| الدكتور ابراهيم رشوان .............و دفعة اولى مدنى | |
|
+6محبة الله Eng_Mo7ameD lostlover eng_mody يسرا mana 10 مشترك |
كاتب الموضوع | رسالة |
---|
mana مشرف قسم المناقشة+الترفية+اخبار الساعة
عدد الرسائل : 2114 العمر : 33 تاريخ التسجيل : 09/09/2008
| موضوع: الدكتور ابراهيم رشوان .............و دفعة اولى مدنى الأحد ديسمبر 07, 2008 5:24 pm | |
| طبعا طلاب اولى مدنى اللى فى المنتدى تعرف الموضوع دا كويس و محتاره تعمل ايه فيه
الحقيقه انا فكرت اضع الموضوع دا فى المنتدى علشان نتشاور فيه بما انه يخص مستقبل كتير م الاعضاء و كمان ناخذ الخبره من الناس اللى فى تانيه و تالته و رابعه
باختصار
يوم السبت اللى قبل اللى فات دخل الدكتور ابراهيم رشوان كالعاده فى معاده 12.5 علشان يدينا (اولى مدنى) محاضرة المهندس و البيئه وكان واضح انه مش فى الموض و بدا الكلام ان السبت اللى جاى اللى هو قبل الوقفه حضور ودا من حقه بس لما الطلاب اعترضت على اساس ان باقى الدكاترهادهولنا اجازه قال(طيب يوم السبت حضور و هاخد غياب فى المحاضره و هعمل امتحان كمان و عد الامتحان هشرح برده)
بس مش دى المشكله ...............المشكله انه لما بدا يشرح موضوع المياه سمع صوت موبيل الى وقف الشرح و بس ورا و قال ال******اللى مشغل الموبيل يقوم يقف الحقيقه محدش قام فقال طب ال********* اللى اهله معرفوش يربوه يقوم يقف طبعا محدش قام وقف فقال طيب مدام هو جبان اللى حوليه يقولو عليه ويخفوش منه انا هحميه بس للاسف محدش قام بردو قال طيب انا مش شارح الا لما الطلب دا يقوم يقف بردو محدش قام اتنرفز الدكتور و قال الطالب دا انا لما اعرفه هسقطه و لازم هيقوم و قول لانها محصلطش انه ميقومش لازم هيقول عن نفسه او اللى حوليه هيقومو يقولو عنه بس للاسف محدش برده قام قال طيب انا هعمل اجراء تانى فرجع عند المنطقه اللى كان فيها الصوت وقال من البنج دا للبنج دا يطلعوا كرنهاتهم واحد قاله الصوت يا دكتور كان جاى من ورا قاله منا لو رجعت ورا هيقلو الصوت كان جاى من قدام بس مخدش كرنهات و رجع تانى وقف ادام المهم هو قال لو محدش قال عليه انا هطلع اشطب على امتحانتكم و اعطيكم صفر فى الميترم وعدى الوقت المهم الولد مطلعش و مش الدكتور و الناس روحت
السبت اللى بعده جه الدكتور و الناس جت غصب عنها علشان الامتحان و كمان يشوفو الدكتور هيعمل ايه دخل الدكتور ووقف وقال الموضوع لسه مخلص و لو الطالب دا مطلعش انا مش هشرح حاجه بردو وزى المره اللى فاتت دخل فى سنريوهات مع الطلبه ثم دخل فى لغة تهديد بصعوبة الامتحان يعى قال (انا هجبلكم امتحان مدته ساعتبن يتحل فى اربع ساعات دا لو كان له حل ) بس كان فى طالب اسمه راح للدكتور على انه اللى عمل الحركه دى بس الولد راح للدكتور و حلف انه مش هو اللى عملها و بردو الدكتور قال طيب مدام هو جبان و اكيد خايف انا هديه فرصه كمان لمدة عشر دقئق لو قام وقف بشرفى مهعمله حاجه و بردو محدش قام او طلع المهم ان الدكتور قال خلاص نص الدفعه هيشيل الماده دى و الماده مادة رسوب و النتيجه هتكون 50% زى ما الكليه عيزه فقام واحد و قاله (يا دكتور و دا يرضى ربنا ) الدكتور سكت و قال يعنى اللى عمله دا و اللى انتم عملتوه يرضى ربنا خلاص انا عندى حل تانى انا هعتذر عن دراسة الاده دى لاولى مدنى خالص و كمان هعتذر عن هندسة طنطا خالص و مش هوجع دماغى و طلع الدكتور و الناس بردو مشيت من غير ما تتحل المشكله
ياريت الناس تدخل و تشرك برايها و تقول لو عدها حل يحل القضيه دى | |
|
| |
يسرا مشرفة قسم الموضوعات العامة+القسم الديني
عدد الرسائل : 4501 العمر : 34 تاريخ التسجيل : 26/06/2008
| موضوع: رد: الدكتور ابراهيم رشوان .............و دفعة اولى مدنى الأحد ديسمبر 07, 2008 6:24 pm | |
| بصراحه انا شايفه ان اللي حصل امبارح ده سوري في الكلمه ( قمة قلة الادب ) من الطلاب طبعاااااا لما يبقي دكتور كبير زي الدكتور ابراهيم خريج 79 يعني قبل ما احنا نتولد اصلا حتي لو زعقلنا او اتنرفز مننا المفروض نحترم نفسنا ونعمل فل الحساب فرق السن والمكانه مش اول ما يقولنا خلاص انا مش هديكوا تاني الاقي كل الدفعه هييييييييييييييييييييييييييييييييي وبتصقف ازاي يعني ده يحصل بصراحه عييب | |
|
| |
eng_mody إدارة المنتدى
عدد الرسائل : 3631 العمر : 33 تاريخ التسجيل : 24/07/2008
| |
| |
يسرا مشرفة قسم الموضوعات العامة+القسم الديني
عدد الرسائل : 4501 العمر : 34 تاريخ التسجيل : 26/06/2008
| موضوع: رد: الدكتور ابراهيم رشوان .............و دفعة اولى مدنى الأحد ديسمبر 07, 2008 7:09 pm | |
| - اقتباس :
- و انا "لاول مره" متفق مع يسرا اتفاق تااااااااااام في كل اللي قالته .
هههههههههه علي كده المفروض التوبيك ده يتثبت لانه سبق لينا بصراحه ان كنت حاسه ان الراجل ده طيب اووي ومحترم علي انه يظلم الدفعه بذنب طالب المفروض والطبيعي ان مجموعه من الطلاب يروحوا كده يتأسفوا علي اللي حصل في حق الدكتور ده | |
|
| |
eng_mody إدارة المنتدى
عدد الرسائل : 3631 العمر : 33 تاريخ التسجيل : 24/07/2008
| |
| |
lostlover Important Eng
عدد الرسائل : 3310 العمر : 33 الموقع : www.adwforums.com تاريخ التسجيل : 15/05/2008
| موضوع: رد: الدكتور ابراهيم رشوان .............و دفعة اولى مدنى الإثنين ديسمبر 08, 2008 11:13 am | |
| بما اني معاكم في اولى مدني انا والله الدكتور صعب عليا بجد في الموقف ده
الدكتور ممكن يعمل اي حاجه براحته و فعلا والله الطالب ده معندوش دم
بس صراحه انا كان عندي الدكتور يجيب الامتحان زي ما قال احسن والله عشان كل واحد يعرف غلطه و ساعتها اللي جنبه هيندموا انهم ما قالوش عليه بس ده بعد ما يشيلوها و هو كمان يشيلها و ربنا يعلم يمكن نكون من اللي هيشيلوها احنا كمان والله .
ميرسي يا مانا الموضوع ده فعلا يستاهل المناقشه | |
|
| |
Eng_Mo7ameD Important Eng
عدد الرسائل : 170 العمر : 37 تاريخ التسجيل : 11/03/2008
| موضوع: رد: الدكتور ابراهيم رشوان .............و دفعة اولى مدنى الثلاثاء ديسمبر 09, 2008 8:17 pm | |
| اولا كل سنه و الجميع بخير ثانيا و بما انى فى تالته مدنى احب اقولك انكم مش هتلاقوا دكتور زى الدكتور ابراهيم رشوان فى طيبة قلبه و خوفه على الطلبه انا زعلت جدا لما عرفت ان الدكتور ابراهيم مش هيدرسلى السنادى لانى اتشرفت ان الدكتور ابراهيم درسلى فى اولى مهندس و بيئه و رسم مدنى و فى تانيه هيدرولوجيا و ميكانيكا الموائع و رى و صرف و اقسم بالله انى فعلا عرفت قيمة الدكتور ابراهيم الادبيه و العلمية السنادى بزياده لما مدرسليش لو تعرفوا مدى الزعل اللى طلبه كتير من طلبة تالته مدنى فيه .... و برضه الدكتور ابراهيم تفضل مشكورا و خصصلنا وقت بيشرحلنا فيه هيدروليكا فى معمل الميه دا طبعا بعيد عن اللى هو مطالب بيه .... ايه اللى يخلى الدكتور ابراهيم يعمل كده الا اذا كان خايف على مصلحة الطلبه .... و احب اطمنكم ان الدكتور ابراهيم عمره ما هيأذيكم او يجبلكم امتحان صعب هو بس قال كده فى لحظة غضب .... لان الموقف دا حصل مع دفعتنا احنا كمان و الدكتور ابراهيم تقريبا عمل نفس اللى عمله معاكم و قال نفس اللى قاله ... بس فى الاخر و بكل طيبة قلب معملش حاجه خالص و جابلنا امتحان زى الفل .. انتم بس حاولوا حد منكم يروح للدكتور ابراهيم و يعتذرله بالنيابه عن الدفعه و شوفوا هو هيقدركم ازاى .... و كل سنه و انتم طيبين | |
|
| |
محبة الله Important Eng
عدد الرسائل : 191 العمر : 34 تاريخ التسجيل : 03/08/2008
| موضوع: رد: الدكتور ابراهيم رشوان .............و دفعة اولى مدنى الثلاثاء ديسمبر 09, 2008 10:35 pm | |
| السلام عليكم ورحمة الله فعلا الدكتور ابراهيم رشوان انسان محترم جدا وعمرنا ما هنلاقى زيه متخافوش منه هو عمره ما هيأذى حد بس حاولوا تروحوا له وتتأسفوا له | |
|
| |
cat_girl Important Eng
عدد الرسائل : 2281 العمر : 34 تاريخ التسجيل : 26/09/2007
| موضوع: رد: الدكتور ابراهيم رشوان .............و دفعة اولى مدنى الثلاثاء ديسمبر 09, 2008 11:01 pm | |
| بصراحة يا جماعة هو انتم معاكم حق فى كل الكلام اللى قلتوه..
بس هو مكنش طالب واحد للاسف دول كانو تلت طلاب فاتحين موبايلاتهم بس كان فى واحد معلى الصوت عنهم... ومتهيالى اللى عمل كده اكيد خلاص عرف غلطه وهو لو راجل بجد يروح يقول انه هو اللى عمل كده .. بس هو عارف كويس انه لو قال الدكتور مش هيعديهاله .. لكن لو سكت الموضوع هيعدى... وبصراحة مش هو بس اللى غلطان .. ده كفاية رد فعل الطلبة لما الدكتور ساب المحاضرة يعنى بامانة مفيش اى نوع من انواع الاحترام.. بس الظاهر ان اللى يكون كويس معاهم مش بيحترموه لكن اللى مش كويس بيبقوزى الجزم معاه..
ويارب يا انج مودى يكون كلامك صح ويكون الدكتور عرف مين هو ... وان شاء الله زى ما الجماعة قالو .. الدكتور هينسى وهيجيبلنا امتحان زى الفل...
| |
|
| |
mana مشرف قسم المناقشة+الترفية+اخبار الساعة
عدد الرسائل : 2114 العمر : 33 تاريخ التسجيل : 09/09/2008
| موضوع: رد: الدكتور ابراهيم رشوان .............و دفعة اولى مدنى الأربعاء ديسمبر 10, 2008 12:09 am | |
| اممممممممممممممممممممممممممم واضح ان الكل اجمع ان الطلاب او مجموعه تمثل الطلاب او تمثل الدفعه كلها لازم تروح تعتذر للدكتور . الحقيقه دا حل كويس بس اعتقد بعد المستوى اللى وصلت له المشكله صعب شويه لان الناس هتخاف ........مازال الموضوع مفتوح للمناقشه وفى انتظار حلول واراء اخرى | |
|
| |
eng_sh Important Eng
عدد الرسائل : 598 العمر : 33 تاريخ التسجيل : 21/08/2008
| موضوع: رد: الدكتور ابراهيم رشوان .............و دفعة اولى مدنى الأربعاء ديسمبر 10, 2008 11:46 pm | |
| اكيد مشكله كبيره او اتعملت مشكله كبيره واخدت اكبر من حجمها وانا طبعا استفذني جدااا الاسلوب اللي اتقالت بيه جمله ( وده يرضي ربنا) والمفروض كان الاسلوب يبقي احسن من كده شويه لانها كلمه صعبه وتقيله انها تقال لدكتور وانا شايف الحل اننا ندخل دكتور قريب من الدكتور ابراهيم يتوسط للدفعه عنده ويحاول يحل المشكله | |
|
| |
eng_sh Important Eng
عدد الرسائل : 598 العمر : 33 تاريخ التسجيل : 21/08/2008
| موضوع: رد: الدكتور ابراهيم رشوان .............و دفعة اولى مدنى الأربعاء ديسمبر 10, 2008 11:50 pm | |
| ونسيت افكر دفعه اولي مدني باللي عملوه مع الدكتور طارق الاحمدي بتاع الحاسب في اعدادي والله الراجل كان محترم وكان زي الفل ومريحنا | |
|
| |
cat_girl Important Eng
عدد الرسائل : 2281 العمر : 34 تاريخ التسجيل : 26/09/2007
| موضوع: رد: الدكتور ابراهيم رشوان .............و دفعة اولى مدنى الأربعاء ديسمبر 10, 2008 11:57 pm | |
| عندك حق يا شوكت.. كل مرة مجموعة تافهين يضيعو الدفعة معاهم...
| |
|
| |
mana مشرف قسم المناقشة+الترفية+اخبار الساعة
عدد الرسائل : 2114 العمر : 33 تاريخ التسجيل : 09/09/2008
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 1:53 pm | |
| اولا لازم نفرق بين اللى حصل مع الدكتور ابراهيم و الدكتور طارق ومندخلش الخطوط فى بعضها لان اللى حصل مع الدكتور طارق كان من 3 او 4 طلاب كانو اول مره يحضرو و هو طردهم من المحاضره ولما خرجو عملو اللى عملوه و الطلاب شفوهم و بلغو الدكتو فى سعتها
فدى حكايه حصلت و انتهت نرجع للحل بتاع البشمهندس شوكت وهو حل كويس جدا بس مش ماشى مع الدكتور ابراهيم لانه عايز يحل المشكله مع الطلبه و كمان ميحسس الطلبه انه ضعيف ومش هيعمل حاجه هو مش مقتنع بيها يعنى من الاخر احنا اللى لازم نحل المشكله دى معاه مش حد تانى.... | |
|
| |
gemy Silver Eng
عدد الرسائل : 68 تاريخ التسجيل : 30/07/2007
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 2:51 pm | |
| اولا احب اقول لكم كل سنة وانتم طيبين واحب اعتذر عن بعدى عن المنتدى فى الفترة الاخيرة....... المهم انا فى تالتة مدنى ومن اشد الناس المعجبين جدا بالدكتور ابراهيم رشوان والطلبه اللى فى اولى مدنى دلوقتى موش هتعرف قيمة الدكتور ده الا لما ميدرسلهمش فى السنين الجاية زى ما حصل معنا السنة دة وانا احب اقول موقف حصل معايا انا شخصيا مع الدكتور ابراهيم رشوان ودة حصل السنى اللى فاتت فى مادة الهيدرولوجيا لما الدكتور ابراهيم عمل امتحان ميدتيرم فجاة فى المحاضرة وانا كنت غايب فى اليوم دة فاصحابى عملولى ورقة وكتبوا عليها اسمى وسلموها للدكتور المهم ان الدكتور نده الاسامى فاسمة جه وملقنيش موجود وبردة وقف المحاضرة وقال مين اللى عمل كدة وهدد بردة انه هيسقطنى انا واللى عملى الورقة المهم ان اصحابى اتصلوا بيا وجيت الكليه ودخلت للدكتور فسالنى مين اللى عملك الورقة فجبت صاحبى دى وخليت يعتذر للدكتور والحمد لله الكتور سامحة ومعملناش حاجة واظن دى يعنى حركة اصعب من حركة الموبايل فانا بقول للى عمل الحركة دى انه يروح للدكتور ويعتذرله وهو فعلا هيسامحه.......وانا اسف على طول الرساله. | |
|
| |
eng_mody إدارة المنتدى
عدد الرسائل : 3631 العمر : 33 تاريخ التسجيل : 24/07/2008
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 2:57 pm | |
| اتمني يا جيمي يطلع كلامك صح .....ودكتور ابراهيم يسامحنا... مع ان حركه الموبايل كانت اوفر اوي اكتر من حركه الامتحانات دي لان الطلبه ما شاء الله مكنتش محترمه الدكتور خالص.... ويا ريت متغيبش عن المنتدي كتير تاني.... | |
|
| |
gemy Silver Eng
عدد الرسائل : 68 تاريخ التسجيل : 30/07/2007
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 5:32 pm | |
| توكلو على الله بس واعرفوا مين اللى عمل كدة وخدوه وروحوا للدكتور وهو ان شاء الله هيسامحكم........ وان شاء اللع يا عم مودى موش هغيب تانى ان شاء عن المنتدى. | |
|
| |
eng_sh Important Eng
عدد الرسائل : 598 العمر : 33 تاريخ التسجيل : 21/08/2008
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 6:58 pm | |
| اولا انا موافق علي حل الباشمهندس gemy وبالنسبه لحكايه الدكتور طارق الدفعه كلها اشتالتها وده الدكتور طارق قاله لما تم تبليغه باسماء الطلبه دول وقال بالحرف انتم كلكم شايلنها ودا وضح سواء في معالمه الدكتور اثناء المحاضره او في الامتحان والنتيجه لان العميد رجع نتيجه الحاسب 3 مرات وفي ناس كتير بتقول ان رئيس القسم الدكتور محمود فهمي هو اللي ادخل وعدل النتيجه | |
|
| |
mana مشرف قسم المناقشة+الترفية+اخبار الساعة
عدد الرسائل : 2114 العمر : 33 تاريخ التسجيل : 09/09/2008
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 9:14 pm | |
| يا باشمهندس انس الدكتور طارق دلوقتى وخلينا فى مدنى فى مشكلتنا الاساسيه مشكلتنا مع الدكتور ابراهيم الراجل اللى احنا اسانا له
| |
|
| |
Eng_Mo7ameD Important Eng
عدد الرسائل : 170 العمر : 37 تاريخ التسجيل : 11/03/2008
| موضوع: رد: الدكتور ابراهيم رشوان .............و دفعة اولى مدنى الخميس ديسمبر 11, 2008 11:10 pm | |
| يا جماعه صدقونى الدكتور ابراهيم عمره ما هيتسبب فى اذية حد ... و بمجرد ما تروحوا و تعتذروله هيبقى كان شيئا لم يكن ... و موقف محمد اللى قال عليه انا حضرته بنفسى و الدكتور ابراهيم زعل جدا من الموقف لدرجة انه جاب ورقه محمد و قعد يقارن الخط اللى فيها بكل ورق الطلبه اللى امتحنوا يومها .... و بعد كده و بكل طيبه قلب الدكتور ابراهيم سامح و عفى لان هدفه فى المقام الاول و الاخير مصلحة الطلبه | |
|
| |
lostlover Important Eng
عدد الرسائل : 3310 العمر : 33 الموقع : www.adwforums.com تاريخ التسجيل : 15/05/2008
| موضوع: رد: الدكتور ابراهيم رشوان .............و دفعة اولى مدنى السبت ديسمبر 13, 2008 9:06 pm | |
| يا جماعه فعلا كل اللي بتقولوه صح والله الراجل ده احترامي ليه بيزيد يوم بعد يوم . اللي يخليه ينسى حلفانه اللي حلفه و ينسى انه ضيع محاضرتين كدا و ينسى اللي عملناه معاه ده كله و يرجع يشرح زي الاول ولا كان حاجه حصلت .. اظن ان ده راجل يستحق مننا كل التقدير والله لان حد غيره بجد مكنش يعمل كده . و حد زينا كان يستاهل كل ده . كمان يا جماعه عايز اقول حاجه اني سالت عن الدكتور ده ناس كتيير و معظم الناس المتخرجين هما اللي قالوا عنه احلى كلام والله و كلهم قالوا انه احسن دكتور درسلهم في الكليه دي . غير ان الناس اللي اكبر مننا بسنه واحده قالوا كلام غير كده مش لازم نقوله . المهم ان المشكله دي عدت على خير الحمدلله و يا رب بس ما تتكررش تاني لان بجد ناس مالهاش اي ذنب كانت ممكن تنضر اووووووي لو كان حد غير الدكتور ابراهيم . سوري يا جماعه عالاطاله . | |
|
| |
l'agréable ingénieure Professional Eng
عدد الرسائل : 20 العمر : 36 تاريخ التسجيل : 02/05/2008
| موضوع: رد: الدكتور ابراهيم رشوان .............و دفعة اولى مدنى الأحد يناير 11, 2009 1:11 am | |
| بـــــــــــــــــــــــــــجد اخــــــــــس عليكو ... دكتور ابراهيم رشوان رجل بجد محترم و ذوق جدا و من اكتر الناس اللى بيخافو على مصلحة الطالب و انا من الناس اللى شوفت دة بعينى ... ياريت حد من الدفعة كان يروح يعتذر للدكتور بنيابة عن الطالب التافه دة و ما اكتر الطلبة التافهين فى الدفعات سبحان الله مع انهم فى هندسة اصلا ......... حاولو تصلحو موقفكم مع الدكتور الترم التانى ....:s دة غير ان دكتور احمد فاروق هيديكو فى الترم التانى ياريت تستوروا مجالكم معاه عشان السنة اللى فاتت كان متدايق من الدفعة و فعلا صقت ناس كتير .... او بمعنى اصح كانو على الرأفة :s | |
|
| |
| الدكتور ابراهيم رشوان .............و دفعة اولى مدنى | |
|