قوانين جديدة للصياعه

القانون الاول: اوعى تسرق الاضواء من الريس بتاعك
دايما خلى الى اعلى منك مطمنين من انهم احسن منك. بمعنى انه موش علشان تبسطهم وترضيهم تزودها فى استعراض مهارتك علشان كده انتا هتوصل معاهم للعكس, هتخليهم يقلقو منك ويحسو بالنقص. كل ما تحسسهم اد ايه هما جامدين كل ما انتا هتعلى فى نظرهم.
"المركب الى ليها ريسين بتغرق"

القانون التانى: متحطش ثقة اكتر من حدها فى اصحابك واتعلم ازاى تستفاد من اعداءك
خلى بالك من اصحابك, مكن يكونو اول ناس يخنوك علشان هما ممكن يغيرو منك بسهولة. هما ممكن سعات مدلعين ومستبدين فى قرارتهم معاك, لكن لو رجعت تتعامل مع واحد افشت عليه زمان هيبقى مخلص ليك اكتر من صاحبك, علشان فى حجات كتير هو لازم يثبت ليك انها اتغيرت فيه, الخلاصة حرص من اصاحبك اكتر من اعداءك, لو انتا موش ليك اعداء دلوقتى, اخلق شوية هينفغوك قدام
"لا محبة الا بعد عداوة"

القانون التالت: خبى دوافعك
خلى الناس فى حيرة وبعيد عن النور, بمعنى انك عمرك ما تقول ايه هو الهدف من تصرفاتك. طول ما هما موش عارفين انتا ناوى على ايه, موش هيعرفو يحضر دفاع او رد فعل. توهم وخليه يفكرو فى الاتجاه الغلط. لما يجى الوقت الى يفقسوك يكون الوقت ده متاخر اوى
"دارى على شمعتك تأيد"

القانون الرابع: دايما اتكلم اقل من الازم
لما تحاول تبهر الناس بكلامك, كل ما ترغى وتلك وتعجن اكتر كل ما تبان انك شاب عادى فى نظرهم, وبيقل تحكمك فى الموقف. حتى لو كان الحوار الى بتحكى فيه غريب. هيبان الذ بكتير طول منتا مخلى الموضوع غامض ونهايته مفتوحه ويحير حبتين. الشخصيات القوية بتبهر الناس بكلام قليل بس تقيل. كل ما ترغى اكتر كل ما بيزيد الاحتمال انك تعك
"خير الكلام ما قل ودل"

القانون الخامس: حجات كتير معتدمة على سمعتك وبرستيجك, احميهم باى طريقة
البرستيج هو اساس قوة الشخصية, عن طريقة السمعة بس ممكن تكسب فى مواقف كتير, لكن لو سمعتك بقت فى الارض, موقفك هيبقى ضعيف وهتلاقى الف كلب بيحاول يعض فيك. احمى سمعتك بجدار من فولاذ. خليك صاحى لاى محاولة ولو صغيرة لتضيع البرستيج بتاعك وافكسها قبل ما تكبر. فى نفس الوقت اتعلم ازاى تشيل اعداءك من الصورة عن طريق فتح اخرام صغيرة فى سمعتهم, بعد كده اقف بعيد وخلى الناس هيا الى تسلخ فيهم
"الصيت ولا الغنى"

القانون السادس: خليك ملفت للانتباه تحت اى ظرف
معظم الناس بتحكم بالمظهر, الى حاجة الى موش بتبقى واضحة بتطير من الحسبان. اوعى تخلى نفسك تتوه فى زحمة الناس. ميز نفسك وخليها ملفتة للانتباه, خلى عيون الناس عليك, امشى فارد صدرك, لبسك جرىء حبتين, عامض شوية موش زى بقية الناس
"خالف تعرف"

شكرا يا سمر على التوبيك

شكرا يا جميل على ردك

ميررررررررررررررررررسى يا عسل ع التوووووووووبيك

A.K
Cool

موضوع في الجوووووووووووووووووووووووووووووون
شكرااااااااااااااااااااااااااااااااااااااااا

شكرا اوى على الردود

انا ليه تعقيم بسيط ع الكلام ده
انتى كاتبه امثله كتيرة غلط
-القانون الاول: "المركب اللى ليها ريسين يقعدو يلعبو طاولة"
-القانون التانى: "لا محبه الا بعد حلاوة"
-القانون التالت: "دارى على شمعتك تزيد"
-القانون الرابع: "خير الكلام عاجله"
-القانون الخامس: "الصيت ولا الصورة؟"
-القانون السادس: "خالف تسحب رخصك"

غير كده كله تمام