رباعيات صلاح جاهين

غمض عينيك وأرقص بخفه ودلع
الدنيا هي الشبه وانت الجدع
تشوف رشاقة خطوتك تعبدك
لكن أنت لو بصيت لرجليك تقع
وعجبي





أنا شاب ولكن عمري ولا ألف عام
وحيد ولكن بين ضلوعي زحام
خايف ولكن خوفي مني أنا
أخرس ولكن فلبي مليان كلام
وعجبي




لا تجبر الانسان ولا تخيره
يكفيه ما فيه من عقل بيحيره
اللي انهارده يطلبه ويرضاه
هو اللي بكره هيشتهي يغيره
وعجبي




حاسب من الاحزان وحاسب لها
حاسب علي رقابيك من حبلها
راح تنتهي ولابد راح تنتهي
مش أنتهت أحزان من قبلها
وعجبي



ولدي نصحتك لما صوتي أتنبح
ماتخافش من جني ولا من شبح
وان هب فيك عفريت قتيل أسأله
ما دفيعش ليه عن نفسه لما اندبح
وعجبي


عيني رآت مولود علي كتف أمه
يصرخ تهنن فيه يصرخ تضمه يصرخ
تقول يا أبني ما تنطق كلام
دا اللي ما يتكلمش يا كتر همه
وعجبي



ليه يا حبيبتي ما بينا دايما سفر
دا البعد \نب كبير لا يغتفر
ليه يا حبيبتي ما بينا دايما بحور
أعدي بحر ألاقي غيره اتحفر
وعجبي


أيوب رماه البين بكل العلل
سبع سنين مرضان وعتده شلل
الصبر طيب000 صبر أيوب شفاه
بس الآكاده مات بفعل الملل
وعجبي



قالو الشقيق بيمص دم الشقيق
والناس مهياش ناس بحق وحقيق
قلبي رميته وجبت غيره حجر
داب الحجر ورجعت قلبي رقيق
وعجبي



انسان أيا انسان ما أجهلك
ما أتفهك في الكون وما أضئلك
شمس وقمر وسدوم وملايين النجوم
وفاكرها يا موهوم مخلوقه لك
وعجبي



سمعت نقطة ميه جوا المحيط
بتقول لنقطه تانيه ما تنزليش في الغويط
أخاف عليكي من الغرق 00 فلت أنا
دا اللي يخاف من الوعد يبقي عبيط
وعجبي


مرغم عليك يا صبح مغصوب يا ليل
لا دخلتها برجليا ولا كان لي ميل
دخلت أنا في الحياه وبكره هخرج منها
شايلني00000 شيل
وعجبي



دخل الربيع يضحك لقاني حزين
نده الربيع علي أسمي لم قلت مين
حط الربيع أزهاره جنبي وراح
وأيه تعمل الازهار للميتين
وعجبي

دخل الشتا وقفل البيبان علي البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
وعجبي

الضحك قال يا سم علي التكشير
أمشير وطوبه وأنا ربيعي بشير
مطرح ما بظهر بنتصر علي العدم
وان شاله أكون رسمايه بالطباشير
وعجبي

عبسا بقول وأقرأ في صورة عبس
ما تلومش حد أن ابتسم او عبس
فيه ناس تقول الهزل يطلع جد
وناس تقول الجد يطلع عبس
وعجبي

يا طير يا طاير في السما عالي
طظ فيك ما تفتكرش ربنا مصطافيك
بردك بتاكل دود وللطين تعود
تمص فيه يا حلو ويمص فيك
وعجبي


عجبي عليك يا زمن
يا أبو البدع يا مبكي عيني دما
أزاي أنا أختار لروحي طريق
وأنا اللي داخل في الحياه مرغم
وعجبي



علم اللوع أضخم كتاب في الارض
بس اللي يغلط فيه يجيبوا الارض
أما الصراحه فأمرها ساهل
لكن لا تجلب مال ولا تصون عرض


زحام وأبواء سيارات مزعجه
اللي يطول له رصيف يبقي نجا
لو كنت جانبي يا حبيبي أنا
مش كنت أشوف أن الحياه مبهجه
وعجبي

شكرا يا ماكس على التوبيك الجميل
تم نقل الموضوع لقسم الأدب

كويس يا ماكس اووي
بس انت وقفت ليه
ما تكمل القصص والروايات دي
وسيبك من الترفيه شوية

خلاص أوكيه يا شباب أن شاء الله ح ادور على الحاجات المتميزه و ح اجيبها
بس و حيات ابوك يا مونش بلاش حليب قلبي دي

شكرا يا ماكس على المجهود

شكرا ليك يا ماكس على التوبيك

gamed geddan el topic da

بس و عجبي دي هيا اللي مش عاجباني خالص

جميله اوىىى يا ماكس

تسلم ايدك

ميرسى ليك على الموضوع