موقع كلية الهندسة - جامعة طنطا
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 فلنأخذ العبرة والموعظة من محمود حمزة ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ULTRAS WHITE KNIGHTS
Important Eng
Important Eng


ذكر عدد الرسائل : 374
العمر : 27
الموقع : www.uwk07.org
تاريخ التسجيل : 01/03/2008

مُساهمةموضوع: فلنأخذ العبرة والموعظة من محمود حمزة ..   الخميس يوليو 24, 2008 9:29 am

حبيت بس اتكلم واحكي مع الناس وافكر نفسي قبل ما افكركم

اننا لازم ناخد درس وعظة كبيرة من حالة اخونا محمود

يعلم الله انا حزين ازاي لكن فرحان عشان هو ان شاء الله في مكان حلو جداا وماشاء الله البني ادم دة ربنا بيحبه جدا واكيد كلنا حسينا بدة

عاوزين بس ماننساش ويفضل محمود في قلوبنا وعقولنا

ياريت قبل ما نتشد ونتعصب وتاخدنا الحياة تاني ونتلهى وزمالك واهلى وشتايم وعصبية وخناق وتعصب اعمى وضرب وووو

ياريت قبل ماكل واحد يقول كلمة ع السايت او في حياته يفتكر محمود ويفتكر هو بقى فين دلوقتي

واننا كلنا ممكن نحصله في لحظة

انا مش عاوز حد يكتئب او يتضايق بس الواحد لازم يتعظ وربنا له حكمة كبيرة في موضوع محمود

ياريت نركز في تصرفاتنا بعد كدة ونهتم بعلاقتنا بربنا ونقرب اكتر واكتر

محمود اخر مرة شفته في المستشفى صرخ وقعد يقول المفروض اصلي المفروض اصلي
هو الحمد لله كان بيصلي
بس الواحد شاف الانسان بيوصل لفين وبيبقى عاوز يلحق نفسه ويتقرب الى الله لكن الظروف بتبقى مش سامحة له

ياريت ياجماعة كلمتين بس اي حد بيضيع صلاته وبيضيع فروضه وواجباته تجاه ربنا يتعظ من اللي حصل لمحمود ويعيد التفكير في حياته ماشية ازاي ويقرب من ربنا لان العمر قصير والدنيا بتخلص في ثانية ومش هاينفعنا زمالك وماتشات وحرقة دم في اي حاجة
ياريت قبل ما كل واحد يشتم وينفعل ع السايت او في اي ماتش ويهدد اخواته المسلمين لمجرد انهم اهلاوية او او او ياريت نعي الدرس فعلا ونعرف ان مفيش حاجة تستاهل كل دة

مش هاتنفعنا اي حاجة غير عملنا الصالح وطاعتنا لله

وانا باذكر نفسي قبلكم وهاحاول اني احط محمود ادامي دايما عشان افتكر ان مفيش حاجة تستاهل وان ممكن الواحد يروح للي خلقه في ثانية
بس ياترى هاكون اد مقابلة الخالق

نقطة اخيرة انا مش قصدي ادي نصايح انا اقل من اني اعمل كدة انا فعلا باذكر نفسي قبلكم لان كلنا بنتصرف نفس التصرفات وكلنا بننسى ونرجع تاني نبعد ..

فلنتعظ جميعا

ولندعو لمحمود بالرحمة والمغفرة والجنة والثبات عند السؤال

ياااااااااااااارب احسن خواتمنا وارحم محمود وارحم موتانا وموتى المسلمين اجمعين
__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.zamalekfans.com
Ramy
Important Eng
Important Eng


ذكر عدد الرسائل : 1494
الموقع : amrkhaled.net
تاريخ التسجيل : 27/09/2007

مُساهمةموضوع: رد: فلنأخذ العبرة والموعظة من محمود حمزة ..   الخميس يوليو 24, 2008 5:50 pm

اللهم ارحمه وارحمنا اذا ما صرنا الي ما صار اليه
ياريت الكل يدعيله بالرحمة ويقراله الفاتحة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فلنأخذ العبرة والموعظة من محمود حمزة ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Faculty Of Engineering - Tanta University :: قسم الرياضة :: رابطة مشجعى نادى الزمالك-
انتقل الى: