وسط الناس
سندريلا: حاضر حاضر اما ساحره رجعيه صحيح خرجت سندريلا من البيت لقت الساحره مجهزة ركبت سندريلا العربيه الهامر وراحت علي القصـر ولفت جمــالها كل اللى موجودين و اول ما عين الامير وقعت عليها راح وطلب يرقص معاها ووافقــت نظرات ... همسات .... صمــت ترررررررررن ترررررررررررن
سندريلا : ده الساحره بتدينى ميسد .. يا خبرالساعه12 وقامت طالعه تجرى قوم ايه وهى بتجرى فرده الجزمه اتخلعت خدهاالامير المعجب و نده للوزير
الامير : يا وزير تـامر
الوزير : امرك مولاى
الامير : خد الجزمه دى اسحبلى صورتها اسكانر ونزل صورتها فى كل الجرايد و ع الويب سايت بتاع قريتنـا واكتب الى صاحبه هذه الجزمه التوجهه للقصـر الملكــى بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه ) الى ان شاهدت سندريلا الاعلان عن فرده الجزمه على ميلودى وقامت بالتوجهه الى القصر وتزوجت هى والامير وعاشو فى تبات ونبات و خلفو تؤام ملتصق وشويه بنات

منقووووووووووووووول

موضوع: رد: سندريلا 2009 الأحد فبراير 01, 2009 8:22 pm

جامده جدااااااااااااااااااااااااااا

موضوع: رد: سندريلا 2009 الأحد فبراير 01, 2009 8:35 pm

شكرا عالموضوع

موضوع: رد: سندريلا 2009 الأحد فبراير 01, 2009 9:03 pm

ميرسى يا سحس و سمسمه على مروركم الجميل

نورتوا التوبيك

موضوع: رد: سندريلا 2009 الأحد فبراير 01, 2009 10:55 pm

شكرا يا بوسي على التوبيك الجميل
بس للاسف التوبيك مكرر
ودة اللينك
https://tantaeng.yoo7.com/montada-f40/topic-t2464.htm?highlight=%d3%e4%cf%d1%ed%e1%c7

» Handbook 2009
» Alone In The Dark II 2009 R5 XviD