هــــــــــــام بخصوص الرسائل الخاصة

يا جماعه طبعا انا مكنتش عاوز اعمل الموضوع دة لاننا كلنا مهندسين واكيد بنعرف نستخدم الرسائل الخاصة
استخدام كويس

بس لاحظت فى الفترة الاخيرة ان فى ناس بتستعلها وحش اوى وبطريقة مستفزة

فعلشان كدة انا عملت التوبيك دة

اى حد عندة شكوة من اى رسالة خاصة وصلتة يا ريت يبلغنا
يكتب اسم العضو الى بعتلة الرسالة الخاصة ويا ريت يبعت مضمون الرسالة فى رسالة خاصة لاى فرد من افراد الادارة وسيتم تحذير هذا العضو واذا تكررت الشكوة مرة اخرى منه
سيتم ايقافة
>>> وشكراااااااااااااااااااااااااااااااا

انا هكتفى المرادى بتحذير شفهى للعضو احمد كامل لكن لو تكرر دة تانى هنزلك تحذير مخصوص ولو اتكرر كمان مرة هتبقى طرد من المنتدى
ويا ريت لو عزت حاجة من الادارة ابقى بلغنى انا او اى حد من طاقم الادارة
وملكش دعوة بالمشرفين

بما انى وافقت على قوانين المنتدى (شروط الاستخدام ) فانا جاهز لاى نوع من العقاب والمحاكمة امام جمسع السادة العضاء والمشرفين والادارة
بس بشرط اثبات اى تهمة تعدى انا عملتها سواء فى المواضيع او الرسايل الخاصة بل انا هجيب ادانة على كات لان اسلوبها فى الرسايل الخاصة مش كويس و حكاية مشرفة دى محسسها انها معاها سلطة مطلقة حصانة ضد اى شئ

ههههههههههههههههههههههههههههههههه
مش عارف اقلك اية يبنى
حصانة اية بس هوة احنا فى مجلس الشعب
انا شفت كل الرسايل الخاصة الى انت باعتها والى هية بعتتهالك ومشفتش اى اسلوب وحش يعنى
وعلى فكرة يا احمد كامل الرسايل الخاصة مش معمولة علشان تخش تدلع المشرفين
او تتعرف عليهم
انت تبعت رسالة خاصة اما تكون عاوز حاجة معينة
وكمان متبعتش للمشرفين ابعت للمراقبين
عندك طاقم ادارة زى الفل والله
على العموم عندك فرصة تدافع عن نفسك
نزل الرسايل الخاصة الى انتى بعتها والى هية بعتتتها واحنا هنشوفها ونحكم

ايه لعب العيال ده


احنا مش المفروض كلنا اخوات


ايه لزمه الرسايل الخاصه

والله احنا باين مش فى هندسه

والرسايل الخاصه معموله علشان لو عاوز تستفسر عن حاجه بس

من حقي كعضو جديد اني اعترض فيها اية لما ابعت رسالة خاصة لاي عضو في المنتدى مدام باحترام كامل للمرسل الية اضن انها مفيهاش حاجة سواء كنت حابب اتعرف عليه او عليها المفروض ان احنا بنكون علاقات صداقة بينا وبين بعض وانا بعت كذا رسالة لاعضاء كثير في المنتدى منهم اللى رد وبقينا اصدقاء ومنهم اللى مردش وعادي واللى مردش مبعتلوش تاني وبعترض مع الاخ الاحمد 2003 اللى بيقول احنا مش في هندسة المفروض ان المنتدى مفتوح للجميع سواء من هندسة او مش من هندسة وانا عن نفسي مش من هندسة يعني مش تركش في المنتدى ارجو من المشرفين او الداريين او الراقبين الرد وشكرا

خلاص يا جماعة علشان نبقى على نور بس وعلشان خاطر البرنس كمان
اى رسالة هتتبعت لاى عضو فيها ارقام موبايلات او ايميلات او اسلوب وحش فى الكلام او ..... الخ
لو العضو اشتكى من الرسالة دية وبلغنا بيها سيتم ايقاف العضو الى بعت الرسالة

وبالنسبة للاستفسارات : الى عاوز يستفسر عن حاجة فى المنتدى يا ريت ميسألش اليوزر يا ريت يسألنا نحن طاقم الادارة ويا ريت يراعي اسلوبة فى الرسالة

ويا ريت كلامى يكون مفهوم لانى بجد حاطط عينى على شوية اعضاء فى المنتدى من هواة الرسايل الخاصة ولو وصلتنى اى شكوة منهم سيتم ايقافهم فورا

انا معاكم انه مينفعش ابعت رسائل خاصة فيها ارقام تليفون او ألفاظ خارجة ويجب على الادارة تحذيرة وايقافة وانا فعلا حبيت المنتدى اقوي بس مدام الواحد بتكلم باحترامة يبقى مفيهاش مشاكل انا بس حبيت اوضح لاحمد 2003 اللى بيقول هندسة وانا عمري ما حسيت بالكلام دة غير لما شفت رسالتة وشكرا لكل المحترمين

على فكرة يا برنس ahmed2003a مغلطش فى اى حاجة
وبصراحة انا حبيت العضو دة من قبل ما اشوفة ونفسى بجد اتعرف علية
ويا ريت كل شباب المنتدى ذية

على فكرة يامودي انا مقاتش بكرهة او اسات لية انت بتحبة دية حاجة شخصية
انا حبيت اعرفة ان المنتدى مش للهندسة بس بالعكس لجميع الناس ولا انا غلطان

على فكرة هوة اما قال كلمة هندسة مكنش يقصد بيها حاجة
هوة كان يقصد اننا ناس كبار فى كليات المفروض نعرف نستخدم الحاجة الاستخدام الصح

لا املك الا ان اقول كما قال ابو يوسف
".... قال انما اشكو بثى وحزنى الى الله واعلم من الله مالا تعلمون"

طيب

انا مكنش قصدى هندسه ولا لا

انا مجاش فى بالى اصلا ان فيه حد فى المنتدى مش فى هدسه

وبعدين المفروض ان احنا كلنا اخوات

فبلاش ان احنا نقف لبعض على حاجات صغيره

تمام كدة يا احمد
على فكرة يا احمد انت انسان محترم جدا وانا بجد نفسى اتعرف عليك

اية يا روميو انت عارف انى مش بحب اكتم مشاعرى
انا بعبر عن شكرى وتقديرى للبشمهندس دة