عندك إقتراح للنهوض بالمنتدى . أدخل هنا .. ..

ايوة ممكن توسع المدى بتاع المنتدى وتضيف اشياء اكتر كفرع المعلومات الخاصة بجميع كليات الهندسة وعرض المشاريع الهندسية المفيدة واضافة طرق لتوسيع مدى معلومات المهندس وشكرااااااااااا

ايه الحلاوة دى يا بنى

ازودلك اقتراح

يا ريت حد يحببه فى الميكانيكا لانه عاوز ينتحر ويدخل ميكانيكا بس نفسه حد يشجعه
فيا ريت حد يشجعه ولو هيضحك عليه حتى بس ريحوووووووووووووووووه

ممكن نعمل منتدى خاص بالمواهب الرياضية (رياضيات وفبزياء ) لطبة الكلية ونعمل علبه جوايز
زى مثلا
الادمين يعلى للفايز مستوى المساهمات ويزودله نجومه؟

أهم حاجه ما تجبش لون غبي وأنا بقترح اللون اللبني

انا عندي اقتراح هو مش بالنسبة للمندى نفسه بس ممكن تعملوه كعمل خيري باسم المنتدى هو بما ان أغلبية أعضاء المنتدى من نفس الكلية ممكن تجمعوا تبرعات يعني ممكن تحطوا صندوق ف الكلية وتكتبوا عليه اسم المنتدى وكل أعضاء المنتدى يتبرعوا ولو بجنيه ف اليوم هييجي عائد كبير جدا من كدة وممكن تعملوا بالمبلغ أي حاجة يعني مثلا تساعدوا الطلبة الي محتاجين او تتبرعوا للفقرا أو حتى مثلا تعملوا حاجة للكلية نفسها وعلى فكرة الموضوع ده احنا عملناه ف المدرسة وكنا بنجمع بالآلاف ف الشهر احنا لما كنا ف المدرسة بدانا بفصل وبعدين كل المدرسة شاركت معانا وعملنا حاجات كتير جدا بالفلوس وجددنا مكتبة المدرسة بجد الموضوع حلو يعني بدل ما يكون المنتدى مجرد مواضيع وقرايه بس ممكن تعملو عمل خيري تاخدوا منه ثواب ده انا حسيت اني عملت انجاز لما كنا بنجمع مبالغ كبيرة وبنتبرع بيها

يا ريت المشرفين على المنتدى بجد يعملو الفكرة دي لما تبدا الكلية
سوري طولت عليكو

شكرا مرمورا على اقتراحك الجميل دة

فعلا احنا نفسنا نعمل حاجات خير كتير
بس احنا لسة بنقول يا هادى
وفعلا بدأنا فى حاجة نعملها نساعد بيها العمال الى فى الكلية
فياريت تخشى على اللينك دة هناااااااااا
وانتى هتعرفى التفاصيل

انا فعلا قريت الموضوع بس انا ف رأيي ان لو كان الموضوع تجميع فوس هيبقى احسن يعني لو كل طالب دفع جنيه ف اليوم هيبقى أحسن كمان هيتجمع مبلغ كبير أما موضوع اللبس هو فعلا موضوع كويس بس ممكن اللبس الي هيبقى الطلبة متبرعين بيه ما يناسبش العمال مثلا مقاسه او حتى الشكل بس
بس عموما الموضوع جميل وخيري

شكرا مرمورا على رأيك
بس احنا مش هنعمل موضوع اللبس بس

خليكى بس على اتصال بينا
واحنا هنقلكم هنعمل اية بالظبط

انا عندى سؤال قبل اى حاجه هو المنتدى دا معمول لكليه هندسه بس والا ممكن ندخل اقسام جديده فيه مش خاصه بالكليات بس
حاجات للشباب واهتماماتهم وكدا
انا عاوز اضيف حبه حاجات كدا وقولوا لى رايكم فيها
اولا المنتدى الاسلامى ممكن نقسمه اللى اجزاء زى:
شخصيات اسلاميه
مواضيع اسلاميه
قصص اسلاميه
فقه وسنه نبويه
مكتبه الصوتيات الاسلاميه
قسم الفقه والفتوى
ثانيا: احنا ممكن نقسم قسم الادب والقصص والرويات اللى اقسام زى:
قسم الخواطر والكلمات
قسم القصص والروايات
قسم الشعر والادب
ثالثا: ممكن قسم المناقشات ينقسم اللى :
قسم الفكر والاراء
قسم الفضفضه
قسم الشباب الروش
رابعا:ممكن نقسم قسم الصور ل:
قسم الصور العامه
قسم صور الاطفال
قسم صور المشاهير (ممثلين ولاعبين وسياسيين وهكذا)
قسم صور غريبه وصور رعب
قسم ابداعات الاعضاء
خامسا :احنا ممكن نضيف اقسام جديده مش موجوده زى مقولت الاول
زى اخبار السيارات وصور السيارات واكيد فيه ناس كتيره بتهتم باخبار السيارات وصورها وهتجيب مساهمات ومواضيع وهتجذب اعضاء

وفيه ملحزظه يا جماعه انا ملاحظها ف المنتدى انه مش اجتماعى يعنى الشات محدش بيدخله الالعاب برده كدا ف الردود مفيش حد يعرف حد الا قليل اوووووووى

يا ريت اكون ضيفت اى حاجه تفيد