موقع كلية الهندسة - جامعة طنطا
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 ازاي تقابلي العريس لاول مره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MoOoOdY
Important Eng
Important Eng


ذكر عدد الرسائل : 2645
العمر : 28
الموقع : http://www.funforworld.com
تاريخ التسجيل : 26/07/2007

مُساهمةموضوع: ازاي تقابلي العريس لاول مره   الأربعاء أكتوبر 15, 2008 11:34 am

هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
*******
الخطوة الأولى
جهزي نفسك نفسيا ومظهري

-1 علشان ماتتعبيش نفسك وأعصابك
على الفاضي ياريت تشيلي من دماغك فكرة إنك بضاعة جاي العريس
يتفرج عليها لأن دي حاجة مش صح وحطي في دماغك إن ده جاي
يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

2- حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي

3- بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك واوعي تنسي تختاري الألوان اللي تكون مناسبة عليك وتنور وشك

4- لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5- ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي

6- خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******

الخطوة التانية أثناء اللقاء نفسه

1- بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي

2- لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها

3- وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

4- لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5- خليكي جريئة ولو وجه لك الكلام ردي عليه بذوق من غير كسوف
*******

كمان خدي بالك أوووي

1- لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة

2- لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه ******* الخطوة الثالثة بعد انتهاء اللقاء بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك
*******
ياللا سلام


منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.funforworld.com
eng hana
Important Eng
Important Eng


انثى عدد الرسائل : 2311
العمر : 26
تاريخ التسجيل : 08/05/2008

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 3:48 pm

5- ياريت في اليوم ده ما تكتريش في المكياج علشان ما تبقيش عاملة زي البلياتشو..
هههههههههههههههههههههههههههههههههههههه
توبيك جامد يامودى تسلم ايديك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
avril lavigne
Important Eng
Important Eng


انثى عدد الرسائل : 3403
العمر : 26
الموقع : www.oriflame.com
تاريخ التسجيل : 06/09/2008

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 4:27 pm

ميرسي اوي يا مودي علي التوبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MoOoOdY
Important Eng
Important Eng


ذكر عدد الرسائل : 2645
العمر : 28
الموقع : http://www.funforworld.com
تاريخ التسجيل : 26/07/2007

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 5:07 pm

تسلمى يا هنا انتى avril lavigne
على المرور الجميل دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.funforworld.com
yoyo
Important Eng
Important Eng


انثى عدد الرسائل : 4259
العمر : 26
تاريخ التسجيل : 10/03/2008

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 5:12 pm

شكرا يا مودي على النصايح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
didi
Important Eng
Important Eng


انثى عدد الرسائل : 1357
العمر : 28
تاريخ التسجيل : 07/11/2007

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 9:24 pm

الف شكر عالتوبيك ................ Very Happy ونجاملك فالافراح ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dodo star
Important Eng
Important Eng


انثى عدد الرسائل : 2607
العمر : 26
تاريخ التسجيل : 21/12/2007

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 9:38 pm

ههههههه
شكرا يا موودي على النصايح الرهيبة دي
ونبقى نردهالك فتوبيك عن ازاي تتقدم لعروسة بتشوفها لاول مرة Smile ......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MoOoOdY
Important Eng
Important Eng


ذكر عدد الرسائل : 2645
العمر : 28
الموقع : http://www.funforworld.com
تاريخ التسجيل : 26/07/2007

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 11:02 pm

yoyo كتب:
شكرا يا مودي على النصايح
العفو بس متنسيش تعزمينى بقى

didi كتب:
الف شكر عالتوبيك ................ Very Happy ونجاملك فالافراح ان شاء الله
العفو يا ديدى
عقبال اما احضر فرحك قريب يا رب
علشان افرح فيكى Very Happy اصدى افرح بيكى Very Happy Very Happy

dodo star كتب:
ههههههه
شكرا يا موودي على النصايح الرهيبة دي
ونبقى نردهالك فتوبيك عن ازاي تتقدم لعروسة بتشوفها لاول مرة Smile ......

لا متخافيش يا دودو انا ناوى متجوزش
الواحد من دلوقتى بيقع فى مشاكل امال بقى لو اتجوز هيحصل اية
بلا وجع دماغ Very Happy

عقبال اما افرح فيكى انتى كمان Very Happy
يوووووووووووووه اصدى بيكى Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.funforworld.com
الرمش الساحر
Important Eng
Important Eng


انثى عدد الرسائل : 2345
العمر : 26
تاريخ التسجيل : 05/03/2008

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 11:19 pm

شكرا ياى موودى مش عارفه من غيركو كنا حنعمل ايه Razz

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MoOoOdY
Important Eng
Important Eng


ذكر عدد الرسائل : 2645
العمر : 28
الموقع : http://www.funforworld.com
تاريخ التسجيل : 26/07/2007

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 11:28 pm

الرمش الساحر كتب:
شكرا ياى موودى مش عارفه من غيركو كنا حنعمل ايه Razz

شكرا

افتكرى بس الجمايل دية يا دكتورة رنا Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.funforworld.com
5lac mafesh e5lac
Important Eng
Important Eng


انثى عدد الرسائل : 781
العمر : 27
تاريخ التسجيل : 25/09/2008

مُساهمةموضوع: رد: ازاي تقابلي العريس لاول مره   الأربعاء أكتوبر 15, 2008 11:32 pm

شكرا على التوبيك حلو اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاي تقابلي العريس لاول مره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: كل ما يخص البنات-
انتقل الى: