يا جمهور مصر،انه أبو تريكه!!

الزمان : ليلة السبت 11/11/2006

المكان : تونس

الحدث : المباراة النهائية لبطولة رابطة الابطال الافريقية بين الأهلى والصفاقسى التونسى

المشهد : جمهور مصر – وليس الاهلى فقط – يسهر مبتهجا فى شوارع مصر كلها ابتهاجا بفوز الاهلى فى عقر دار الصفاقسى .
السبب : توفيق الله سبحانه وتعالى ، أداء الفريق ، هدف أبو تريكة

الزمان : ليلة الجمعة 10/2/2006

المكان : القاهرة

الحدث : المباراة النهائية لبطولة كأس الأمم الافريقية بين مصر وكوت ديفوار

المشهد : جمهور مصر – وليس الاهلى فقط – يقيم الأفراح داخل الاستاد وخارجه والكل يجوب شوارع الجمهورية احتفالا بفوز مصر بكأس الامم .

السبب : توفيق الله سبحانه وتعالى ، أداء المنتخب ، ركلة ترجيح أبو تريكة

الزمان : ليلة الأحد 10/2/2008

المكان : غانا

الحدث : المباراة النهائية لبطولة كأس الأمم الافريقية بين مصر والكاميرون

المشهد : جمهور مصر – وليس الاهلى فقط – يقضى الليلة كاملة حتى ظهور خيوط صباح اليوم التالى فى شوارع مصر كلها سعيدا وغير مصدقا لفوز مصر بكأس الأمم الافريقية للمرة الثانية على التوالى وخارج مصر .

السبب : توفيق الله سبحانه وتعالى ، أداء المنتخب ، هدف أبو تريكة

الزمان : عصر الأحد 7/9/2008

المكان : الكونغو

الحدث : مباراة صعبة خارج الحدود مع منتخب الكونغو تقرر مستقبل المنتخب فى تصفيات حلم الوصول الى كأس العالم 2010 .

المشهد : المصريون – من مشجعى كل الاندية وليس الاهلى فقط - يستعيدون الهيبة ويتقدمون بكبرياء نحو التصفيات النهائية لكأس العالم ، واستعادة الاستقرار نحو تحقيق حلم الجميع .

السبب : توفيق الله سبحانه وتعالى ، أداء المنتخب ، هدف أبو تريكة

هذا هو " محمد أبو تريكة " الذى سبه جمهور الزمالك فى لقاء فريقهم أمام النادى الاهلى فى بطولة رابطة الابطال الافريقية الحالية .. ولم يقدم اليهم أى اساءة ليستحق منهم ذلك !

هذا هو " محمد أبو تريكة " الانسان العادى القريب من الله ، وهو ليس بمدعى النبوة أو كونه ملاك .. بل هو شخص طيب مهذب لا يسئ الى انسان !

يا جمهور مصر ... انه أبو تريكة !

أبو تريكة لا ينتظرنى لكى أدافع عنه ، وقد اعتذر الرجل عن خطأ رآه الكثيرون جدا أنه لا خطأ فيه من الأساس ، فكل ما فعله الرجل هو أنه طلب من جمهور الزمالك التوقف عن سبه بأقذع الألفاظ ، وهو ما يحدث للمرة الاولى له بلا أى مبرر ، والسؤال هنا : هل سب جمهور الاهلى "حازم امام" من قبل ؟ فعلى الرغم – للأسف الشديد – من هبوط مستوى مدرجات ملاعب كرة القدم فى مصر ، ولجوء البعض – وأكرر البعض – الى هذا الأسلوب البعيد عن الاخلاق والقيم والدين ، الا أن جمهور الاهلى كان يعلم مدى أدب وأخلاق "حازم" وبينما كان العديد من لاعبى الزمالك يستمعون – للأسف – من جانب قلة من جمهور الاهلى الى ألفاظ بذيئة ، الا انهم أبدا لم يتعرضوا الى "امام" ولم يهاجموه أبدا بل كان جمهور الزمالك هو من هاجمه قبل أن يعلن اعتزاله الموسم الماضى .

وأعود لما حدث فى اللقاء ربطا بأحداث تعلقت بشيكابالا لاعب الزمالك ، فهو أيضا تعرض لضغط شديد لتعمد قلة من جمهور الاهلى مهاجمته بألفاظ تخدش الحياء – – وأكتبها "قلة من الجمهور" لأن الغالبية دوما يفترض أنها على خلق .. ولكن رد فعله كان سيئا هو الآخر نظرا لما تعرض له من ضغط هائل ، وكان ما كان .

أما ما حدث لـ "أبو تريكة" الانسان المهذب ، فهو أمر صعب جدا أن يتقبله كل من شاهد هذا اللاعب او تعامل معه عن قرب ، فالرجل لم يدعى أبدا انه ملاك أو أعلى من البشر بل على العكس ، فهو متواضع لأبعد حد ، متدين – والمفترض أن نكون كلنا هكذا – أليس كذلك ؟! ، هادئ الطباع ويرفض الإساءة لأى كائن .. فلماذا يا قلة من جمهور الزمالك – لأن غالبية جمهور الزمالك بالتأكيد مهذب – تسبونه اليوم ؟!

المشاهد الرائعة المذكورة ، والتى شارك فيها أبو تريكة جميعا ، ليست فقط هى أفضل ما قدم .. ولكنى أردت ان أذكر جمهور مصر – لأنهم بالفعل جماهير مصر – بكم السعادة التى أدخلها هذا الانسان لقلوبهم وبيوتهم وأزال عنهم بعضا من هموم الدنيا فى هذه الليالى السعيدة على كل انسان فى مصر !

ولم تكن السعادة فقط ، بل كانت ممزوجة بالاحترام والطيبة والمثل والقدوة من هذا اللاعب المهذب ... فكيف طاوعتهم ألسنتهم وقلوبهم على سب من لم يقدم لهم سوى السعادة والمثل الطيب ؟!

وكالمعتاد ، تركوا حال فريقهم ووضعه بالمجموعة ، وألهوا أنفسهم متوهمين أن الرجل أخطأ حين أشار لهم بالرفض ، وهو الرد المهذب أيضا وليس به أى تجاوز لحدود الادب – بمنطق العقلاء فقط - وتعجبت أكثر واكثر مع تعليق مدرب فريق الزمالك ، كابتن طارق يحيى ، حين علق على اشارة أبو تريكة وأكد انه من العيب حدوث ذلك خاصة ونحن فى رمضان !!!! .. ولا تعليق لدى .

الرجل اعتذر لأنه لم يعتاد حتى على رد الاساءة ، وهو أمر يحترم ، رغم أن تداعيات الموضوع من جانب البعض هناك وفى أحد المواقع التى تخص مشجعى الزمالك وصلت الى مستوى لا يمكن التعليق عليه هنا فى مكان محترم .. والرد سيكون بالصمت وعدم التجاوب مع هذا المستوى .

أما عن وجهة نظرى المتواضعة ، فأعيد انى لا أدافع عن أبو تريكة ، ولا اشارته سواء اتفقنا او اختلفنا على الخطأ فيها ، فقط أردت تذكير الجميع بأن هذا الرجل لم يقدم اساءة أبدا .. بل كل ما قدمه هو السعادة للجمهور المصرى بكل انتماءاته .... و

اذا كان قد قالها ، لا لسبى ... فأراه حقا له فى دفع الأذى والمنكر عنه وهذا أضعف الايمان

اذا كان قد قالها ، لا للتفويت ... فاراه حقا لجمهور النادى الأهلى

واذا كان قد قالها ، لا لخسارة الاهلى ... فأراه حقا لناديه الذي أبدا لم يبخل عليه بشئ ، فرد له الجميل

** محمد أبو تريكه ... أشكرك على منحى الكثير من السعادة بفضل توفيق الله واجتهادك ، وأنتظر كأس العالم للأندية وكأس العالم 2010 مع المزيد من الفن والتألق بإذن الله

** جمهور الاهلى ... لا داعي لسب لاعبي الزمالك أو إهانتهم ، فقط شجع فريقك

** جمهور الزمالك ... لماذا السب والإهانة للاعبى الأهلي ؟ ، اهتم بفريقك وقم بتشجيعه فقط

الله علي كلامك بجد يا دينا

فعلا الراجل ده محترم وانا يمكن قلتها قبل كده

وانا معاه علي فكره هو معملشي حاجه غير انه قال للجمهور (تقفوا عن السباب )وهذا ما تعنيه الاشاره

شكرن يا دودو علي الكلام الجميل ده

لا تعليق علي اللي بيعمله جمهور الزمالك ده...........
اللي خالاهم يشتموا نجوم فرقتهم يبقي مش هيشتموا الراجل المحترم ده......
شتموا حازم اللي كل جمهور مصر بيعشقه اهلاويه قبل الزملكاويه......
شتموا ابو العلا....شتموا عبد الحليم.....ومش هكون مبالغ انهم شتموا لاعيبتهم لاعب لاعب.....
دول مش جمهور كوره.....دول ناس متخلفه من الاخر المفروض متشجعش كوره....اخرهم يتفرجوا علي الدوره الرمضانيه ويحدفوا الحكم بالطوب كالعاده......
الي ابو تريكه.....لقد ولدت في وسط جيل من هو الاعظم بين اجيال لاعبي الكره في مصر.....
وانت الاعظم وسطهم......دعك من هؤلاء...........
وربنا يجعلك دايما سبب في فرحه المصريين.....وحرقه دم الزملكاويه

شكرا يا جماعة على المرور بس شكلي كدة بهدي النفوس بين الزملكاوية والاهلوية
وطبعا ابو تريكة دة مفيش اتنين ممكن يختلفوا عليه ومش عارفة ازاي حد ممكن يشتمه وكمان بالام
نو كومنت

اولا شكرا ع التوبيك

وطبعا كويس انك قلتى ان جمهور الاهلى بيسب شيكابالا بطريق غير اخلاقية خالص عشان مودى يعرف ان جمهور الزمالك مش هو بس الى متخلف..

اذا كان قد قالها ، لا للتفويت ... فاراه حقا لجمهور النادى الأهلى

طبعا جمهور الزمالك لا يقبل ان الاهلى يسيب المباراة عشان نصعد ..وده طبعا حقنا
وحق جمهور الاهلى كمان
وطبعا بنتمنى ان لو الزمالك كسب ديناموز الاهلى ميفوتش الماتش لاسيك

انما لو اشار .. لا لصعود الزمالك
اعتقد ان ده كره وحقد لنادى كبير وراه ملايين مستنين الفرحة الى انتى نوهتى عنها فى اول كلامك
ويستاهل الى اتقاله

وانا عن نفسى اول مرة اشتم ابوتريكة ومزعلتش من كده

وطبعا هو من حقه يعبر عن فرحته بطريقته الخاصة ومن حقنا احنا كمان نعبر عنه بطريقتان الخاصة

واحب افكركم بحاجة
ان الحضرى جاب انجازات للنادى الاهلى لا ابوتريكه ولا غيره جاب زيها ومفيش لاعب سابق او لاعب هيجى هيعمل الى الحضرى عمله

ومع ذلك اول ما احترف بطريقة تسئ للنادى الاهلى وجماهيره الكل نسى ذلك ومعتقد انها هتتنسى

وهو ده حالنا مع ابو تريكه معتقدش ان جمهور الزمالك هينساله دى

اسف للاطالة

memooo كتب:: وطبعا كويس انك قلتى ان جمهور الاهلى بيسب شيكابالا بطريق غير اخلاقية خالص عشان مودى يعرف ان جمهور الزمالك مش هو بس الى متخلف..

اعتقد انك فاكر امته وفين وايه اللي حصل ساعتها عشان يتسب ... مع ان دي عصبيه ملهاااش لازمة اللي عملها جمهورنا العزيز .. confused

memooo كتب:: اذا كان قد قالها ، لا للتفويت ... فاراه حقا لجمهور النادى الأهلى

يا شدييييييييييييييييييييييد .. pirat

memooo كتب:: انما لو اشار .. لا لصعود الزمالك
اعتقد ان ده كره وحقد لنادى كبير وراه ملايين مستنين الفرحة الى انتى نوهتى عنها فى اول كلامك
ويستاهل الى اتقاله

لو سمحت .. ممكن تعرف ان الراجل خلاص شبع بطولات .. يعني مش فارقة معاها وبيلعب عشان يسعد جماهيييره مش اكتر .. بس انه يشاور للجمهور بالكف عن شتمه وسبه .. اعتقد ان دي من حقة .. لأنه بيلعب عشان يفوز .. مش بيلعب عشان فلوس .. عشان كدا انا بحترمه وبقدره ..

memooo كتب:: وانا عن نفسى اول مرة اشتم ابوتريكة ومزعلتش من كده

يــــــــــــــــــــــــــــا عيب الشوووووووووووووووووم عليييك Sad

memooo كتب:: وطبعا هو من حقه يعبر عن فرحته بطريقته الخاصة ومن حقنا احنا كمان نعبر عنه بطريقتان الخاصة

اذا كانت ديه طريقتكم فبصراحة .. لا تعليييييييييييييق

memooo كتب:: واحب افكركم بحاجة
ان الحضرى جاب انجازات للنادى الاهلى لا ابوتريكه ولا غيره جاب زيها ومفيش لاعب سابق او لاعب هيجى هيعمل الى الحضرى عمله
ومع ذلك اول ما احترف بطريقة تسئ للنادى الاهلى وجماهيره الكل نسى ذلك ومعتقد انها هتتنسى

يا ريتك ما فكرتنا .. Rolling Eyes

بصراحة انا فرحااااان من الحضري جدا عمل حاجتين اساسيتين ف اي لاعيب موجود ف الدنيا دي كلها .. عمل اللي في نفسه .. واحترف ف فريق دولي .. ودي حياته الشخصية .. الحاجة التانية انه مبيتأخرش ابدا ف اي مطش انطلب فيها او اي بطولة كماان .. زي ما في ناس كتيير بتعملها.. وتتحجج بالاصابه
بصراحة الحضري لاعيب احترمه واقدره كل احترام وتقدير .. وشايف ان اللي عمله مش غلط ..

memooo كتب:: وهو ده حالنا مع ابو تريكه معتقدش ان جمهور الزمالك هينساله دى
اسف للاطالة

هينسالة ايه .. انه جاب جون ف الزمالك ؟؟ لما كان الزمالك جايب 2/1 ؟؟
بجد انا تعبت .. لا تعلييييييق

وف الاخر و الأول .. احب اشكر الست دودو اللي وقعت النااااااااااس ف بعض ..:D
ع فكرة يا ميمو .. الاختلاف ف الرأي لا يفسد للود قضيه ..

a_hm_ed

وف الاخر و الأول .. احب اشكر الست دودو اللي وقعت النااااااااااس ف بعض

..........

معلشى انا اسف يا جماعة المفروض ان لينا قسم نقول فيه الى احنا عاوزينه

سورى

a_hm_ed

ع فكرة يا ميمو .. الاختلاف ف الرأي لا يفسد للود قضيه

..........

طبعا مفيش مشكلة اكيد كل الاخوات بيختلفوا وعادى جدااا ويا رب كلامى ميزعلش حد

a_hm_ed

اعتقد انك فاكر امته وفين وايه اللي حصل ساعتها عشان يتسب ... مع ان دي عصبيه ملهاااش لازمة اللي عملها جمهورنا العزيز ..

............

طبعا هو معملش حاجة الا بعد ما اتسب وسمع كلام محدش يطيقه على نفسه واى حد مكانه هيعل اكتر من كده

a_hm_ed

لو سمحت .. ممكن تعرف ان الراجل خلاص شبع بطولات

..........

لو سمحت انت يؤسفنى اقولك انك ملعبتش كورة قبل كده لان مفيش لاعب كورة بيشبع من البطولات ومفيش حد بيشبع من عمله وشغله.

والكلام ده بنسمعه من الاهلويه كتير لما بيخسروا بطوله (حجة البليد)

ولو الاهلى شبع بطولات فعلا واستكفى يبقى يقفل النادى احسن ويوفر الملايين دى ويعملنا بيها حاجات اكثر افاده

a_hm_ed

بس انه يشاور للجمهور بالكف عن شتمه وسب

........

ممكن برده والله اعلم

بس لو عشان كده مكنش ملأ الدنيا والفضائيات بالعتزار

واكيد انت شفت الراجل الى من جمهور الاهلى واعتزر بعد المباراة وقال نيابة عن تريكة

a_hm_ed

بيلعب عشان فلوس

.........

طيب مانت عارف انه ده عمله ومهنته

امال شبع ايه بأه

a_hm_ed

يــــــــــــــــــــــــــــا عيب الشوووووووووووووووووم علييي

.........

والله يا كومى للاسف دائما وابداااااا بطبق المقولة

منحبنا حبناه وصار........ومن كرهنا فارقناه ويحرم.........

a_hm_ed

اذا كانت ديه طريقتكم فبصراحة

..............

فعلا دى طريقتنا بس مش مع كل الناس بنعامل الناس زى ما الناس تحب

بنحترم المحترم انما بأه الى مش ..........................................(بلاش احسن)

a_hm_ed

هينسالة ايه .. انه جاب جون ف الزمالك ؟؟ لما كان الزمالك جايب 2/1 ؟؟

.................

مش هنننساله كرهه للزمالك

a_hm_ed

بجد انا تعبت

..............

الف سلامة Smile

وانا اسف لتانى مرة ويا رب مكنش ضيق تقبل على القسم الخاص بالنادى الاهلى Smile

زمانك يا دودو زعلانه انك كتبتى التوبيك او انى شاركت فيه

معلشى Very Happy

ايه يا جماعة هو انتوا ما صدقتوا

شكرا يا دودو ستار على التوبيك

memooo كتب:: زمانك يا دودو زعلانه انك كتبتى التوبيك او انى شاركت فيه

معلشى

هههههههه انا اصلا مش فهمة اي حاجة من الكلام الي انتو بتوله دة
بس المهم ان التوبيك ميكنش عمل مشاكل

تسلمي على الموضوع الجميل ياغاليه وبعدين الشتيمه مهما كانت مش هتققل من شان ابو تريكه حاجه يبقى نزعل نفسنا ليه مرسي مره تانيه