لماذا لا يحب الرجل أن يذكر أسم المراه؟

بسم الله الرحمن الرحيم ...

كثير من المجتمعات المحافظة على العادات والتقاليد الموروثة ..يرون أن ذكر
اسم المرأة عار وفضيحة عليهم ..ولا يذكرون إسمها ويكتفون بقول..
( العائلة_الكريمة_أم العيال_الأهل).

فبذلك يحرمونها من أبسط حقوقها ..ألا وهو ذكر إسمها والإفتخار به ..فالإسلام
كرم المرأة وحفظ حقوقها ..وصانها من كل مكروه وظلم ممحوق

فالقرآن الكريم ذكر إسم إمرأة ..ولم يكتف بالتنويه بها فقد قال الله تعالى
..<يامريم إن الله يبشرك بكلمة منه>..

وكان رسول الله صلى الله عليه وآله وسلم
..يذكر ابنته باسمها ويقول فاطمة الزهراء ..ولم يقل كريمتي..

من أطرف قصص التعداد السكاني ..دخل منزل رجل وهو يقوم بواجبة الوظيفي
ثم سأله ما إسم أمك؟..فغضب الرجل وقال ماذا تريد منها؟؟ ..ثم طرده من منزله..

وأسئـــــلتــــــــــــــ ـي للشــــــــبـاب:

هل أنت من النوع الذي يذكر إسم المرأة أمام الأخرين؟؟
وهل تؤيد ذلك؟؟
إذا أجبت بنعم لماذا؟؟
وإذا لا أيضا لماذا؟؟
ما السبب في عدم ذكر إسم المرأة أمام الرجال؟؟
هل تشعر بالحرج من إسم أمك أو أختك
ربما لقدم ذلك الإسم أو نحو ذلك؟؟

للفتيـــــــــــــــات:

هل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟ ولماذا؟؟
هل تشعري بإحراج إذا ناد شخص إمراءة بإسمها؟؟
ولماذا

أتمنى الإجابات تكون صريحة

شكرا ع التوبيك ---انا طبعا لازم اي حد يناديني باسمي لو اتنسبت لاي اسم تاني يبقي اهلي اختارولي اسم من الاول ليه

شكرن علي رايك يا دندن

هل تفضلي بأن يناديك زوجك أو والدك أو أخوك أوووو
بإسمك أو بأم فلان أو يابنت؟؟ ولماذا؟؟اه طبعا افضل باسمي والحمدلله ده اللي بيحصل
هل تشعري بإحراج إذا ناد شخص إمراءة بإسمها؟؟لا خالص بس اللي بيحصل ان اغلب الرجاله مش بيحبوا يقولوا اسامي زوجاتهم ادام حد غريب
بس مش عرفه ليه الصراحه

شكرا يا كابو على التوبيك

هل أنت من النوع الذي يذكر إسم المرأة أمام الأخرين؟؟لا طبعا
وهل تؤيد ذلك؟؟لا طبعا برده
إذا أجبت بنعم لماذا؟؟
وإذا لا أيضا لماذا؟؟علشان علشان تحترم مراتك او اختك ما تخليش اي واحد يعرف اسمها وتبقا عادي خالص ان يقول اسمها وانت واقف مع صحابك في بقا سؤال نفسي اسالهولك انت ترضاها على نفسك ان اسم مراتك فيما بعد بلا نقولو اختك ولا مامتك يتقال وكل الناس تقولو قدامك وترضا ان حد غريب ينطق اسم مراتك ولا تفضل ان مراتك يبقا اسمها ما يتقالش على اسم غريب
طبعا انت هتقول عليا معقد بس انا من رايي الرجوله هيا انك تحفظ اسم مراتك وبعدين يا صحبي ده وجهات نظر بس انا عن نفسي وبدون زعل بحتقر الانسان الي يقول اسم مراته قدام الناس بحس انه مش راجل وما بيحترمهاش ولا بيغير عليها ده رااي وفي الاخر وجهات نظر
ما السبب في عدم ذكر إسم المرأة أمام الرجال؟؟
هل تشعر بالحرج من إسم أمك أو أختك
ربما لقدم ذلك الإسم أو نحو ذلك؟؟
مش بالحرج بالعكس ده انا كلي فخر لامي واختي ومراتي ان شاء الله بس موضوع انا غيور زياده عن اللزوم ومعقد زي ما هتسميني بس انا ما اقدرش اتنازل عن حاجات كتيره اوي بلاحظها في الشعب المصري بيعملها انا ناقدها ومن ضمنها الاسم ده ومرسي اوي على الموضوع الجميل ده وبجد ما تزعلش من رايي ده وجهات نظر يا صحبي

زي ما قال العضو اللي قبلي بالضبط و لان دي من صفات ومن شيم العرب و بعدين هو لما الواحد ينادي على امه او اخته او مراته باسمها في الشارع هيبقى هو كده فرحان اوي لما الناس كلها تعرف اسم اللي بينادي عليها و لا خلاص مبقاش في رجاله عندها نخوه انتو فين يا رجاله و طبعا انا بحيي العضو اللي قبلي و بقوله انت مش معقد ولا حاجه هو ده الصح يمكن يكون لسه في رجاله

ازاى واصلا كل ست بتشتغل وبتدرس وكل الناس عارفه اسمها عادى ؟

والله انا شايفه ان مش ده اللى يرفع المرأه او ينزلها هى اللى تقدر تخلى اى حد يحترمها او لأ مش اسمها اللى حيفرق
شكرا

اولا شكرا لحضرتك بس لو حضرتك روحتي اي دوله عربيه و خاصة دول الخليج دول لو حد عندهم حد قال اسم واحده يبقى دا مش راجل و معندوش نخوه و ده معتقدش انه تقليل من المراه بالعكس تماما دا كده الراجل بيعلي من شأن المراه و بعدين دي زي ما قلت قبل كده من صفات العرب و لا احنا خلاص تنازلنا عن مبادئنا و بعدين انا مش معترض على شغل المراه الا ان في بعض التجاوزات ارفضها طبعا و يا ريت تتقبلوا رايي و شكراا مره تانيه

شكرا على التوبيك لجامد ده
أنا رايي متفق تماما مع راى uae engineer وM.dowidarوهو ده بالضبط الى المفروض يحصل

مش معنى انى مبقلش اسمها تبقى مش عاجبانى بالعكس دى قمة الرجوله والغيرة والحب والاحترام ودى شيمة الرجل الشرقى وخاصة المصرى
وبكرر شكرى على التوبيك ومحدش يزعل من الاراء....